رورو يا حبيبتى والله القلوب عند بعضها انتى وكل الجميلات بتوع الموضوع القديم ليكم معزه فى قلبى خاصه جدا جدا ربنا العالم قد ايه
روبى ودريم لاند وسوسنه اللى الحمد لله رجع لها اسمها وبسبوسه شاميه اللى اسمها يجوع وكمان ام ليانه وملاك العالم وغاده اللى نفسى يرجعوا وحشونى جدا وجمانه محمد وخديجه و nancy وهدفى الفردوس اللى بتغطس وتقب كده زى القمر واى واحده كتبت فى موضوعى القديم وتابعت معانا والله وحشتونى
لوبس فى وقت و ربنا كنت فتحت تانى وقعدنا ندردش ونخس برضه ( داء بعيد عنكم )
ورجوعك لوزنك ده عادى كنتى حامل محدش يلومك بس تفضلى عليه لأ نلومك ونلومك ونلومك
تبدأى ازاى انتى عارفه كويس ايه الحل وعارفه انك عشان كده فتحت الموضوع شفتى اللمه الحلوه على طول اتجمعت تبقى ابدأى وانتى ما شاء الله عليكى احسبى اللى تحتاجيه كسعرات وابدأى خدى النموذج واعملى فيه تباديل وتوافيق زى الاول بس بجد تسيبى نفسك غلط فاكره زمان كانت مشكلتك فى ظهرك تاعباكى دلوقتى بس ربك بيدى البرد على قد الغطا فساترها معاكى لاجل البيبى بس بمجرد ما يبدأ يهم شويه تقل رضاعتك ليه عند عمر سنه ولا حاجه كل ده ح يعل عليكى تانى وانتى اكتر واحده مجربه
تبدأى امتى امبارح مش حتى دلوقتى وربنا يوفقك
عارفه اللى يزعل لو انتى مش بتعرفى تطبقيه نقول غلبانه نقص معلومات
لو مش عارفه مضاعفات السمنه نقول برضه محدش قالها حاجه بس تبقى عارفه كل ده والله ربنا ح يحاسبك لانك فاهمه كويس صحتنا دى امانه ويوم القيامه ربنا ح يسألنا عليها
اللى قاهرنى انك لا غلبانه فى معلوماتك ولا مش عارفه يبقى ايه اللى ناقصك اللمه الحلوه اهى عندك ايه حجتك بالذمه مفيش صح
كلامى ليكم كلكم واللى مش فاهم لكنتى يطلب ترجمتى تلاقوها على راجيه .com
الروابط المفضلة