من يومين كدا و انا بقلب بالريموت لقيت واحد مسبسب شعره وقاعد يتكلم عن الاعشاب

المهم عرفت من الكلام انه دكتور اعشاب اردنى اسمه يوسف مش فاكرة ايه و كان على قناة النجاح الساعة 11 بالليل يوم الاحد

و قال وصفة للمناطق المتجمع بها دهون كثيرة كالافخاد و الجناب و البطن و الاذرع تنقص باليوم ممكن كيلو حسب درجة حرق الجسم للدهون و من غير اى مجهود

الحكاية انك تجيبى ورق كرنب و تاخدى ورقة ورقة تسخنيها على النار بس من غير ماتنحرق او ممكن تحطيها فى فرن ساخن كام دقيقة لغاية ماتسخن و تحطيها على الاماكن اللى بها سلوليت فى الجسم و تغطيها بشاش طبى و تنامى و الصبح تشيليه


المهم انكم تشوفوا درجة حرارة الورقة يعنى مش تاخديها من على النار على طول على جسمك و تتحرقى


واحدة اتصلت به و قالت انه ازاى حيعمل مفعول من غير اى كريم او حركة معاه

قالها ان ورق الملفوف فيه مواد طبيعية بتعمل على اذابة الدهون و عشان كدا شوربة الملفوف هى احسن شى للحميه
و قيسى بالسانتى محيط المكان اللى عايزة تحطى عليه قبل و قيسيه بعد يوم او 2 و شوفى النتيجة

قلت و الله عندو حق ممكن برضو

النهاردة نجيب كرنبة و نجرب و لو منفعتش


نفرح العيال بحلة محشى

و بلا ريجيم بلا هم


حد منكم سمع عن الموضوع دا و لا جربوا

انا جربتها ليله والله لايوريك ريحته ( الله يديم النعمه ) ماقدرت انام مغير اتقلب

وطلعته عن بطني وجنوبي الصبح بس ماتغير شئ


وانا اعرف انه الكرنب يسوى شوربه او مع السلطه ويخفف الوزن وكذا أفضل من حطه على الجسم

و الله ....ثم و الله ...ان هذا ينطبق عليه تماما قول القائل ..شر البليه ما يضحك ...يا اخوات اتقين الله ...و يا متحدثون فى الفضائيات كفاكم ...انا بقى لى عشر سنوات نازل قرايه ..حتى اشفقت زوجتى على و طلبت منى ان استخدم نظارة ولم افتى مثل هذه الفتيا لتخسيس الارداف ...وما كان اسهل من ورق الكرنب او حتى القرنبيط....يا خلق الله ...كفاكم ...انا اوشكت على اعتزال المهنه ..و الكتابة ...و الحديث ...حيث اجد الحابل و النابل فى كل فضائية يفتى ....و انا لله و انا اليه راجعون

ياعالم لو هالكلام صحيح كان ما شفنا دبب في العالم

هههههههههههههههههههههههههه...
عندك حق ,,, الاذاعات والفضائيات قنوات تجارية ذات دعايات كاذبة ,, وانا لا أصدق الا شي موثوق به ,,..
بعدين 2 كيلو هاد شي لحالو ما بيتصدق ,,.

الكلاااااااااااااااااااااااااااااااااااااام
صحيح
100%


















بس ب3 اسابيع تنقص 2 سم

مو كيلووو


بس الريحه فضيعه وماتخليكي تكملي يومين حتىى





















المفروض تشكروها على الموضوع وتفيدوها مو تتضحكون

شكرا اختي
وانشالله افدتك

يا اختنا كالورى نحن لا نضحك على احد و لا نقلل من شان احد ...ولكن للعلم اسلوبه ...تنزل 2 كيلو ازاى وهيه نايمة بس ....وبعدين من الشروط التركيبة انا تكون مستساغه الطعم ده لو هتتبلع وقابله للتنفيذ عمليا فى حالة الاستخدام الخارجى وده مفقود هنا ..كان ممكن يستخلص العشبة ثم يضعها فى قاعدة كريم و يزيد من قوتها ببعض منتجات الطاقه الموضعية ثم تستخدم لتعطى نفس النتيجة او احسن .....ولكن من يفهم هذا او حتى يتعلم قواعد الاستخلاص و التركيب قبل الافتاء و الكلام فى الفضائيات؟؟

بجد انا بقيت مش عارفة اصدق مين

كلام حكيم طبعا منطقى

بس نفس الحكاية الدكتور اللى كان فى البرنامج و على فكرة عرفت ان له برامج فى يمكن 4 قنوات فضائية بيتكلم و بيستقبل اتصالات و بيعطى وصفات بمنتهى الثقة و الواحد حيصدقه

و الدكتور اللى اسمه عادل عبدالعال كان ملء القنوات و طول النهار بيعطى فى وصفات و له مركز طبى و فى الاخر طلعوه نصاب و بيقول اى كلام

و زين الاتات نفس الحكاية و غيرهم كثير

طيب نصدق مين

مش كلنا لنا خلفيات علمية تخلينا نعرف تركيبات الاغذية و تفاعلاتها فى الجسم عشان نقدر نحكم على كلام الناس فى الفضائيات

ايه الحل و مين اللى نقدر نثق فى كلامه


لا اريد ان يفهم من كلامى التقليل مما قاله حكيم لانى مقتنعه به جدا و لى قراءات كثيرة فى مجال الاعشاب و الطب البديل

لكن اللى اقصده الناس اللى مش بتدخل على موضوعاتنا هنا تعرف من فين و هى معتمدة فى كل مايخص جسمها و شعرها و بشرتها على الوصفات المتناقلة بين المنتديات او الوصفات اللى بتطلع لنا من زيد و عبيد و نطاط الحيط على الفضائيات و كل واحد او واحدة بيصفوا نفسهم انهم الوحيدين فى المجال و الحاصلين على البورد الامريكى و اليابانى و الموزمبيقى

و كل يتذكر الموقع و الوصفات اللى كانت مملية النت و المنتديات النسائية من فترة للدكتور رنا الامريكية و الوصفات العجيبة الغريبة اللى كانت بتكتب عنها و الفلوس الى كانت بتتحول لها من عضوات للحصول على كريمات الاوهام و ازاى تصبحى هيفاء وهبى فى ساعة زمن بعد ماتاخدى الحباية دى
دا غير شركات الفضاء الخارجى اللى اعلاناتها مالية الفضائيات عن اعشاب الانجاب و كريم اعادة البكارة حتى بعد الانجاب و كلام كدا كلو حوارات زى مابيقولو

و الله انتى معذورة يا اخت شيرو...بس فى قاعدة بتقول ..اعرف الحق تعرف اهله ...و قاعدة بتقول هلا سالو اذ لم يعلمو فانما دواء العى السؤال ...و قاعدة تالته بتقول فاسالوا اهل الذكر ان كنت لا تعلمون ...لازم تسالى من هو اهل ...وبصراحة انا لااقتنع بمن يتكلم فى الاعشاب و لم يدرس علومها الاساسية ...علم تشريح النبات ..علم العقاقير ...علم كيمياء النبات الطبيه (الفيتو) علم كيمياء النبات الفعاله ...علم الاستخلاص ...علم الفارماكولوجى...و التركيب...و الفسيولوجى... السيتولوجى ..و الكيمياء الحيوية (البيو) ..تشريح بن ادم اللى هدى له الدوا الطبيعى..و الفسيولوجى بتاعة اعضاؤه ..وبعد كل ده باختصار ..لا يشخص حالة بنفسه ابدا ...مجرد يعطى حاجة لحالة معينة ....من استوفى هذه الشروط من حقه يظهر فى الفضائيات ....و غير الفضائيات ....صدعتك عارف ..بس هوة ده الكلام اللى هيخلينا ناس محترمة فى الدنيا بين بشر محترمين ...و شكرا

مشكورة وبالفعل انا سمعت عن هالطريقة من امرأة ام عبدالرحمن كانت مصابة بالسمنة ونصحها احد الاطباء بهذا الطريقة وتقول انه ذاب الشحوم ونزل وزنها
عموما ممكن نسوي الطريقة الثانيه وهي الملفوف مع الكرفس يطحن ويطبخ مثل المرق ومثل الشوربة وهذا ايضا تحرق الدهون وتنزل الوزن اسبوعيا 1 كيلو والبعض نزلت عليها 3 كيلو اسبوعيا مع المشي وتخفيف الاكل
اتمنى افدتكم