ازيكم يا بنات
يارب تكونوابخير وكل عام وانتن بخير
عايزة اخد رأيكوا فى مشكلتى
انا كان وزنى 102 كيلو من سنة
وبعدين بالمتابعة مع المنتدى الجميل ده وبتنقلاتى من ريجيم ل ريجيم ل نظام تخفيف لكل حاجة
نزل وزنى الى 86 وده كان شهر 7 الماضى
ومن يومها وزنى ينزل الى 83 ويرجع تانى 86 يمكن الموضوع ده حصللى فوق ال 10 مرات لحد دلوقتى
ومش قادرة ابدأ نظام واستمر فيه
وبعدين قلت خلاص اروح اتابع مع دكتور عشان التزم
وبعدين ارجع اقول بينى وبين نفسى اللى خلانى نزلت 16 كيلو لوحدى يخلينى انزل 20
ايه اللى يخلينى اضيع وقتى وكدة بالذات وانى حافظة عن ظهر قلب كل قواعد التغذية السليمة عن طريق منتدانا الجميل ده, فحاسة ان الدكتور مش هايضيفلى كتير لما يتكلم معايا عن فايدة الخضار وفايدة طبق السلطة فى اول الاكل وما الى اخره من المعلومات اللى ساعات باحس انها عدذى اكتر من الدكتور هههههههه مغرورة قوى مش كدة
مش عارفة بجد بقالى اكتر من 6 شهور ووزنى طالع نازل وكمان انا عارفة ان ده غلط بس طالع نازل فى 3 كيلو بس والحمد لله
ساعات بقول بينى وبين نفسى لو كنت بانزل كل شهر كيلو كان زمانى فى السبعينات دلوقتى
بجد عايزة اعرف نصيحتكوا اروح لدكتور ولا اعمل ايه ولا ابدا تانى فى نظام؟؟ ولا اييييييييييييه؟؟؟
الروابط المفضلة