[B][/B]

السلام عليكم
انا نهاد من مصر عندى 22 سنة ووزنى مش متأكده منه بس غالبا 90 مثلا

قررت ان ال3 شهور القادمين يكونوا هما فرصتى الاخيرة فى الحصول على الجسم الى هرضى عنه
اخر فرصة ليا عشان اكون انا انا
لو منجحتش دلوقتى ليه هنجح بعدين
دى اخر فرصة ومش هجرب تانى يا هخس يا هفضل طول عمرة متضايقة ومش واثقة فى نفسى وهتفضل صحتى مش سليمة


قررت انا و مى صحبتى الى عندها 20 سنة نعمل ريجيم الكربوهيدرات والنهارده كان تانى ييوم وعدى بسلام وامان الحمد لله برغم وجود جاتوه فى البيت


الريجيم اسابيع وكل اسبوع غير التانى وده الحلو فيه لانك مش هتزهقى انشاء الله


احنا هنكون مع بعض واليوميات هنا
اللى تحب تخوض الفرصة الاخيرة معانا احنا مستعدين نشجعها وتشجعنا ونكون عون لبعض......


الريجيم بيخسس فى حدود 2 كيلو فى الاسبوع وفى يوم مفتوح فى نهاية الاسبوع


الاسبوع الاول:


الافطار اليومى:
نصف كوب عصير برتقال+1 شريحة توست+4 ملاعق جبنة قريش


اليوم الاول:
الغداء:ربع فرخة+سلطة خضراء+اى كمية من التوست
العشاء:خضار مسلوق+1توست+1ثمرة فاكهة

اليوم الثانى:
الغداء:ارز مسلوق 4 ملاعق+فراخ مسلوقةاو مشوية اى كمية
العشاء:1شريحة توست+4ملاعق جبن قريش+1 فاكهة

اليوم الثالث:
الغداء:2شريحة لحم مشوى=خضار مسلوق+1 توست
العشاء:تونة بدون زيت+سلطة خضراء+1توست+1برتقال

اليوم الرابع:
الغداء:4ملاعق ارز مسلوق+1زبادى منزوع الدسم
العشاء:1شريحة كيك او 2 توست+نصف كوب لبن منزوع الدسم+1فاكهة

اليوم الخامس:
الغداء:2شريحةتوست+علبة تونة بدون زيت+سلطة خضراء
العشاء:2بيضة مسلوقة+سلطة خضراء+1شريحة توست


اليوم السادس:
الغداء:1 شريحة لحم +طبق خضار مسلوق او نى فى نى+1 شريحة توست
العشاء:1كوب لبن منزوع الدسم+1 شريحة توست+2 برتقال

اليوم السابع:
الغداء:فراخ مشوية اى كمية+1توست+سلطة خضراء
العشاء:1شريحة توست+4ملاعق جبنة قريش+كوب زبادى




واليوم الثامن مفتوح



طول عمرنا بناكل
دلوقتى بس هنخس
انا اقوى من حبى للاكل وهثبت ده

حبيبتي ربنا يوفقك وان شاء الله تخسي وتبقي زي القمر

يالله ياحلوووووووووووه ورينا شطارتك انا مشتركه في موضوع اخر بس حبيت ادخل واشجعك على القرار السليم وربنا معانا

ربنا معاكي وتخسي وقوليلنا الاخبار ايه

السلام عليكم
انا مش مصدقة انا حالتى نفس حالتك بالظبط وزنى 92 وطولى 168 وعندى 20 سنة وقررة ان التلات شهور الى جايين حاجة تانية خالص ابتداء من بكره السبت 1/3 وحتى فتحت موضوع حتلاقيه فى الرابط ده http://www.lakii.com/vb/showthread.php?t=417696

وفى بنات حلويين حيبتدو معايا ايه رايك تيجى معانا ونبدا سوا عشان نحتفل سوا ان شاء الله فى شهر 6 بوصولنا لحلمنا ولو مش حابه تيجى معانا احنا نفضل سوا برده ونشجع بعض وكده ايه رايك؟؟؟

يارب يا حنان يا منان يا قادر حقق لكل بنت حلمها انها تخس واى حلم تانى ليها ليس فيه معصية لك انت ولى ذلك والقادر عليه اللهم آميين قولو آميييييييييييييييييييييين

انا فرحانة بيكووووووووووووووووووووووووووووووووووا اوى اوى اوى
ربنا يكرمنا يا رب
مش انا اكتشفت انى اقوى انسانة فى الدنيا امبارح
مدوقتش الجاتوه الللى كان عندنا وعادى مجاراليش حاجة
النهارده تالت يةم فى الريجيم وانا فرحانة بجد ونفسيتى مستقرة جدا الحمد لله

نهاد على فكرة ريجيم الكربوهيدرات دة حلو اوي وجميل
انا جربت اسبوع منه زمان بس ماكملتش علشان النفس الامارة بالسؤ ربنا يبعدها عنك ( يجعل كلامنا خفيف عليها)
وحاطاه فى خطتي المستقبلية بصراحة ربنا معاكي ويوفقك ويوفقنا كلنا ااااااااااااااااااااامييييييييييييييييييييييي ن

ما شاء الله ما شاء الله عليكى شطورة بجد احلى احساس فى الدنيا
ربنا يقويكى ويقوينا ويحققلنا كل الى بنتمناه

ازيكوا يا بنات انا مي شريكة نهاد و اللي انشاء الله هنبقي ارفع و احلى بناات في الدنيا في خلال 3 شهور
انا عايزة اقولكم ان بجد الدايت ده حلو اوي عشان هو كل يوم حاجة مختلفة عن اليوم اللي بعده و كمان كل اسبوع مختلف عن الأسبوع اللي بعدة
خليكوا انتوا معانا و اي واحدة نفسها تبقي البنوتة اللي اتمنت طول عمرها انها تكون هي تشترك معانا و هنشجعها و هتشجعنا و ان شاء اللة نعمل الل بنحلم بييه
و عايزة اقولكوا حاجة اخيرة هتشجعكوا اوي
افتكروا لما تيجوا تكلوااكل بيتخن انك طول عمرك بتكليية و كلتيية متيير اوي بعد كدة و هتكليية بعديين اتغلبوا علي نفسكوا 3 شهور بس و بعد كده هتعيشوا و تكلوا كل اللي ينتوا عايزينه
و ربنا معانا كلنا انشاء الله

والله كلامك غالى اوى يا مى فعلا عندك حق احنا ياما كلنا والا مكناش حنوصل للى احنا فيه ده خلينا مع بعض يا بنات احنا محتاجين بعض اوى كل يوم ندخل نحكى عملنا ايه اكلنا ايه وعملنا رياضة ايه وكده
ومستنيين تنزلولنا بقيت الأسابيع
وربنا يحققلكم كل الى بتتمنوه وانا كماااااااااااااااااااااااااان ادعولىىىىىىىى