السلام عليكم ورحمة الله وبركاته
اخواتي الحبيبات عندي في دماغي فكره مجنونه مش عارفه هي ممكن تنفع للسيليولايت ام لا انا قلت اطرحها عليكم ويا ريت نشترك في مناقشتها
السيليولايت لمن لا يعرفه هو
يرجح أنها تراكمات من الدهون وسوائل والتوكسيات المحصورة داخل شبكة من ألياف ألإلاستين و الكولاجين المتصلبة في أعمق مستويات الجلد ، وهذا يسبب الإحساس بتنقر مناطق الهلل وهي تميل إلى البرودة عند اللمس لأن جريان الدم محدود والجهاز اللمفي المسؤول عن إزالة التو كسينات لا يعمل بانتظام ، وقد وتتفاقم المشكل وتجعل السلوليت منتفخاً و إسفنجياً .
وممكن معرفة ان عندك سيليولايت اذا عصرت جلدك ووجدتيه به تعرجات مثل جلد البرتقال كما ان المنطقه المصابه تكون اكثر بروده من المناطق السليمه طبعا هتقولوا وايه اللي انت جبتيه جديد احنا عارفين كل ده
طيب ما تتضيقوش انا عارفه ان انتم عارفين بس قلت اتفزلك شويه
انا عارفه ان الحجامه ليها فوائد روعه منها:
تنشيط للدورة الدموية وتسليك للشرايين والأوردة الدقيقة والكبيرة والشعيرات الدموية.
- -امتصاص الأخلاط والسموم وأثار الأدوية من الجسم والتي تتواجد في تجمعات دموية بين الجلد والعضلات.
لحد كده جميل انا فكرت وقلت طالما ان السيليولايت مشكلته فيها قلة الدم والحجامه بتنشط الدوره الدمويه جمعت 2+2 بس المشكله ان انا مش متخصصه فقلت لنفسي اروح اسأل الحلوات اللي في المنتدى عن الموضوع ده واذا كان حد متخصص في الحجامه يا ريت يفيدنا ويدلنا على الطريقه الصح
انا حاولت اعملها على نفسي بس جافه طبعا لحد ما يرد متخصص علينا ونشوف اذا كانت ممكن تتعمل حجامه طريه كمان
عارفه اني طولت عليكم سامحووووووووووننننننننننننننننننننننننن غصب عني اصل ان اموووووووووووووووت في الرغيييييييييييييييييي
تصبحوا على خير دلوقتي ويا ريت بكره ان شاء الله الاقي ردودكم ومقترحاتكم

موش عرفة ان شاء الله حديفدنا
اصل احنا زي الغرقان الي بيتعلق بقشة

ازيك يا ام جوري شكل كده مفيش حد مهتم بالموضوع او عايز يشارك شكرا ليكي على المشاركه وربنا يسهل وحد يفيدنا

اقول شغله بس امانه محد يضحك علي

أنا ما فهمت شو معنى لسيليولايت؟؟؟؟


ممكن شرح بالعامي ... اقصد شرح مفصل

ولله ياريت انا مش عارفه بصراحه
بس ممكن المشرفه تعرف وياريت ترد علينا بس لو كده ياريت و تقولى ازاى الحجامه دى

السيليوليت
هي ظاهره تحدث للرجال و النساء بعد البلوغ تصيب جلد البطن والاطراف و الحوض تجعله مماثلا لملمس البرتقال....
وعلي الرغم اننا ذكرنا انه يصيب الرجال الا انه يكثر بدرجه اكبر بكثير في السيدات لخضوعه لتاثير الهرمونات الانثويه...و هو ليس مقرونا بالضروره مع السمنه....
واسبابه ما زالت محل دراسه....
منها خلل في تمثيل الماء
فرط نشاط النمو للانسجه الضامه
نقص الترويه في المناطق المصابه
و اخيرا وليس اقلهم اهميه ..التاثيرات الهرمونيه و خصوصا الاستروجين وايضا الانسولين و الكاتيكولامينز (الادرينالين و مشتقاته)..و هرمونات الغده ..

هذه العوامل تتداخل معها ظروف اخري.....مثل الجنس....و نظام الاكل...مستوي النشاط الحركي....التدخين...الكحوليات...مستوي التوتر

درجات السيليوليت.....
درجه 1:لا يظهر الا باختبار الانسجه و غير ملحوظ بالعين المجرده
درجه2:الجلد يتقبب و تنخفض حرارته و يفقد مرونته و لكن مازال دون ملمس البرتقال
درجه3:يظهر ملمس البرتقال و لكن عند الراحه ويختفي عند الحركه...و التحببات تظهر عند الجس بالاصابع
درجه4: مظهر البرتقال اكثر وضوحا في كل الاوضاع والتحببات اكبر و قد تظهر الاما اكثر بالجس...

العلاج...
لم تثبت طريقه تثبت انها الامن و الاكثر فاعليه عن الاخري ومنها علي سبيل المثال
التدليك و المساج
بعض العلاجات التي قد تؤخذ فمويا لتحسين الدوره الدمويه و اللمفاويه(مثل الجنكوبيلوبا/الجنكه)

و هناك تدخلات اكثر تاثيرا مثل الميزوثيرابي و جهاز ال بي جي

و علي الرغم ان السيليوليت غير مؤثر في صحه الشخص الا انه يعد مظهرا مزعجا له...الا اذا اخذت المصابه الاعتقاد الذي بدا يظهر مؤخرا...ان المعقول من السيليوليت هو من الانوثه.....

و لله تمام العلم

كتبت بواسطة wedyan

اقول شغله بس امانه محد يضحك علي

أنا ما فهمت شو معنى لسيليولايت؟؟؟؟


ممكن شرح بالعامي ... اقصد شرح مفصل

مفيش مشكله خالص يا وديان انا نفسي لم اعرف هو ايه الا لما سمعت برنامج في التليفزيون ولقيت انه بيفسر ليا ليه جلدي اصبح شكله متعرج ومش مشدود
وهو يا ستي ببساطه جدا ومن غير فذلكه
دهون مش متوزعه كويس تحت الجلد بس مش زي الدهون العاديه لانها في الطبقه السطحيه للجلد علشان كده صعب اجراء عمليات شفط ليها وكمان مش منتظمه وعادة بتكون في الارداف والافخاد
وومش مرتبطه بالوزن كمان يعني ممكن سيده تكون رفيعه جدا وتكون عندها المشكله دي
السيدات عادة هم المصابون بهذه الدهون الغبيه كما يسمونها في اوروبا لان جلودهن ارق من جلود الرجال
حتى الرقه ليها متاعبها وتقدري تعرفي ان كان عندك سيليولايت ام لا اذا مسكت جزء من جلدك بين اصبعيك كانك تقرصيه فوجدت شكل المنطقه المصابه مثل قشرة البرتقال محببه وغير منتظمه وغالبا بتلاقيها ابرد من الجلد السليم وكمان بتوجعك لما بتضغطي عليها
اتمنى ان اكون وضحتلك المعنى ولو قليلا وشكرا

ازيك يا ماهي منوره الموضوع انا مستنيه حد خبير يدلنا على الطريق الصح واحساسي بيقول ان ان شاء الله يكون فيه فايده من الحجامه وهي سهله جدا بس محتاجه قلب جامد شويه وتمرس
بس لو كانت جافه بتبقى سهله جدا ومحتاجين بس ادواتها وممكن الموضوع ده يفيدك اكترhttp://www.lakii.com/vb/showthread.p...CD%CC%C7%E3%E5

و الله انا حاسه ان فكرتك مجنونه
ما اعرف

منوره الموضوع ياpinkbaaa وانا معاكي فعلا فكرتي مجنونه بس مين عارف يمكن
على راي ام جوري احنا زي الغريق اللي نفسه في قشه