والله يا لولا انا عجبنى الريجيم ده اوى انتى عارفه انا بابا دكتور وكان بعملى ريجيمات كتير هو مش دكتور تغذية بس استشارى وباطنة واطفال انا شفت عنده انظمة كتير زى النظام ده وبصراحة انا حاسة انو فيه عناصر كتير يعنى بيض وبروتين وجبن انا عارفه ان الريجيم الكيميائى لى اشكال كتير والواحد عايز حاجة تساعدو وتنظملو يومو واكلو فهمانى؟؟؟

وبعدين انتى بتقولى انك جربتيه ونزلتى عليه فى اسبوعين او اكتر 5 كيلو ده رائع انا عايزه حتى 7 كيلو فى الشهر يعنى فى 3 شهور 20 كيلو يااااااااااااااااااااااااااااااااااه ده انا ممكن اتجنن من السعادة

لولا حبيبتى لازم تفضلى تنورينا وتشجعينا احنا محتاجين بعض اوى يا بنات ادعولىىىىىىىىىىىىىىى

منمونة نسيت اقولك الاسم حلو قوي

ربنا معاكوا
يا رب نوصل لاهدافنا

طيب يا منمونة يبقى كدة تاهت ولقيناها خدي راي بابا وانا عارفة انه رايه حيخلصك من التردد
انا فعلا عملت الريجيم دة وكان دكتور اللي مديهولي بس انا كل مابدا فيه ماكنتش بكمل من تالت يوم وارجع اضعف قصاد الاكل لغاية ما ربنا وفقني وعملته مع مجموعة بنات هنا والحمد لله نزلنا
وانا اذا كنت بقولك اي حاجة صدقيني دة من تجاربي مع الريجيم والتخسيس لاني عملت كل حاجة ممكن تتخيليها واكيد عمري ما حاذيكي ابدا والله على ما اقول شهيد وارجع واقولك اسالي بابا

لا يا حبيبتى انا عارفه طبعا انك عمرك محتئزينى ربنا يكرمك ويحققلك الى بتتمنيه انا سالت بابا وقالى ممكن لو حد قلقان منه يزود كوب لبن خالى الدسم او زبادى لكن غير كده الريجيم فيه عناصر غذائية كتير

اهلا بيكى يا neihad معانا وربنا يقوينا

مش كده برده يا هبة اسم الفريق حلو؟؟؟؟ تحسى معبر عن الحالة الى احنا فيها صح؟؟ الله المستعان

واكيد دة باباكي وعمره ماحيرضى بحاجة تضرك
ودة اللي انا بقوله الدكتور الخبير بيكون بسيط ومش بيفلسف الامور ويعقدها
وعلى فكرة الدكتور لما كتبلي الريجيم دة سالته على فيتامين قالي الريجيم مش محتاج علشان الريجيم فيه فاكهة كتير
وطالما الحمد لله صحتك كويسة ومش بتشتكي من حاجة يبقى اتكلي على الله وابداي ربنا معاكي وافتكري ان فيه ناس بتكون اصلا تعبانة ولما بتتعب اثناء الريجيم بترمي حملها على الريجيم مع ان الغلط بيكون عندها لانها مهملة نفسها ومش بتحاول تدور على السبب الاصلي لتعبها
عايزين الجمعة الجاية ان شاء الله نكون معاكي برضه بس بنقولك مبروك نزول الوزن

عن تجربة بجد انا بنصح بلاش ريجيم كيميائى لانى خسيت وتخنت تانى لانى بعجه كنت باكل زى المسروعة غصب عنى بسبب ان جسمى جعان ومحروم فا الريجيم الحلو هو اللى فى اكل وتنوع ويخسس مثلا فى الاسبوع 2 كيلو ويكون بعده وجبة مفتوحة فى اخر الاسبوع

يارب يارب يا لولا ادعيلى بالله عليكى ان ربنا يحققلى الى بتمناه ويجمعنى مع من احببت عاجلا غير آجل ولك مثلها ان شاء الله

كل دة يا منمونة ومتعرفتش بيكي

مش اى ريجيم كيميائى يا نيهاد الريجيم الى احنا بنتكلم عليه انا شايفة انه فى عناصر غذائية كتير وعموما اهم حاجة فى الريجيم ان كل واحد يعمل الى هو مرتاح فيه دى اهم حاجة وربنا يعينا ويقوينا