اخواتي في منزل العائله وفي المنتدى وحشتوني تعالوا بسرعه نبدا مشوار الرشاقه من جديد ال
السلام عليكم ورحمة الله وبركاته
اخواتي حبايب قلبي وحشتوني جدا
انا غبت فتره طويله عن المنتدى بسبب حملي وكنت بشارك بس قليل ودلوقتي الحمدلله ولدت بقالي شهرين ووزني زاد جدا ونفسي اخس تاني وطبعا مش ح يحصل ده الا بتشجعكم ومشاركتكم معي
انا قبل ما احمل كنت بعمل تخفيف في الاكل وكنت باكل كل حاجه بس بتخفيف وخسيت من 106 الي 90 ك بدون ما اشعر وكان كمان بفضل الله ثم اختنا الغاليه الراجيه عفو ربها استفدت منها ومن مواضعها كتير ولكن الحمل والولاده لخبطة الدنيا عندي و وزني رجع كما كان وفي الطالع ونفسيتي هباب وعايزه تشجيع منكم وياريت بنات العائله والبيت القديم ينضموا معي لانهم وحشوني اووووووووووي
انا همشي على نفس النظام القديم واحاول اسيطر على شهيتي المفتوحه على الفاضي
وانا مش مستعجله على نزول الوزن
لاني برضع
وكل شىء بالصبر ان شاء الله
وده نموزج للنظام وهو من دماغي والحمدلله كان ناجح جدا
1= نشرب في اليوم 8 اكواب ماء
2= كوب شاي اخضر مره او مرتين في اليوم
3=نلعب رياضه الوقت لا يقل عن ربع ساعه
4=نحاول نأكل في اليوم خضار وفواكه
5= نقلل نسبة النشويات والدهون في الاكل ونقلل السكر
النظام نحاول نمشي عليه وهيكون كا الاتي:
الافطار
ربع رغيف مع اي حاجه من الموجوده في البيت مثل الجبنه البيض الفول الفلافل اي حاجه
بين الوجبات
اي نوع من الفواكه
الغداء
من الاكل الموجود في البيت ولكن بكميات بسيطه + السلطه
بين الوجبات
اي نوع من الفواكه
العشاء
مثل الفطار
واهم حاجه الالتزام اليومي في كتابت اليوميات ولو في اي ظروف تمنع يبقى تاني يوم
انتظركمبعد إذنك أختي رورو لقد فتحت الجزء الثاني لموضوعك كي لا تفتر العزيمة و لنواصل المشوار إن شاء الله
كتبت بواسطة هبه الله يحيى
الروابط المفضلة