السلام عليكم ورحمة الله وبركاتة ؟
ازيك يا راجية ولو انى زعلانة بس يلا مش مشكلة
انا عايزة اخ رايك فى نظامى هوا من دماغى
يعنى انا بفطر من الحاجات دى (بيض مسلوق /عيش اسمر /جبنة لايت /خيار وطماطم / لبن خالى الدسم /عصير فريش /بسكوت مملح )
بس طبعا مش باكل كل دة انا بختار صنفين منهم +الخبز الاسمر بس

الغدا
مثلا السمك باكلة مشوى مع سلطة
السى فود زى الجمبرى والسوبيت باكلة مسلوق من غير دهون خالص
اللحمة والفراخ مسلوقين
الخضار باكلة سوتية
لو اكلت عيش بيبقى اسمر

العشاء
على طول بيبقى زبادى لا يت
انا عايزة اعرف لو مشيت على كدة حخس ولا وزنى مش حيزيد بس
وانا بعمل رياضة كل يوم الصبح نص ساعة

السلام عليكم ياعسوله
معقوله تقولي انك زعلانه من الحبيبه الراجيه عفو ربها
لا أنا عارفه ان الراجيه بتحب كل اللي في المنتدى بس في قوانين الواحد مضطر يخضع لها
وده كلام ما يزعلش
المهم ياعسوله
الدايت دا جميل والعشا ممكن تضيفيله 1توست أسمر أو فاكهه بس بلاش الممنوعات
أما اذا كان بتخسي عليه والا لا دا بيعتمد على الكميات اللي راح تاكليها وخصوصا من البروتينات
والخبز
أما الخضار فمافيش منها مشاكل لو كانت بدون دهن
فحاولي تعتدلي وخليه سلوك حياتك ومع المده ومش طويله حيبدأ جسمك يستهلك الدهون اللي فيه
ويعتدل فتتخلصي من الكيلوات الزائده
أما اذا كنتي مش عايزه تحتاري فاحسبي عدد السعرات اللي راح تاكليها وعلى ما أعتقد من 1000-1200 سعره تكفي مع الرياضه تمام
بس ركزي على السلطه مهمه

ده رأيي
وأكيد الراجيه عفو ربها حتفيدك أكثر

وأشوفك بأحسن حال ياعسوله

مس عسل حبيبتى انا ماعنديش معلومات كتيرة

بس انا شايفة انوصحى

احسن من بتاع12x12

وانصحك تتبعيه واكيد راح تخسى عليه

عسوله وحشتيني انتي فين ياقمرانتي رحتي وقلتو عدولي
نورتي ياقمر بصي نظمك حلو اوي بس الي اعرفه ان الجمبري سعراته كتير
بس مش متاكدة يعني سمك افضل بس الراجيه راح تفيدك اكثر
اوعي تدوخيني وراكي تاني

السلام عليكم ورحمه الله وبركاته

مس تزعلى اه لو بلغت وغيرى اللى نبهك

بس لانى بحبكم نبهت مرتين مره لما بلغتكم لولو

ومره نبهتك شخصيا

يبقى فين الزعل

ودى قوانين عليكى وعلى غيرك

ودلوقتى اكلك انا الصراحه صعب اقيمه لازم اعرف وزنك اصلا انا ناسيه وزنك وطولك كام

الافطار مش شايفه فيه مشكله

الغدا المسلوق ممل ولا ينصح بيه الا مرضى معينين كلى الاكل بس نى فى نى بدهون قليل او بدون يكون احسن
ومهم تاخدى ولو ربع رغيف

العشاء زبادى انا ضده تمام كده بتغفلى ثلث المواد اللى يحتاجها جسمك

مستنيه منك طولك ووزنك ولو تكتبى بالضبط اكلك 24 ساعه واقولك تزودى ايه

تقليل الاكل لا ينقص ولا يثبت غير مضمون ابدا نتائجه بخلاف مظاهر التعب على الوجهه والبشره

طولى 165
وزنى 85

اكلى فى يوم مثلا
فطار ربع رغيف وجبنة لايت وبيضة مسلوقة وشاى بملعقة سكر واحدة

غدا
سمك مشوى وسلطة وربع رغيف

عشا
زبادى لايت

بين الفطار والغدا والغدا والعشا
فاكهة اغلبية بتكون يا برتقال يا تفاح

كتبت بواسطة مس عسل

طولى 165
وزنى 85

اكلى فى يوم مثلا
فطار ربع رغيف وجبنة لايت وبيضة مسلوقة وشاى بملعقة سكر واحدة

غدا
سمك مشوى وسلطة وربع رغيف

عشا
زبادى لايت

بين الفطار والغدا والغدا والعشا
فاكهة اغلبية بتكون يا برتقال يا تفاح

اكلك قليل جدا وبالطريقه دى لا وزنك ح ينزل ولا حاجه اولا لازم تتعشى

خدى بالك تقليل الاكل مش فى مصلحتك انتى اولا سنك صغير يعنى فى مرحله نمو ( حتى وان اعتقدتى انك خلاص وقفتى نمو )

ثانيا بتذاكرى ومحتاجه تكونى مركزه قله الاكل لا تساعد على اى تركيز

وخلى بالك المخ يتغذى ( يعمل )على الجلوكوز يعنى لابد تأكلى كويس عشان ربنا يوفقك وتنجحى وتعدى الثانويه العامه ونفرح بيكى

خدى سعراتك والعبى ياجميل رياضه كده تبقى بتحرقى سعرات وفى نفس الوقت بتاخدى حاجتك من المواد الغذائيه

وانتى يلزمك 1500 سعر

وجبات حوالى 1500 سعر
الافطار
زبادى كوب
4 ملعقه فول مدمس بزيت خفيف
نصف رغيف خبز يفضل اسمر

الساعه 10
وحده فاكهه او كوب عصير
الغذاء
طبق خضار مشكل مطهى
طبق سلاطه اى حجم بدون اى اضافات لا ملح لازيت لا مسترده
وحده لحوم 100 جم لحم ( يقطع الكيلو على 10 قطع من الاول ) او ربع فرخه يستحسن منزوعه الجلد ويفضل مسلوقه او مشويه (بالنسبه لمشويه تشوى بجلدها ثم لا نأكله )او سمكه وسط مشويه او فى الفرن بدون مواد دهنيه
4 ملاعق ارز مطهى عادى

وحده فاكهه
الساعه 5
كوب شاى باللبن محلى ب 2 ملعقه سكر
العشاء
جبن ابيض او قريش او 4 ملعقه حمص
سلاطه خضراء او خضار مطهى
نصف رغيف خبز او 2 شريحه توست

قبل النوم وجبه خفيفه
كوب زبادى او ثمره فاكهه او خضار طازج اى شىء بس عشان لا ننام ونحن جوعى

و ان شاء الله نسمع عنك سمع خير قريب