حبيبتي
اول شيء .. متباركه بالشهر الكريم .. والف مبروك مقدماً الله يسعدكِ
ثاني شيء .. نصيحة من قلب خلك من الرجيمات هي اللي اضعف إرادتك وتخليكِ
تأكلي كثير والله .. لانك تحسي بالحرمان ومجرد تخيل إنك بتتركي كل شيء تحبيه بيتعب
نفسيتك وبتزيدي مابتنقصي لانك يوم يومين وبترجعي وشهيتك كبيرة اكثر من قبل ..
أنا مثلك إرادتي صفر والله .. لكن يوم عزمت اضعف ماقلت رجيم قلت " بخفف " وفعلاً
ماحسيت بحرمان ولاضعفت إرادتي هو شيء طبيعي بتمر ايام بتضعفي لكن إذا مسكتي نفسك
واكلتي اللي تحبيه بكمية صغيرة بتستمري ودافعك قوي ( عرسك ) ليلة العمر
أنا بديت رجب نزلت 5 كيلو وشعبان نزلت 5 كيلو ..
بقولك شنو سويت .. اول شيء عدلت نومي لان السهر هو اللي يخلينا نأكل ولا ننزل .. بعدين ابتعدت
عن الزيت والدهن اطبخ بزيت زيتون قليل بس للتحميص واغلب الطبخ بالفرن ومشوي كل شيء احبه
بس طريقة الطبخ اكثر صحة من قبل .. بدلت الخبز والصمول وهالاشياء بالاسمر للفائدة والقيمة
الغذائية .. قللت السكريات يمكن مره بالاسبوع .. اكل بالملعقه لان الكمية تكون اصغر وكل شيء
احسبه بالملعقه يعني 6 ملاعق رز او مكرونه .... الخ
الرياضة مفيدة ومهمه وتساعد امشي نصف ساعه وايام ازود المشي .. إذا اشتهيتي شيء اكلي
بس شيء بسيط لاتحرمي نفسك .. وكثرت الفواكه والخضار لاني قبل مااكلها .. بس
برمضان قلت بجرب تظام السعرات مره حلو ومريح وتأكلي كل شيء بكميات صغير
وأتمنى لك التوفيق
واي سؤال أنا بالخدمة ..
:
إشراقة حب
الروابط المفضلة