متزعليش يا سيفو ولا تضايقى نفسك خالص انشاء الله حتنزلى وتبقىزى القمر بس حاولى تروحى تعملى تحليل الغده علشان تطمنى احتمال تكونى عايزه تاخدى دوا او تزودى الجرعه لو بتاخدى وانتى حتلاقى نفسك كويسه وانا حدورلك على الاكل اللى بيزود الحرق فى الجسم واقولك

ازيك يا سيفو انا جبتلك الاكل اللى بيعمل على حرق الدهون علشان يساعد معاكى شويه.
لحم بتلو-صدور فراخ-تونه-ديك رومى-بيض-سمك موسى
لبن خالى الدسم-جبن خالى الدسم-جبن قريش-زبادى منزوع الدسم
خيار-خس-فول-بروكلى-كرنب-باميه-بقدونس-جزر-بطاطس
تفاح-موز-كانتلوب-جريب فروت-برتقال-كمثرى
رز بنى-شعير
زيت زيتون-زيت سمسم-زبده

صباح الخير يا سيفو عامله ايه النهارده يا جميل واخبار سوفه ايه
اخبارك ايه النهارده بقيتى كويسه وعامله ايه فى الرجيم

صباح الفل يا سمسم انا كلة تمام وسيفو بيقولك سلمى على عروستة انتى اخبارك اية يا جميل واخبار نور اية
انا الحمد للة ماشية كويس فى الرجيم بتاع هند بس وقفت السكر الدايت لانى قريت عنة بلاوى وباخد سكر عادى بقسم معلقة السكر على اليوم كلة لانى مقدرش استغنى عن الشاى
ودلوقتى حبدأ الفطار : جبنة قريش وتوست بنى
ربنا معانا بوسيلى نور

نور باعتالك السلام مع بوسه كبيره
قريتى الاكل اللى بيحرق الدهون؟

وصلتنى البوسة العسل ووصلتنى الاكل اللى بيحرق الدهون ميرسى يا قمر ربنا يبارك لك

انتى فيييين يا اااااااا هند من امبارح عاملة اية فى الرجيم بتاعك

هههههههههههههههههههههههههه
يا هند يا ريت تسمعينا وتردىىىىىىىىىىىىىىىىىىىى

صباح الخير يابنات انتو فين لسة كسلانين انتى فين ياهند ادتينا الرجيم وهربتى ههههههههههه
سمسم : اخبارك اية ونور عاملة اية بوسيهالى بوسة كبيرةةةة يارب تكونو بخير صحيح يا سمسم مقولتليش انتى عندك ولاد غير نور ولا اية
انا امبارح عكيت الدنيا بعد الغدا اكلت بلح بس بصراحة شكلو كان مغرى ومتعشتش قعدت اشرب فمية قلت يمكن تزحلقة هههه وانهاردة ان شاء اللة مش ناوية اعكها تانى ربنا يسترانا حتغدى سمك وسلطة ولفطار كوب لبن عايزة اعوض امبارح

صباح النور يا سيفو انا صاحيه من بدرى واللهى وفاتحه النت بس نور مش مخليانى اعمل حاجه
انا عندى نوربس وكفايه عليا لحد كده الحمدلله بس ربنا يخليهالى ويحفظها من كل شر قبلها حملت 3 مرات وسقطت
ضحكتينى وانتى بتزحلقى البلح بالميه هههههههههههههه انا كمان بحبه اوى البلح ده بتاع مصر الاسود الجميل ده والاحمر كمان المستوى شويه ده يودى فى داهيه هههههههههه بس انا مش لاقياه هنا خالص وانا كمان بسافر فى الشتا مش بلاقيه وانتى مسافره امتى وساكنه فين فى مصر
على فكره انا ماشيه على نظام ال3 ساعات مرتاحه اوى وعلى طول حاسه بطنى خفيفه ومرتاحه وباكل خفيف خالص وباعده عن الحلويات بس مش عامله رجيم معين