السلام عليكم ورحمة الله وبركاته
ازيكم اخواتى ..
عايزة اشارككم معايا فى مشكلتى مع اى رجيم احاول انى امشى عليه
فأنا متابعة مع دكتور رجيم كويس وبامشى على نظامه بالحرف الواحد بمعنى انى مش بأكل الخبز ابدا والحمد لله معنديش مشكلة فى الامتناع نهائيا عن الارز والمكرونات لأنى اصلا مش باحبهم وكمان باستخدم دايما بديل السكر فى المشروبات كلها ......
طبعا أكيد بتسألوا طيب هى فين المشكلة بتاعتها ...
مشكلتى هى فى ..... الحلويات
هى دى نقطة ضعفى الوحيدة فأنا ممكن امشى طول اليوم على النظام بالمسطرة ولكنى على اخر اليوم بأكون حاسة انى زى المدمنة اللى ناقصها الجرعة وعايزة أكل اى شئ مسكر وبكمية كبيرة . وطبعا كلكم عارفين ان السكر بيفسد اى نظام رجيم مهما كنتى ملتزمة بيه .
حقيقى مش عارفة اغير نفسي والدكتور زهق منى فعشقى للحلويات لا ينتهى ..... لو فيكم حد يقدر يعطينى نصيحة مجدية فله الأجر والثواب عند الله
الروابط المفضلة