طول ما انتى بتقولى للناس سورى مقدرش انا عاملة دايت عمرك ما حتنجحى فى الدايت وتكملية ابدا
طبعا بتقولوا لية يعنى حنتحسد لا يا حلوة
بس رد فعل الناس اللى حواليكى بيبقى محبط ازاى تعالوا نشوف
ماما ادام عمتى :يلا يا مرام الغداء جاهز
مرام: ايوة يا ماما حاضر ..اية دة ياماما اية الاكل دة كلة حرام عليكى مكرونة بالباشميل وفراخ بانية
ومحشى ورق عنب ومخللات واية دة كمان بط حراممممممممممممممم يا ماما هو انا مش عطيتك الورقة بتاعت الرجيم الصبح وانا رايحة الشغل
ماما: وهو دة اكل يشبع
مرام: ماما انا قلت لك انا عاملة دايت
ماما:يا شيخة ما انتى 100 مرة تعملى وتخسي وترجعى تاكلى وتتخنى تانى يبقى اية لازمتة باة
خديها من قصيرها وكلى ومتقرفيناش ابقى ابداى بكرة
مرام :يا ماما حرام عليكى بتحبطينى لية شجعينى بدل ما تفضحينى كدة ادام عمتى
عمتى :هو انا غريبة يا مرمر يا اختى ولا يهمك رجيم اية يا اختى دة انتى كدة مقلبظة وجميلة شفتى ليلى علوى لما خست بقيت عاملة ازاى يا اختى بلا وجع قلب
وفي النهاية حصل ما لا يحمد عقباة قعدت مرام على الاكل مخلتش فتفوتة وكل رجيم وانتوا طيبين





شفتوا خلوالرجيم سر احسن علشان الاحباط وردوا علية قولولى كلامى صح ولا..................المينى قصة دى من خيالى بس بتحصل فى كل بيت بيحب الاكل

انا معاكي جدا و مؤيده يا فندم بتحصل و الله في اقل من البط و المكرونه البشاميل و لو تاخدي بالك كمان تيجي تشوفي حد خس اوي تقوليلها ايه ده شكلك باه حلو اوي ما شاء الله خسيتي ازاي تقولك مفيش قللت اكلي شويه صغيرين فخسيت تقوليلها طيب يا بنتي عملتي ايه يعني تقولك و لا حاجه عادي معملتش ريجيم و لا حاجه بس مش عارفه مالي بخس كده ليه اي كلام و السلام بجد اللي بيقول مبيعملش و اللي بيعمل مبيقولش فاحسن لنا منقولش و يارب نخس باه اد 20 كيلو في اليوم كده ههههههههههههههههه و لازم نعمل صفحه نسميها قعدة بنات و نحكي فيها شويه عشان نضحك

3. يمنع منعا باتا وضع الصور المخالفة للشريعة الإسلامية مثل الصور النسائية والصور الكارتونية أوالصور الشخصية درئ للفتنة وصور المشاهير من أهل الفن .وغيرها من الصور المخالفة للشرع والآداب. ويستثنى من ذالك صور الاطفال أوصورة جزء من الوجه كعين في ركن الجمال والاناقة .وهذا ينطبق على الصور في المواضيع نفسها و التواقيع والصور التي تحت الأسماء

صحيح كلامك اختي

لازم نخلي هالشي سر..لانهم لو شافونا مانزل وزننا راح يحطموناااا..
وراي
srs . com

مره حلووووووو

شكرا ع الموضوع

ايه و الله معاك حق
انا هذا الامر يحدث معي كثيرا خصوصا العزايم تكثر لما انا ابدا الرجيم
على كل احنا هنا في المنتدى نشجع بعضنا

انا فعلا من ساعاة الناس ماعرفو اني عامله دايت وزني مش بينزل
مش عارفه بقي حسد ولا ايه بالضبط
بس الواحد بيضطر انه يقول لان بيتحط في موقف وعلشان الي قدامه بيزعل لما بتاكليش وبالذات لما تكوني ضيفه

السلام عليكم ورحمه الله وبركاته

تسلم ايدك

_طب يا مرام معذبه نفسك ليه؟
انتي اهم حاجه تقللي..يعني متحرميش نفسك من حاجه..

_آه يا ماما بس التقليل ده لواحده عايزه تخس 2 كيلو او واحده عايزه تحافظ على رشاقتها ..مش واحده عايزه تخس 30 كيلو..

_انا مابحبش الجري ورا التقاليع ده..وريجيم ومش ريجيم..وكمان شايفه تحت عنيكي اسود من قلة الأكل ازاي؟

_يا ماما ماسودش ولا حاجه انتي اللي لابسه نضارة الشمس..

_وكمان منظرك وحش اوي اما كل الناس تعرف انك عالمه ريجيم..كلي لما حد يقدملك حاجه وابأي ارجعي اعملي رياضه وانتي هاتنزلي السعرات اللي اكلتيها

_يا ماما انتي عارفه ان مشي نص ساعه بينزل 150 سعر بس..وعشان اخس كيلو لازم انزل 3000 سعر..يعني عايزه امشي 30 ساعه..عشان في الآخر كيلو واحد..

_مين قالك التخاريف دي..مش كل حاجه تصدقيها..

_تخاريف ايه يا ماما ده كلام علمي

_خلاص غوري من وشي..واعملي اللي انتي عايزاه بس انا مش راضيه...

احلى حاجه بأه لما تنزلي تجيبي لبس وماتلاقيش حاجه مناسبه او حاجه تخبي الفضايح اللي عندك وترجعي البيت بخفي حنين..والاقي ماما تقولي..ما انتي لازم تخسي شويه..

احلى حاجه بأه لما تنزلي تجيبي لبس وماتلاقيش حاجه مناسبه او حاجه تخبي الفضايح اللي عندك وترجعي البيت بخفي حنين..والاقي ماما تقولي..ما انتي لازم تخسي شويه..

ههههههههه
فعلا هذه الجمله أضحكتني كثيرا
وده اللي بيحصل دايما

كتبت بواسطة mram-elabed

طول ما انتى بتقولى للناس سورى مقدرش انا عاملة دايت عمرك ما حتنجحى فى الدايت وتكملية ابدا
طبعا بتقولوا لية يعنى حنتحسد لا يا حلوة
بس رد فعل الناس اللى حواليكى بيبقى محبط ازاى تعالوا نشوف
ماما ادام عمتى :يلا يا مرام الغداء جاهز
مرام: ايوة يا ماما حاضر ..اية دة ياماما اية الاكل دة كلة حرام عليكى مكرونة بالباشميل وفراخ بانية
ومحشى ورق عنب ومخللات واية دة كمان بط حراممممممممممممممم يا ماما هو انا مش عطيتك الورقة بتاعت الرجيم الصبح وانا رايحة الشغل
ماما: وهو دة اكل يشبع
مرام: ماما انا قلت لك انا عاملة دايت
ماما:يا شيخة ما انتى 100 مرة تعملى وتخسي وترجعى تاكلى وتتخنى تانى يبقى اية لازمتة باة
خديها من قصيرها وكلى ومتقرفيناش ابقى ابداى بكرة
مرام :يا ماما حرام عليكى بتحبطينى لية شجعينى بدل ما تفضحينى كدة ادام عمتى
عمتى :هو انا غريبة يا مرمر يا اختى ولا يهمك رجيم اية يا اختى دة انتى كدة مقلبظة وجميلة شفتى ليلى علوى لما خست بقيت عاملة ازاى يا اختى بلا وجع قلب
وفي النهاية حصل ما لا يحمد عقباة قعدت مرام على الاكل مخلتش فتفوتة وكل رجيم وانتوا طيبين





شفتوا خلوالرجيم سر احسن علشان الاحباط وردوا علية قولولى كلامى صح ولا..................المينى قصة دى من خيالى بس بتحصل فى كل بيت بيحب الاكل

على فكره كلامك مضبوط وأنا بلاحظ لما يقول عامله دايت بيخرب
بس لما بقول ماليش نفس محدش بيبصلي ولا بيسألني وبمشي من سكات
وأول ما بيشموا خبر يعني انتي حتخسي وترجعي زي يوم الفرح

شوفوا الأحباط بس لوقلت واكله وشبعانه ولاحد بيسأل وبرتاح من التعليقات
اللي تنقط

انتى عندك حق يا حبيبتى لما كنت بنت قبل الزواج نفس الحوار دة كان بيدور بينى وبين ماما
وبعد الزواج والولادة انا الان برضع يعنى ما اقدرش اقول عاوزة اعمل ريجيم والا ستجدى عاصفة من التوبيخات والتريقة واللى تقول انتى فاكرة هترجعى زى الاول واللى تقول ازاى تخسى وانتى بترضعى وهكذا......... عشان كدة قررت اكل كل حاجة لكن بكمية قليله والعب تمارين من غير ما حد يعرف وما اقول ابدا انى عاملة ريجيمولقيت نفسى بخس صحيح براحة لكن مش مهم المهم ان فى نتيجة ولو هتظهر بعد سنة مش احسن ما اتخن اكتر