انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 13

ساعدوني ارجووووكم..

(ركن التغذية والصحة والرجيم - منتديات لكِ النسائية - الأرشيف)
السلام عليكم ورحمة الله وبركاته اخواتي وعزيزاتي في منتدى لكي الغالي انا بنت عمري 23 سنة ومش متزوجة وكنت جميلة جدا.. تغير شكلي كثييييييير لاحظت ...
  1. #1
    MISS DIOR's صورة
    MISS DIOR غير متواجد Registered User
    تاريخ التسجيل
    May 2007
    الموقع
    البحرين
    الردود
    34
    الجنس
    أنثى

    Wink ساعدوني ارجووووكم..

    السلام عليكم ورحمة الله وبركاته


    اخواتي وعزيزاتي في منتدى لكي الغالي
    انا بنت عمري 23 سنة ومش متزوجة
    وكنت جميلة جدا.. تغير شكلي كثييييييير

    لاحظت ان وزني بدأ يزداد كل سنة تقريبا 15 كيلو و اكثر
    وهذا الشي اثر علي كثيرا واثر على شكلي وملامح وجهي تغيرت كثيرا
    اصبحت قبيحة الشكل كنت دائما اقنع نفسي ان جسمي ليس بسيء وكنت اتقبل الموضوع وانا لااخرج من المنزل حياتي كلها انترنت وتلفزيون وعبادة وتمر علي ايام اكون في البيت لا اخرج الا بعد شهرين و اكثر تعودت على هالشي بسبب شكلي ...

    اخر مرة ذهبت الى منزل صديقتي وكان حفل خطوبتها
    تفاجأت عندما نادتني فتاة وصرخت علي وكانت تستهزأ فيني وتناديني (يا الدبة) تعالي بشوفج اشلون صايرة ..... وقالت لي بكل وقاحة صايرة كريهة وتلوعين الجبد روحي سوي رجيم لانج بتنفجرين وانا مادري اصيح ولا ابجي لما سمعت الكلام حسيت اني انكسرت من داخلي وبقيت اموت ولااكون في الموقف المحرج واذا كنت بروحي عادي بس جدام الكل قالت لي..

    انا انصدمت قلت اكيد هي تتغشمر

    بس طلع انها من صجها وقعدت تضحك علي وتستهزأ جدام الكل وكل الي في العرس يطالعني وانا ميتة من الفشيلة وتغير شكلي

    طلعت من العرس والكل عرف اشفيني

    انا بصراحة تعبت واااايد من جسمي واقسم بالله اني قبل 4 سنوات لما تخرجت من الجامعة كان وزني 56 وكنت رشيقة والكل يمدحني على رشاقتي والحين صار وزني 132 يعني الي يشوفني مايعرفني لاني تغيرت شكليا ونفسيا بعد والي مضايقني اكثر ان كان في واحد بقى يخطبني وهو من اهلي بس الحين احسه شال الفكرة من باله بعد ماشافني اخر مرة اصلا ماعرفني وانصدم لما شافني انا حسيت انه خلاص مايفكر فيني وانا عاذرته لاني بصراحة صاير شكلي وجسمي ماينوصف من كثر ماهو كريه

    مااجذب عليكم سويت ريجيمات كثيرة وافشل في كل تجربة وهذا الي خلاني اتعب كثير والحين قاعد وزني يزيد وصرت اخاف اوزن نفسي حياتي صارت كئيبة مادري شنو الحل ولاتقولون لي استشير طبيبة لاني تمللت من كثر مااروح للدكاترة ويعطوني وصفات وبعد مايفيد معاي

    انا كتبت الموضوع لاني ادري انكم اخواتي الحبيبات مابتقصرون معاي ساعدوني ارجوكم على الاقل ترفعون معنوياتي واتشجع واغير حياتي ارجع مثل قبل واحسن

    مسامحة على الازعاج لاني طولت وايد

    تحياتي للجميع
    MISS DIOR
    (سارة)

  2. #2
    tender_soul غير متواجد عضو نشيط
    تاريخ التسجيل
    Sep 2007
    الموقع
    الاسكندريه
    الردود
    117
    الجنس
    حبيبتى لا تزعلى


    ولكن اولا الشىء الاول لازم يكون عندك صبر

    تانى شىء الاراااااااده

    تالت شىء النفسيه الكويسه

    ثم الريجيم

    وفى رجيم اكتر من رااااائع انا متبعاه مع ام دحوم فى موضوعها

    انتى ممكن تنضمى لينا انا راح اديكى اللينك وتشتركى معانا

  3. #3
    tender_soul غير متواجد عضو نشيط
    تاريخ التسجيل
    Sep 2007
    الموقع
    الاسكندريه
    الردود
    117
    الجنس
    http://www.lakii.com/vb/showthread.php?t=347315&page=11


    يلا ادخلى وتفاااااااائلى ان شا الله خير

  4. #4
    اسمى خنفر's صورة
    اسمى خنفر غير متواجد النجم الفضي
    تاريخ التسجيل
    Mar 2007
    الردود
    1,544
    الجنس
    أنثى
    غاليتي للأسف انا ما قدر افيك لأاني نحيفه..وما بفهم بهيك امور..

    لكن تأكدي يا غاليتي انه كل البنات رح يساعدوكي .

    بعدين يا عمري..لازم يكون عندك اراده..توكلي على ربنا..
    وان شاء الله نسمع عنك الاخبار الطيبه يا طيبه

  5. #5
    shomoo's صورة
    shomoo غير متواجد النجم البرونزي
    تاريخ التسجيل
    Jul 2007
    الموقع
    america
    الردود
    751
    الجنس
    امرأة

    sara ma tehtamy khaly alkol yehky
    bas enty lazem ekoon 3endek saber w erada kawaea etwajhy halek feha kabel aya had w emshy 3ala nezam ghezay ewaslek ka had adna kelo be al osboo3
    w khaleky kawea w 3ala fekra
    forstek al dahabea fe shahr alkheer shar ramadan estaghelhea fe al rujeem w areada w rah eshoofy halek ebtenzaly eshwae eshe bas enty ma testa3jely al nateja
    w almara ely ahrajatek fe al 3oros shekelha jahly ma te3ref tesaraf ma3 al nas o3zoreha habebty ok yala sam3ena al akhbar ateba w enshala mezanek yenzal w ma bedna etloo3 ok
    gooooooooooood luck my sister

  6. #6
    nrfzh غير متواجد عضو
    تاريخ التسجيل
    Sep 2007
    الردود
    71
    الجنس
    هاي ساره

    اشلونج ؟

    حبيبتي ماعليج من هالبنيه هذولا الناس يعتبرون سفهاء والسفيه ماينرد عليه

    عليج من نفسج الرشاقه تخلي الانسان يرتاح من داخل وخل اقولج على شغله

    انا ماقولج سوي ريجيم وانتي جربتي كل شي ومانفع معاج بس بقولج طريقه اذا اتبعتيها وانتي مرتاحه ينزل وزنج وخصوصا انج ماتبعتي ريجيم من قبل فأكيييد بأذن الله راح ينزل وزنج وبشكل رهييب وراح تنصدميين شلون ينزل

    اول شي اكلي الي تبين من لحوم ودياي(دجاج) وبالكميه الي تعجبج بس مشووي واذا تحبين البيض مسلووق والبيبسي داييت وحطي سلطه مع الاكل حتى لو اكلج وايد بس لان السلطه تساعد على انقاص الوزن واذا ماتقاومين مطاعم طلبي ماقولج لا طلبين بس حاولي كثر ماتقدرين تطلبين مشاوي وتقللين الصمون( السندويش ) والبيبسي او سفن اوك كوكاكولا دايت مثلا اذا ماتقدرين تقاومين كلش ابدأي بمطاعم دجاج مشوي اوكي ودايت كغداء والعصر شربي نسكافيه اذا انتي من محبين الكاكاو شربي نسكافيه بالحليب مع سكر لان يشبع وبالليل سلطه مع تونا او ربيان او شي مشوي يعني على هالطريقه بالنسبه لطريقة اكلج قبل مو متغيره وايد بس سعراته اقل وراح يقل وزنج بشكل رهييييييييب اذا زدتي عليهم مشي نص ساعه لان يحرق الاكل وبعد الاكل اكلي اناناس لان سلمى حايك تقول ينزل كيلوين طبعا الجمله مو صحيحه بس الاناناس يشبع وعصير الاناناس حلو الطعم ومفييد جدا

    ابعدي قدر المستطاع عن العيش ( الرز ) واذا ماتقدرين اكلي رز مسلوق مع زبادي ( روب ) خالي الدسم لان صج يضعف وحاولي تكثرين الحركه وتزيديين نشاطج

    اشتركي بنادي لان مو بس حركه ورياضه حتى تضييع وقت الفراغ الي انتي تقضينه بالاكل يطير وبسرعه ينتهي اليوم وحاولي تشووفيين الفنانه شمس قبل والحين كانت امتن منج بوااااااااااايد والحيين قمرر وشوفي الفنانات الامريكيات الي ينزلون وزنهم بسرعه البرق وشوفي عارضات الازياء وراح يصير عندج ححافز طلعي السوق واشتري بدله اصغر منج بالوزن الي تبين توصلين له وحطيها جدامج كل يوم تشوفينها قولي بنفسج راح البسها راح البسها واكلي حبوب زينيكال انا ماجربتها والله بس سمعت عنها

    يعني بأختصار بقولج لاتسوين ريجيم قاسي فجأه لانج ماراح تتحملين بس اشوي اشوي كل شي يصير اوكي خففي اكلج بالاول اذا شفتي وزنج ينزل بسهووووله لانج ماجربتي قبل اتخففين فراح ينزل بسرعه البرق راح تقوى ارادتج وتكملين لمن توصلين لريجيم قاسي عشان تنزلين اخر كيلوين للوزن المثالي انشالله قولي اميين والله يوفقج وانتي ابدأي ريجيم واكتبي يومياتج شنو تاكلين اول يوم اهني عشان تتشجعين وانا معاج وراح اشجعج وتصدمين البنت الي قلت ادبها عليج ولو ان نصحيتي شيليها من بالج هالناس التفكير فيهم وايد عليهم هذولا سفهاااء اوكي

    تيك كيير حبيبتي

  7. #7
    إشراقة حب غير متواجد عضو نشيط
    تاريخ التسجيل
    Aug 2007
    الردود
    156
    الجنس


    السلام عليكم


    أول شيء حبيبتي .. الإرادة " تصنع المعجزات "
    ثاني شيء وهو مهم إن كلام الناس " يورث المرض " سواء في هذه المسألة أو غيرها
    عاد كنتِ ضعيفة لو متينه لو جميلة لو قبيحة الناس تحب تتكلم والإلتفات لكلامهم بيمرضك

    أنتِ قبل كل شيء لازم يكون عندك إرادة لأن مشوارك طويل لكن لاتفكري بيستمر إلى متى
    المهم إنك تحققي اللي تبغيه ..
    قصتك مشابه قصتي تقريباً .. كنت مااطلع من البيت مو بالأشهر لا بالسنين .. لاازور أحد ولا
    اروح مُناسبات .. ثنتين من صاحباتي تزوجو ولا رحت أعراسهم والسبب وزني .. ماكنت أحب
    اشتري لي ملابس وإذا فكرت ورحت السوق اشتري ثياب اصغر من مقاسي واحطهم بالكبت
    تصدقي عندي ملابس كثير بالكتب بأوراقهم مالبستهم لانهم مو مقاسي .. وإن شاءالله قريب
    بلبسهم .. غير تعب النفسية خاصه بس تمر مناسبة اقعد لوحدي واتحسر على جسمي قبل واطلع
    صورتي وابكي .. لين جاء يوم وانخطبت اختي مره تورطت وحسيت بكبر الأزمة عدل قمت من تعبي
    وضيقتي أكل كل يوم من المطعم بشكل رهيب لين ماصرت أعظم من قبل .. حتى ثوب الحفلة مايدخل
    علي ! .. الحين حددت زواجها على ذو القعدة إن شاءالله .. فكرت وقلت لنفسي كيف زواج اختي
    واني الثانيه بالبيت بعدها وودي اكون مثل الاميرة وثوب على مستوى وأنيق ووووو .. والجسم
    يفشل! .. عزمت وقويت إرادتي مع إني والله العالم إرادتي ضعيفة مره قدام الأكل لكن مافي شيء
    يجي بسهولة .. ابتديت شهر رجب .. شوفي ويش سويت ..
    قبل خطوبة أختي بسنتين رحت نادي رياضة علشان اصير رشيقه مع إني ماكنت متينه بدفاشه يعني
    جسمي مقبول ومشيت على رجيم كان بشهر شعبان أيامها وخلصت رمضان وبعد النادي رجعت
    زي المجنونة اكل اعظم من قبل لين ماصرت مثل ماقلت لش
    الحين ومن عزمت انزل وزني فكرت وقلت رجيم بحط عليه اكس لان الرجيم = حرمان = تعب نفسيه
    ومعروف واتحدى اي وحدة سوت رجيم مارجعت لوزنها او زادت عليه
    المهم .. رحت شريت لي جهاز مشي كهربائي علشان اخذ راحتي بالبيت احسن من مااطلع كل يوم
    وابتديت رجب وسويت كـ الآتي :

    - عدلت نومي لاني كنت اسهر ومااحب قعدت النهار ولان اللي يزيد الوزن هو اكل الليل
    - اخذت ورقة وقلم وحطيت لي جدول من عقلي وبالجدول ابتعدت عن الدهون و السكريات و الشبسات
    والشوكولا وكثرت الفاكهه والخضار والسلطات والعصير قللت الشاي لاني كنت ادمان عليه واخذت
    لي محلى صناعي من الصيدلية قليل السعرات بالحبة فيه 2,0 سعره بس ويخلي كوب الشاي حالي
    استبدلت الخبز والصمول ولبريد الابيض بالاسمر ..
    - بهالشهر وشيء طبيعي كان في لخبطات كثير ولحظات ضعف .. وخليت لي كل اسبوع يوم فري اكل
    فيه كل شيء احبه ..
    - مع الايام غيرت الجدول عدلت اشياء واضفت اشياء يعني كان متنوع بس خفيف واهم شيء قللت
    اكلي قبل صحن كبير الحين صغير او وسط
    - على نهاية رجب تعلمت عادات حلوة واخذت فكرة عن الاطعمة اللي المفروض ابتعد عنها او مااكثر
    منها والاطعمة اللي عادي اكلها بدون خوف وهذا من خلال تصفحي للأنترنيت .
    - وشوي شوي خليت الارز والمكرونة كل واحد مره بالاسبوع يعني يومين بالاسبوع يوم مكرونة
    ويوم رز ..
    استفدت من هذا القسم كثير كثير .. وكان الشهر الاول كتجربة وتعلم بالنسبة لي وافادني كثير
    نهايته رحت وزنت .. ونزلت 5 كيلو .. كان وزني 83 صار 78 كيلو
    نسيت أقول لك إني امشي كل يوم نصف ساعة على الجهاز واحياناً 40 إلى 45 دقيقه وإذا تعبت
    اخلي لي يوم في الاسبوع راحة من التمرين بس ساعات مااخذ إجازة وهذا افضل لي .

    الحين حنا بشعبان ..
    الجدول ثبت عليه تقريباً .. وإلى الآن مستمره والاسبوع اللي راح وزنت وكان وزني 74 كيلو
    وهذا اخر اسبوع بشعبان وإذا نزلت كيلو بصير 73 وبصير نزلت بالشهر الثاني 5 كمان

    حددي لك هدف لاتفكري متى بتوصلي للخميس ابد ..
    قولي الحين هذا الشهر بنزل 5 كيلو مثلاً ولازم اكون بنصف الشهر نزلت من 2 إلى 3 كيلو
    علشان النصف الثاني من الشهر تكوني نزلتي نفس الشيء ويكون 5 ..


    اي مساعدة او سؤال أنا بالخدمة وإذا اعرف مابتردد إني اساعدك ويالله شدي الهمه وماعليكِ
    من احد ابد ولاتسمعي كلام الناس ولاتخليه بقلبك .. خليهم يشهقو إذا شافوكِ وأنتِ بصحة وجسم حلو
    ادري طولت عليكِ .. لكن احذري الرجيم ..
    إذا تبغي الجدول اللي أنا حاطته لي ماعندي مانع

    أتمنى لك التوفيق





    :





    إشراقة حب

  8. #8
    العراقية 80's صورة
    العراقية 80 غير متواجد عضو نشيط
    تاريخ التسجيل
    Jul 2007
    الردود
    254
    الجنس
    حبيبتي لايهم بالك الي كالت لج صاحبتج بالحفلة بالعكس خليه دافع الج ايشجعج على النزول البطيء والصحي
    لاتتبعي رجيم قاسي لانني سويت كبلج هذا الشي ورجعت اكثر من الاول بس امشي على كلام اشراقة حب لانه هوة الكلام الصحيح والاخت كفت ووفت وماكو شي اكولج عليه بعد كلامها
    وكلشي بالبداية صعب بالصبر والارادة القوية والثقة بالنفس حتكدرين اتوين الي تريديه ويبدء وزنج بالنزول اشوي اشوي والله ايكون بالعون

  9. #9
    MISS DIOR's صورة
    MISS DIOR غير متواجد Registered User
    تاريخ التسجيل
    May 2007
    الموقع
    البحرين
    الردود
    34
    الجنس
    أنثى
    الف شكر لكم اخواتي العزيزات والله ربي شاهد انكم رفعتوا من معنوياتي بكثييير تسلمون حبايبي
    tener soul
    و
    اسمي خنفر
    و
    nrfzh
    و
    shomoo
    و
    اشراقة حب
    و
    العراقية 80

    لكم مني الاف التحية يا اخواتي العزيزات وبارك الله لكم جميعا

    وممكن اختي اشراقة حب تعطيني الجدول وانشالله استفيد منه


  10. #10
    moony.too غير متواجد عضو نشيط
    تاريخ التسجيل
    May 2007
    الموقع
    السعودية . جــــــــــــــــــدة
    الردود
    431
    الجنس
    أنثى
    والله في حلول كثيرة وان شاء الله يفيدك اللي اقوله
    زيوت تحرق الدهون مثل الافخاذ والارداف ومنطقة الخصر وممكن تشربين معاه كمون وماء دافى ونعناع عشان الطعم وخففي الاكل وانا في انتظارك

مواضيع مشابهه

  1. ارجووووكم ساعدوني انا فعلا في ورطة
    بواسطة n0urr في العناية بالشعر وتصفيفة - تسريحات, عروس, قصات, صبغة
    الردود: 3
    اخر موضوع: 03-04-2011, 03:21 PM
  2. ارجووووكم ساعدوني
    بواسطة بنت الاوراس في ركن الجوالات والاتصالات
    الردود: 2
    اخر موضوع: 11-06-2009, 03:52 PM
  3. ارجووووكم ساعدوني مع ابني .........؟.؟؟
    بواسطة اسير الحريه في الأمومة والطفولة
    الردود: 4
    اخر موضوع: 11-04-2007, 04:52 PM
  4. ارجووووكم ساعدوني ..انا محتاجتلكن
    بواسطة الاكيل في العناية بالشعر وتصفيفة - تسريحات, عروس, قصات, صبغة
    الردود: 11
    اخر موضوع: 22-10-2001, 05:23 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96