الريجيم الثالث:-

الافطار:
- 2 ثمرة فاكهة متنوعة ::ما عدا التين، العنب، البلح، الموز، والمانجو::.. ويفضل كوب عصير برتقال او جريب فروت + سوائل :: شاي، او قهوة، او صودا، ماء ليمون بدون سكر::.


الغداء:
طبق سلطة خضراء.
- 4 ملاعق خضار مسلوق.
- شريحة لحم مشوية او ربع فرخة مسلوقة او 2 سمكة مشوية او علبة تونة "بدون زيت".

العشاء:
- زبادي بالخيار، او 3 ملاعق فول بالليمون، او بيضة مسلوقة، او قطعة جبن قريش بالطماطم.
- شريحة توست او ربع رغيف بلدي.
الممكن تناول السوائل الدافئة مثل الشاي او النسكافيه او الليمون او القهوة بدون سكر

الريجيم الرابع:-

الافطار:
2تفاحاو 2 كمثرةاو 2 جوافة+نسكافيه

الغذاء:
سلطة خضرة+ خضار ترلي في الفرن+ فراخ او لحم بتلو او سمك

العشاء :
جبن قريش+ سلطةاو تونة +سلطةاونصف بطيخة

أو اى 2 ثمرة فاكهة معادا الممنوع

الريجيم الخامس:-

الفطور2 كوب ماء
1كوب حليب قليل الدسم مع نسكافيه

او 2 توست+ جبن قليل الدسم اوبيضه مسلوقه

بعد الفطار ب3 ساعات
كوب ماء حبة فاكهه او نصف كوب عصير

الغداء
2 كوب ماء
تفاحه
سلطه او تبوله او فتوش+
اختاري واحد الاتي
6 معالق أرز + خضار نى فى نى

أو

قطعة لحمة 100 جرام + خضار

أو ربع فرخة + خضار

بعد الغداء ب 3 ساعات

حبة فاكهه او نص كوب عصير



العشا ء
كوب ماء
توسته مع بيضه اما مسلوقه
او
1 توست + قطعة جبن

+ سلطة

صحيح يا بنات انتو وحشين كده محدش يقولى رايو فى اسم الفريق ماعدا حبيبتى مشتاقة للأمان ها ايه رايكووووووووووووووووو اغيرو؟؟؟

كمان فى الريجيم الى فى الرابط ده http://www.lakii.com/vb/showthread.php?t=277822
شكله حلو ومتوازن وكمان من اخصائية تغذية

الريجيم السادس:-
السبت

الافطار . جبنة قليلة الدسم 100 جم + توست + شاي أو قهوة
الغدا . 2/1 دجاجة مشوية + سلطة خضراء + خضار مسلوقة ..
العشا . كوب كبير عصير برتقال+ علبة زبادي قليل الدسم كليها طبعاً آخر الليل مو مع البرتقال

الأحد .
الأفطار . 2 بيضة مسلوقة مع شاي
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة

الاثنين . الافطار . بيضة مسلوقة + برتقاله + شاي أو قهوة
الغدا . لحم مشوي غير محدود الكمية مع حبة طماطم أو خيار
العشا . كوب حليب قليل الدسم ويفضل منزوع + شابورة ( بر ) ...
الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واح من الفاكهة
العشا . لبن قليل الدسم مع توست ( بريد بر )

الاربعاء:
. الافطار . 7 حبات تمر مع قهوة طبعاً مو شاي
الغدا . دجاج مشوي بدون جلد غير محدود الكمية .
العشا . 3 بيضات مسلوقات مع توست .

الخميس:
الافطار . مفتوح الغدا . مفتوح
العشا . مفتوح

الجمعة:
الافطار. جبن قليل الدسم + 2/1 خبزة + عصير برتقال ...
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة: مفتوح تعني اختيار أي وجبة مما سبق في الريجيم

حبيبتى هبة الله يحيى اهلا بيكى معانا ومستنين تواصل اكتر بينا وجزاكى الله خيرا ربنا يكرمك وصباح الفل

منمونة الجميلة صباحك عسل
انتي كتبتي ريجيمات كتيرة اوي ولخبطيني مش عارفة اقرا ايه ولا ايه
انا حقراهم على مهلي واختار واحد واقولك عليه

هو ده الهدف انى الخبطتكم هههههههههههههههههههههههههه
بصى اصل انا بعيد عنك عندى ملفات عماله اخزن اخزن اى ريجيم تتخيليه ومتتخيليهوش والله ده انا لو بخس نص كيلو مع كل ريجيم بخزنه كان زمانى بقيت مارلين مونرو ههههههههههههههههههههه

بصى انتى قلدينى وخزنيهم عندك فى ملف واعدى مزمزى فيهم بس متطوليش فى المزمزة عشان عايزين نبتدى بكره بعون الله

صحيح ايه رايك فى اسم الفريق " زهقنا خلاااااااااااااااااااااااص"؟؟؟

منمونة احب اقولك ان كل الريجيمات اللي كتبتيها ريجيمات كيميائية ماعدا الخامس لان الريجيم الكيميائي الف صنف ونوع
وبعدين الريجيم انتي اللي تقرري ايه اللي ممكن تعمليه وايه المناسب ليكي يعني امكانية تنفيذه حتكون بنسبة كام فى المية علشان تقدري تنفذي وتحسبيه من ناحية الامكانيات بتاعتك سواء مادية او نفسية لان كل واحد ادرى بنفسه وارادته وحابة اقولك بلاش تصدقى الكلام اللي بيتقال مع كل ريجيم علشان احلامك ماتروحش بعيد وبعديت تنصدمي على ارض الواقع ونفسيتك تتعب وترجعي لدايرة زيادة الوزن تاني يعني مفيش ريجيم بينزل 15 كيلو فى اسبوعين ولا كل الكلام اللي بيتقال الا في حالة الاوزان اللي معدية المية بشويتين علشان بتكون عندهم نسبة مية كبيرة فى جسمهم بمجرد ما تنزل المية الزايدة عندهم بتلاقي نسبة نزولهم قلت يعني عن نفسي اقوى ريجيم ماجابش معايا غير 3 كيلو فى الاسبوع والاسبوع اللي بعده النسبة بتقل علشان برضه الاول المية الزايدة هي اللي بتنزل مش كله دهون
علشان كدة خدي قرارك وابداي مفيش داعي للتردد ولما تبداي حاولي كملي بقدر المستطاع علشان نفسيتك ترتفع لما تلاقي مؤشر الميزان اتحرك وتقدري تكملي وعلشان لما بتعملي ريجيم وتسيبيه وترجعي تاكلي زي الاول وزنك حيزيد تاني وساعتها نفضل نلعن فى الريجيم مع ان الغلط مننا علشان نفوسنا الضعيفة قصاد الاكل
ربنا معاكي