السلام عليكم ورحمة الله وبركاته
انا حأحكيلكم قصتي مع الرجيم وسمنتي الا مو راضيه تنتهي
انا عمري 20 سنه طالبه جامعيه ومن يوم كنت سنه ثالثه ثانوي
اخر مرحله ثانوية بدأ وزني في تزايد مع الضغط النفسي
ولحد وصل في فترة لما فوق 95 كيلو وبعدها انا انصدمت لدرجه انه
ملابسي ما كانت تدخل فيني حسيت وقتها انه لازم اعمل شي
والين وصل وزني 88.2 كيلو ونزل كم مره ووصلت لـ 83.8
ويمكن نزل اكتر من كدا بس كنت ارجع لـ 88.2
واشتركت في نادي لكن ما كنت استمر على رجيم يوم اتحمس و 10 ايام ابطل
فأنا مررره حابه انه احد يشجعني ويبدأ معايا ويستمر معايا
ما ننقطع ونفضل على تواصل مو بس على المنتدى حتى على الماسنجر
عشان نتحمس ونتشجع مع بعض
وفي خلطه قريتها لأسيرة حبيبها
شاهي اخضر + نعناع + كمون + زنجبيل
تغلى على النار وتشرب على الريق وقبل الغدا والعشا بنص ساعه
وانا مشتركه في نادي فرياضه 5 ايام في الاسبوع
بس لحد دحين ما اعرف ايش اسوي رجيم ياريت تساعدوني في اختيار الرجيم
الروابط المفضلة