بسم الله الرحمن الرحيم
السؤال دة انا سمعت عنة اجابات كتير ومش عارفة مين اللي صح شفت بنات سالين علية بكذا منتدي بس مفيش اجابة كاملة قدرت اوصلها فا اللي تقدر تساعدني جزاها الله كل خير انا عارفة ان وقت الحيض بيكون الجسم زايد من كيلو الي اتنين كيلو بسبب احتباس السوائل في الجسم و سؤالي هو ؟؟

هل في فترة الحيض بيتوقف الجسم عن النزول تماما حتي لو كنت مطبقة الرجيم بحذافيرة و لعبت رياضة . ولا بينزل الوزن بس بتبان النتيجة بعد هذة الفترة . و بيكون النزول بنفس المعدل الطبيعي الي بينزل فية الجسم بالايام العادية ولا اقل يعني مثلا لو انا عاملة رجيم بينقص في اليوم كيلو في وقت الدورة بينقص برضة كيلو ولا اقل ؟؟

في واحدة قالتلي في الوقت دة كلي الي انتي عايزاة وباي كمية لان الوزن لا بيزيد ولا بينقص وانا محتارة بصراحة و خايفة لا اخربط الرجيم واكل اللي نفسي فية وبعدها الاقي نفسي زدت تاني الي خسرتة ارجوكم اللي عندها اجابة وافية لسؤالي تجاوبني والله يبارك فيكم ....

كويس اني لقيت احد سال نفس السؤال الي كان على بالي ان شاء الله الاخوات يفيدونا

بصى حبيبتى انا هقولك تجربتى ...انا التزمت بالريجيم فى وقت الدورة

بس مكنتش بقدر اشرب ميه كتيير زى كل يوم لانى كنت بحس ان جسمى منفوخ

و كنت بلعب رياضة على خفيف...

و بعد الدورة ما خلصت لقيت نفسى خسييت نص كيلو احسن من مفييش

قانت التزمى و كملى و النتيجة هتبان بعد ما الدورة تخلص و ربنا معانا

ميرسي يا نور . علي رئيك احسن من مافيش بس الواحد بيضايق انة اسبوع بيطير تقريبا يعني من غير نتيجة واحنا محتاجين كل يوم علشان نخلص من الهم دة انا حتي حاولت ادور علي دايت مناسب للفترة دي يسرع في النزول وبعدها ارجع للدايت بتاعي سمعت انة رجيم التمر مناسب بس بصراحة مش متاكدة لان في ناس خسوا علية وفي ناس زادو فا قلت خليني علي اللي انا علية وخلاص لحد لما اتاكد..

أختى ..
اللى أشارت عليكى تاكلى كل اللى نفسك فيه خطأأأأأأأأأأ
لأن جسمك بيزيد وزنه من الميه
والبطن بيحصل فيها انتفاخ كبير
ولو انتى وقفتى الريجيم واكلتى بشكل كبير تأكدى إن الزياده فى الوزن وحجم البطن حتفضل ثابته ومش حيرجع جسمك بعد انتهاء الكام يوم دول لطبيعته
الكلام ده سمعته من طبيب ومش من دماغى
أنصحك خليكى على الريجيم مع زيادة السوايل ( شرب السوايل بيطرد السوايل المحتبسه سبحان الله )
وخدى حديد