حذر الدكتور مدحت الشامي استشاري التغذية والصحة العامة من خطورة العيش السن الشائع تناوله في ريجيم انقاص الوزن ولمرضي السكر علي الصحة إذا تناوله الإنسان فترة طويلة.

وقال الدكتور الشامى - في تصريح لجريدة الأخبار - إن الأبحاث أثبتت أن هذا النوع من العيش يؤدي إلي تخلص الجسم من الفيتامينات والأملاح المعدنية وأهمها الكالسيوم والبوتاسيوم مما يسبب هشاشة العظام وذلك لأن الردة الموجودة بكثره في العيش السن ترسب الكالسيوم في الأمعاء وتكون معها مكونات غير قابلة للامتصاص، ويتخلص الجسم من الكالسيوم فلا يستفيد منه لعدم القدرة علي امتصاصه.

يسعدني اكون اول واحده ترد على الموضوع

سبحان الله معقول

فعلا اللي يزيد عن حده ينقلب ضده

تسلم ايدك ومشكوره على المعلومه

جزاك الله خيرا اختى على المعلومة

الكلام ده صحيح وانا عارفاه وعيالي كانو بيحبوه ياكلو زي القراقيش بش شلته منهم لكا عرفت خطورته
وانا عن نفسي قطعته لما عرفت ان رغيف السن سعراته 220 سعر ولا يساوي ربع رغيف ولا حاجه

السلام عليكم
بارك الله فيكي اختي لكن رجاء ما هو العيش سن اذا كان بالامكان تحطي لنا صورة له
ممكن يكون له اسم ثاني

العيش السن هو العيش المخبوز برده اى العيش الاسمر
وفعلا المعلومه دى صحيحه والعيش السن سبب هشاشة العظام لحماتى وتاكل فى الغضاريف والدكتور منعها منه خالص
مشكوره يا قمر

العيش السن مش العيش الاسمر يفرق

احنا عندنا فى مصر 3 انواع خبز بالرده الخبز المغروف على رده وده اقرب للشامى بس فى اسفله رده

والخبز الاسمر وهو يعم من الدقيق الاسمر به نسبه رده معقوله

اما الخبز السن فاغلبه رده ولونه بنى قريب من القرفه وفيه منه توست كمان نلاقوه فى قسم الخبز بالسوبر ماركيت وممكن فى بعض الافران الكبيره

وفعلا كما اوضح الزميل الفاضل الدكتور مدحت الشامى تأثيره ضار جدا

شكرا للجميع على التوضيح
لكن بصراحة لم افهم شيئا اصلا لا اعرف ما هو العيش
اكتبوا لي باللغة العربية الفصحى و ان امكن بالفرنسية او الانجليزية
و تسلموا و اعذروني على الازعاج

جزاك الله خيرا اختى

اختى hala 2 انا جبت لكى صور للعيش السن ( خبز للريجيم)