من منكم يا حلوين يعرف عنها اى معلومات وهل هى مضره ولا مفيده ولا ايه بالظبط انا لقيتها موجوده عندنا فى مصر صناعه امريكيه ومكتوب عليها مكمل غذائى مش معها اى نشرة داخليه تبين اى

معلومات عنها فهل منها ضرر وهل فعلا تحرق الدهون افيدونى لانى اعانى من زيادة فى النصف

الاسفل من الجسم وانتوا عارفين المنطقه دى بتخس بطلوع الروح فهل تلك الاقراص مفيده لحالتى

ولالا؟ والجرعه كمان اد ايه؟ انا سألت دكتور الصيدليه قالى مفيش منها ضرر حتى انى قريت عنها فى

الجرايد اليومية انه بيحرق الدهون لكن مش عارفه على فكره انا عامله رجيم الوقت وخسيت
8ك ونفسى اخس كمان 10ك ويبقى الحمدلله اوى

يا ريت اللى تعرف ترد

بسرررررررررعه جوازى قرب ومحتاااااااارة

شكرا اللى ترد مقدما ويارب تخس او تتخن يعنى على حسب ما تحب
ويرزقها بالجنة يا رب

مفيش حد يعرف عنها اى حاجة ولا حتى سمع او قرأ
معقوله
عموما مشكورررين على اى حال

انا فعلا قرات عنها و لا اظن انها مضره و الله اعلم و ارجو ان ترد علينا اخت فاضله تطمئنا لانها فعلا سحريه و عندما كنت اشربه عادي شاي 3 مرات نزلني جدا في الوزن و كمان بيسد النفس فالاقراص بصراحه اريح .متعرفيش سعرها ايه بالمصري ؟

انا فعلا قرات عنها و لا اظن انها مضره و الله اعلم و ارجو ان ترد علينا اخت فاضله تطمئنا لانها فعلا سحريه و عندما كنت اشربه عادي شاي 3 مرات نزلني جدا في الوزن و كمان بيسد النفس فالاقراص بصراحه اريح .متعرفيش سعرها ايه بالمصري ؟ انا كنت عاوزه اجربها و فتحت المنتدي يمكن حد يدلنا

انا فعلا سمعت ان الشاى الاخضر مفيد بشكل عام للجسم وان الاقراص بتكون مركزة بشكل أكبر انا نفسى اجرب شجعينى ونبدأ مع بعض noshaالمصرية

اولا شكرا جدا على الرد
ثانيا انا والله النت كان مفصول عندى من اكتر من اسبوع
هى سعرها بالمصرى 28 ج والعلبه بها 30 قرص واعتقد ان القرص الواحد يعادل عشر اكواب من الشاى الاخضر بيتهيالى قريت عنها فى موقع وانا شخصيا قررت اخوض التجربه وباخد حبيتين باليوم بعد الاكل ولاحظت ان محيط الارداف والوسط قل شويه مع العلم انى مش بمارس رياضه ولا اى حركه بالعكس انا كسلانه موت لكن الوزن زى ما هو70ك فا انا مش عارفه السينتيمترات دى من تأثير الاقراص ولا تخفيف الاكل لانى محافظة على اكلى
ارجو انى اكون افدت واللى تعرف حاجة يا ريت تعرفنا

مفيش منها اي ضرر
لكن بصراحه مش بتعمل حاجه انا جربتها لمدة 3 شهور تقريبا ومع الريجيم كمان..
مفيش احسن من الريجيم والرياضه