شكرا يا قمرات على مروركو ودعواتكو الحلوه
وعلشانكو حلوين وبتسمعو الكلام ورديتو ودعيتولى انا كمان جبتلكو اسم الاقراص هى عندنا فى الصيدليات فى مصر اسمها مالتى-تريت
وبالنسبه لاخواتنا فى الدول العربيه الشقيقه فانا مااعرفش هى متوفره بالاسم ده ولالا بس اسالو عليها مش هتخسرو حاجه وان شاء الله تلاقوها

وزى ماقالت نايس1
ياريت اللى مجرباها زى هبه تقولينا عملت معاها ايه

بجد يا بنات من سنتين رحت لدكتور وعملت ريجيم وساعتها كتبلي على اقراص الشاي الاخضر لانها بتساعد الجسم على حرق الدهون وكمان كتبلي على اقراص السيبوترم علشان يقلل الشهية بس ماستمرتش عليه عشان عرفت ان السيبوترم بيرفع الضغط وانا ساعات ضغط بيرتفع ومشيت على نظام ريجيم كان معقول مش وحش وكنت اول اسبوع بلغبط في الاكل لدرجة انى اكلت محشي وبعد اسبوع لاقيت نفسي نزلت 5 ك وكميلت على اقراص الشاي وكانت حلوة جدا حتى لما وقفت الريجيم كنت برضو باخدها ومكنتش بتخن طبعا هو الشاي الاخضر مفيد بس مين حتشرب 20 كوب شاي في اليوم
انا كنت باخدها قرصين الصبح قبل الفطار وكمان هي بتنزل الكوليسترول
على فكرة هي اقراص في علبة بس معرفش اسمها ايه انا كنت بقول للصيدلي عايزة اقراص شاي الاخضر

يعني الواحد لو خدها مع تخفيف الاكل هيخس
المشكله اني معنتش قادره اعمل رجيم

معلش يا هبه نسيت اشكرك علي استجابتك السريعه للنداء هههههههه
بس انتي كنتي بتاخدي قرصين 2 بس؟ في اليوم كله؟

العفو يا ستي انا في الخدمةههههههههههههه
تخفيف في الاكل يعني ايه
ايوة قرصين بس في اليوم

بصي انا حكتبلك النظام اللي انا مشيت عليه
الافطار
كوب شاي بلبن +زبادي او قطعة جبنة قريش + شريحة توست او ربع رغيف محمص +خيار
بين الفطار والغداء
ثمرة موز او تفاح
الغداء
طبق خضار بدون سمن او زيت +سلطانية شوربة صغير منزوع الدسم +شريحة لحم او سمكة مشوية او 2 همبرجر او ربع فرخة بدون جد + سلطة
بين الغدا والعشا
موز او تفاح
العشاء
زبادي منزوع الدسم + بيضة +خيار
او شريحة لحم صغيرة+توست +خيار
او ربع رغيف محمص + 2 ملعقة جبنة قريش +خيار
اي خدمة وادعيلي اني اخس تاني احسن انا ولدت من شهرين وكل حاجة باظت تاني

سبحان الله

يسلموووو حبيبتي ع المعلومات


عساك ع القوه ياقمر

رجيمك حلو ومش قاسي
ربنا يسهلك وتخسي بالصحه والعافيه
تخفيف يعني فطار زي فطارك او حتي طعميتين او 3 ملاعق فول يعني مع ربع رغيف
والغدا بس من طبيخ البيت بس بربع رغيف او 4 ملاعق ارز والسلطه يعني بس الطبيخ بسمن
لاني فاضلي 8 كيلو فقط عالوزن المثالي وبقالي فتره عامله رجيم وزهقت

انتي دوختيني من هنا للسويدي مشوار ههههههههههههههههه
ممكن زي ما بتوقلي كدة بس الطبيخ تصفية من الطماطم عشان الدهون ولو انتي من مصر ممكن اقولك على اسم اقراص تانية حلوة قوي مع النظام اللي انتي حتمشي عليه