انا وزنى اصلا كان زايد قبل الجواز وزاد فالحمل بطريقة غير طبيعية لدرجة ان الدكتورة انتقضتنى ادام جوزى واهله بعد الولادة وقالتلى مش عاوزة اشوف المنظر ده تانى ودلوقتى بقالى سنة مخلفة منزلتش فى وزنى غير حاجة بسيطة ومن ساعة الولادة وانا باستخدم العازل كوسيلة منع حمل لكن جوزى ادايق جدا وعاوز حاجة تانية
وانا خايفة من الاقراص عشان بتزود الوزن واصلا كمان غلط على اللى وزنهم زايد
وخايفة من اللولب لانى مقدرش استحمل تركيبه وكمان النوع الهرمونى انا مش معاى فلوسه دلوقت
ومش عاوزة اى حاجة موضعية
ياريت ال عندها تجربة تقولى واللى بستخدم الحبوب تقولى بستخدم اى انوع وبيزودها اد ايه فالوزن وايه اثاره الجانبية معاها
اخر يوم فالدورة انهاردة وعايزة مساعدتكم ضرورى عشان استخدم حاجة بسرعة
وزنى 110الان ادعولى اخس بدون ترهلات ويروح السليوليت وربنا يوفقنى للوسيلة الصح

حبيبتى انا كمان مشكلتى تقريبا زيك وكلنا بنمر بهذه التجربة بس انا بفضل اللولب لانه ليس له اى حاجة بالنسبة للوزن اما عن تركيبه شىء سهل توكلى على الله لو تعرفنى اد ايه انا خوافة ما تصدقى انى بركبه اتمنى انى اكون افدتك حبيبتى

توكلي على الله اللولب ما في اسهل من تركيبه ومريح كتييير

انا كمان والله حبيبتي زي ما اختي ندي قالت بخاف جدا من تركيب اللوب وبعد ماخلفت بنتي اخدت حبوب من خوفي من اللوب بس للاسف زودتني جامد فاضطريت اني اركب لولب بالرغم من خوفي الشديد بس الحمد الله والله من غير مبالغة مفيش مشاكل فيه توكلي علي بركة الله وركبيه

جزاكم الله خيرا
بجد مش عارفة اشكركم ازاى ورجاء متنسونيش من دعواتكم