الأفطار ثابت طيلة الأسبوع: شاي أو قهوة بدون سكر أو ان رغبت كأسان من الماء

يومي السبت والأحد
الغذاء: قطعة لحمة بقري "ستيك" مشوية ومعاها الكثير من السلطة "الخس" وطماطم وخيار وجزر بدون زيت ولكن القليل من الملح والليمون.
العشاء صحن سلطة فقط

يومي الأثنين والثلاثاء
الغذاء: بيضتان مسلوقتان وصحن سلطة
العشاء سلطة فقط

يومي الأربعاء والخميس
الغذاء: خيارتان وعلبة صغيرة "حوالي 125 غرام" من الزبادي الخالي الدسم
العشاء خيارتان فقط

يوم الجمعة
الغذاء: تفاحة
العشاء: تفاحة

ملاحظة: لا يمكن الأكل بين الوجبات ابداً ... وان شعرتي بدوخة بسيطة وهو شعور طبيعي لنقص السكر في هذا الرجيم فيمكني اخذ ملعقة شاي صغيرة من العسل
لا يمكنك الأستمرار في هذا الرجيم بعد أنتهاء الأسبوع الأول ولكن يجب أن ترتاحي لمدة يومين ومن بعد تبدأين من جديد..
لأي استفسار سأكون على استعداد تام

أنا ماجربته
ولا أنصحك تجربيه
انسيه

اختي شنكافة بنت بلادي بغيت نساعدك ولاكن مجربتوش اطلاقا واسفة والله اختي غنقترح عليك واحد الاقتراح شوفي الى عجبك انا مجودة الى بغيتي نديرو التحدي غير انا وياك علاش لا نبداو برجيم التمر والحليب خالي الدسم هدا من الرجيمات لي مزيانين ومكيكلفوش بزاف الى بغيتي انا موجودة و رجيم التمر كيجيب نتائج زوينة مع الرياضة و انا كننتضر الاجابة ديالك الى كانت نعم انا رهن الاشارة ونحط الرجيم وبعض النصائح لي تعبت حتى جمعتها باش يكون رحيم ناجح مزيان انا عليا نبداه من غدا ولاكن الامتحانات تابعاني ولهدا ان شاء الله غنبدى بيه يوم الجمعة .....المهم جاوبيني لحقاش باين بغيتي ديري رجيم وانا قترحت عليك هدا وان شاء الله مايكون غير الخير وانا جد جد جد متحمسة والله بالتوفيق اختي

بجد هو مش صحي

اقتراح زوين هدا الى كان هاد الرجيم صحي وزوين علاش لا انا من صغري وانا فالرجيمات كنت درت بزاف ديال الرجيمات اللي قاسيين و درت شي مورا شي و دابا داتي وو جهي مبقاتش فيه النضارة و جهي ولا بحال الشارفة و تحت عيني تنفخ دبا مزال بغية نقص لمشكل ديالي كنبغي نقص بسرعة انا فنتظار الرجيم ونساينك حتى لنهار الجمعة انا السبت عاد نسالي الامتحان انا منين كانت عندي عماين ما دقت الحليب مكنبغيهش ولكن الى كان هد الرجيم مزيان نكلفو هنا كنساينك ازين

وااااااااااو متصوريش بشحال فرحانة والله العضيم الرجيم زوين بزاف انا سمعت لردود ديال لبنات وكانت اجابية في احد المنتديات كاين لي كتنقص عليه حوالي 4 كيلو في الاسبوع وكاينة لي 5 كيلو طبعا مع رياضة المشي ساعة كل يوم وبالنسبة للرجيم هو عبارة على 21 تمرة موزعة على الوجبات يعني غاتجي 7 تمرات في الفطور و7تمرات في الغداء و 7تمرات في العشاء مع كل وجبة كاس حليب خالي الدسم واسم الحليب لي غنتبعو ان شاء الله سميتو حليب لينيا هو خالي الدسم والكل ديالو كولو احمر وهاد الرجيم ناجح بزاف والله المهم انا طولت ازين طبعا فاش يقرب الموعد ديالنا انا غنكتب النصائح لي غنتبعوها باش ينجح الرجيم وعندي ارشادات شنو يمكن لينا نديرو حتى من بعد مان وصلو للوزن المطلوب باش نحافضو على الوزن ديالنا شوفي ا حبيبة انا موجودة رهن الاشارة ودبا كنعتقد تفقنا ....انا دبا غنكتب الوزن ديالي والطول ....الوزن 63 ولاكن المشكل هو انه عندي كرش لهلا يوريك اشمن كرش والارداف كبارين وشكل الجسم ديالي ممتناصقش والطول 165 والوزن المطلوب 53 دابا الحبيبة التحدي بيني وبينك وخاص ارادة وعزيمة باش نحققو هادشي لي بغينا اوكي انا كانساينك تكتبي الطول الوزن ودابا احنا صحابات ياكي

انا الوزن ديالي 70 بغيت نوصل ل 60 خاصني 10كيلو و 4كيلو فالاسبوع قليلة خاصني نعودو و نعودو

هو مسموح بيه لمدة 6 اسابيع وبالنسبة الى جاتك قليلة انا مكنعتقدش كاين شي رجيم لي كينقص اكتر من 4 كيلو اولا 5 كيلو هادي معمرها تكون لحقاش هادشي خاصو الصبر *الصبر المهم انا قلت ليك ومعلوم خاصك تعاودي وتعاودي لحقاش انتي بغيتي بسرعة فائقة تخصري 10 كيلو وهدا مستحيل انا دابا وزني 63 وباغا نوصل ل53 يعني خاصني نطيح 10 كيلو وان شاء الله مع رجيم التمر والحليب غنحقق الهدف ديال 53 وانا كنضن الى تبعتو مزيان لمدة 2 اسابيع نطيح 10 كيلو علاش لا غنصبر وصافي دابا بغيت منك الرد واش مستعدة او لا

اختي شنكافة جاوبيني بليززز

شنكافة بلييييييييييييييييييييييييزززز