السلام عليكم ورحمةالله وبركاته
اخواتي بنات لك من زمان وانا بكتب لكم قصتي بس لهيت بمرضي الله يشفيني بقدرته وعزته
رحت للدكتوره !!!!!!!!!!!!!!!!!!!!! الله لايوفقها كانهاالسبب بمرضي عطتني الرجيم طبعامعاه حبوب تنحيف اول مره اشوفها(بنهاية الموضوع بحطلكم صورها ان شاءالله) بحياتي رجعت بعداسبوع زايده كيلواستغربت وضاق صدري لاني ماسكه ريجيمها صح غيرت الريجيم وعطتني حبوب ثانيه اكلها مع الاولى اتعبتني الحبوب مره جابت لي دوخه وغثيان وصداع ومن غبائي الزايد ومن كثر اناابغى انحف طنشت الاعراض واصريت اكل الحبوب رجعت بعداسبوع طلعت ناحفه كيلوين انبسطت وقلتلها على التعب اللي جاني من الحبوب تخيلو في احد يلعب بمرضاه كذا قامت وعطتني حبوب ثالثه اكلها مع النوع الاول واوقف الثانيه خفت الاعراض بس لما رجعت بعداسبوع كمان طلعت ناحفه كيلو ونص زعلت الدكتوره وقالت المفروض تنزلين اكثرمن كذا انا ماكان عندي مشكله بس هي تقول بتملين من الريجيم وبتتركينه اذا مانحفتي اسرع من كذا المعروف ان النزول البطيء للوزن افضل لانه هواللي يثبت ولا يرجع ثانيه ولاحظت ان الدكتوره عجوله ولاتسال اساله عن صحتي يمكن ماتناسبني الحبوب تبي الربح باي طريقه والله يابنات لعبت فيني بالحبوب تعطينيها كنها حلاو
المهم نكمل رجعت بعداسبوع لقت الوزن ثابت تخيلو قالت لي وقفي الحبوب وارجعي للحبوب الثانيه اللي كانت بدايةتعبي وغيرت الرجيم ومن غبائي طبقت كلامهاورجع لي التعب مره ثانيه ورجعت لها وقلت لهاالحبوب شكلها ماتناسني قالت غريه مع انها كلها اعشاب طبيعيه سبحان الله يعني عشانها اعشاب طبيعيه ماتضر مو كل الادويه مستخرجه من النباتات والاعشاب لكن هوسي بالنحافه اعمى عيوني عن كل شي
وبعد كم يوم الله لايعيدالشر صحيت الصبح وانا بموت من بطني الم وغثيان وحرقان شديد لدرجة الله يعزكم احاول استفرغ قلت يمكن يخف الحرقان مافي فايده رحت على طول اسعاف دله حطوني عالمغذي ساعه وعطوني ابر ثانيه رجعت للبيت خف شوي لكن مازال الحرقان موجود ثاني يوم رجع لي كل شي حاولت اكل علاجات من عندي مثل شراب للحرقان لكن مافيه فايده والله يابنات ماانوم اصيح طول الليل واصلي وادعي ربي انه يشفيني حجزت عند الدكتور!!!!!!! المعروف ورحت وسوى لي اشعه وقال لي فيك طفيليات (يعني دود صغار)عرفت على طول انها من حبوب الريجيم ووريتهاالدكتور وهاوشني وقال المفروض ماتصدقون هالاشياءكلها تجاريه الغرض منها الربح فقط
استمريت عالعلاج وتحسنت شوي بعدين رجع كل شي رحت !!!!!!!! لقيته باجازه عيد الاضحى ماقدرت اصبر كنت مره تعبانه رحت لدله ثانيه ودخلت على د كتور مناظير متعمده لاني خفت من القرحه قلت اسوي منظار واتاكد سويته ثاني يوم الصباح وقال مافي قرحه الحمدلله بس طلع فتق بالمعده انااول مره اسمع فيه معناه ان فوهة المعده مفتوحه وهوالمفروض يكون مسكر عشان اذا دخل الاكل المعده تسكر عليه عشان مايطلع للمرىء ويسبب حرقان شديد يعني ارتجاع حمض المعده للاعلى وهذا اللي مخليني احس بغصه بالمرىء طول الوقت وحرقان شديد جدا عمري ماحسيت به حتى ايام ماكان عندي المراره كنت احس بحرقان بس اذاشربت حليب بارد اوشراب حرقان راح هالمره ابد عجزت ماخليت شي
المهم سالت الدكتور وش سببه قال خلقه او كثرة الحمل والولاده مااعتقد انه خلقه لاني ماحسيت بالتعب الامن شهر ولا كثرةحمل وولاده لان ولدي الان عمره سبع سنين انا متاكده انها حبوب الرجيم بس نسيت اوريها له كتب لي علاج غالي قلت كيفه بس الله ينفع به ومشيت عليه اسبوع ماشفت زود رجعت له قال استني مايبدا مفعول العلاج على طول ارجعي لي بعد شهرين نفسيتي تعبت مره وجبت شيخ يقرا علي ومع العلاج والقرايه تحسنت شوي والحمدلله رجعت للدكتور بعد شهر ونص لاني بدى يرجع لي التعب والدواءماعاديعطي مفعول زي اول قال لي الدكتور يمكن عندك مرىء عصبي زي القولون العصبي وهواللي مسبب لي الغصه والتشنجات قام غير لي الدواء واناالحين ماشيه عليه تحسنت والحمدلله على كل حال
انا حياتي تغيرت 180 درجه بعد ماكنت اكل اللي ابي طبعا نسيت اقولكم عطاني الدكتور حجبه عن الدهون والمقالي والمسبك والحلويات والشاي والقهوه والحمضيات وحتى لوهفت نفسي واكلت من الممنوع علي اتعب على طول وكاس المويه طول الوقت بيدي مااتحمل ينشف ريقي دقيقه وانااللي كنت احسب النحف على كيفي كنت اقول لنفسي بنحف خلال 3شهور عشان ابي احمل ومابي اكون سمينه اثناء الحمل لكن قدرالله وماشاءفعل ونسيت كمان اقول لكم ان الحمل ممنوع بسب العلاج كان نفسي ببنوته الله يرزقني ولايقطعني وكل من يتمنى ويشفيني ويعافيني وكل مسلم يارب يا كريم ياذا الجلال والاكرام برحمتك استغيث يامغيث اغثني يا شافي اشفني يارزاق ارزقني ووالدي وجميع المسلمين يارب العالمين
والله يابنات اناقولكم قصتي للعظه والعبره اتمنى انكم تستفيدون انا الحين مابي لانحف ولارشاقه ابي العافيه مايسوى تخسرين صحتك عشان كم كيلو تبين تنحفين سكري فمك وكلي اكل صحي وامشي وبس
والله يابنات انصحكم لوجه الله لاتاكلون اي حبوب تنحيف حتى لوكانت حبوب خل التفاح او حبوب شاي اخضر او اي حبوب حتى لوكانت مصدقه من وزارة الصحه اومدحها القحطاني اومدحها لكم اي احداللي يناسب غيرك يمكن مايناسبك خففو اكل ورياضه اوشوي مشي وبس والله يابنات كنت مشقيه نفسي ماخليت شي ابي انحف كل شي بعالم حواء جربته الحين التوبه مااطيق طاري الرجيم حتى عشان كذا اقول لكم كوني سمينه ولاتكوني مريضه ادعو لي يابنات والله محتاجه دعواتكم ياليت المشرفات يثبتون الموضوع اسفه طولت عليكم وشاكره لكم تحملكم لي
الروابط المفضلة