مرحباااااااااا ...........كيفكم يا حلوين ؟


أنا اليوم رحت للدكتوره والحمدلله ما خاصمتني بس لأني أعترفت

وقلتلها إنه مامشيت كويس وكمان النظام كان مره منخفض السعرات الحراريه

وتعبت عشان كانت عليه الدوره وسا محتني وقالتلي ليش ما قلتي إنك ما تقدري

على المنخفض السعرات قلتلها خايفه قالت خايفه من إيه قلتلها خايفه منك تخاصميني

بعدين سكتت شويه ورحمتني وأعطتني برنامج فله مره مره حلو وفيه كل الأكل التمام

راح أمشي عليه أسبوعين وأرجعلها مع المشي ساعه كمان لا تنسوا المهم نسيت أقولكم

إنه مع الخربطه الشويه إلي سويتها نزلت كيلو ونصف الحمد لله وعقبال الباقي .

بس هذي هيه سيرتي مع الدكتوره .............إيش رأيكم يا بنات ؟؟؟؟؟


أما بالنسبه لكي يا ملوكه .........أبغ أوصيكي على الموضوع هذا حقي لأني

لازم أنتبهلوا زي ما قالت أختنا الراجيه الله يوفقها لازم ننتبه فأنا بكره إن شاالله

أبغ أسافر أسبوع أتمشى وأرجع الخميس وإلا الجمعه وما عندي كمبيوتر أقدر أدخل

عليه من هناك أبغاكي إنتي وحبيبتي كوتو تتناوبوا على موضوعي وتنتبهوا للبنات إللي

فيه وتشجعوهم وكل البنات (حبيباتي )أبغاهم ينتبهوا معاكم للموضوع ويتحمسوا ..........

الله يخليكم ويستر عليكم .....


بنات وصوني وأنا مسافره بالله عليكم كل وحده تنصحني وتوصيني !!!!!!!!


طبعا دحين بحط لكم الرجيم الجديدوأنصحكم تمشو عليه لأنه بينزل

في الأسبوعين 3-4كيلو إذا واضبتي عليه تمام التمام مع المشي ساعه وأكثر

وشرب الشاي الأخضر واليانسون واكليل الجبل والميراميه والبابونج وأي عشبه تنحف


تحياتي الحاره لكل الأخوات المشاركات معي ................محبتكم :ورد مديني

السلام عليكم
انا بديت معكم من يوم الاحد مشيت 20دقيقة وامس الاثنين مشيت 10 دقائق كبداية كويس
وزني96
وطولي164
ونظامي التخفيف

برنامج غذائي
اليوم الأول :
الفطور: قطعة جبن قريش في حجم الإصبعين+حبة طماطم مقطعه قطع صغيره+نصف ملعقه صغيره زيت زيتون +ربع رغيف نخاله أو شريحة توست بر +حبة فاكهه (تفاح-أو كمثرى أو برتقال أوجريب فروت أو5-6حبات فراوله أو ربع خربز (شمام )أو3 شرايح حبحب في حجم راحة اليد .
وجبه خفيفه : كوب حليب أو لبن زبادي خالي الدسم .
الغداء : نصف كوب خضار مشكل مطهي مع صلصة الطماطم أو قطع من الطماطم ومضاف اليها البهارات والتوابل المفضله + ربع دجاجه مشويه +كوب سلطه خضراء مكونه من (خضروات ورقيه مثل الــ خس والجرجير والبقدونس والكرفس والكزبره الخضراء والكرنب الأحمر والأبيض وأوراق الفجل وأوراق النعناع )يضاف لها ملعقة صغيره زيت زيتونوليمون وملح +ربع رغيف نخاله .
وجبه خفيفه : حبة فاكهه .
العشاء : (كوب سلاطه زبادي خالي الدسم مضاف اليها حبة خيار مقطعه +ملعقه صغيره نعناع مفروم طازج+ملعقه صغيره ثوم) + ربع رغيف نخاله أو شريحة توست أو حبة شابوره بر + حبة
فاكهه .
اليوم التاني :
الفطور: 2 ملعقه أكل لبنه قليلة الدسم + ربع رغيف نخاله +حبة فلفل رومي أخضر + حبة فاكهه (برتقاله أو قريب فروت )
وجبه خفيفه: كوب حليب خالي الدسم أو كوب لبن خالي الدسم .
الغداء : 2 قطعه فيليه سمك مطهي في الفرن مع حبة جزر + حبة طماطم + حبة فلفل رومي ومتبل بالكمون والكزبرة والثوم وعصير ليمون +ملعقه صغيره زيت زيتون) + 3 ملاعق أكل رز أبيض مسلوق أو ربع رغيف نخاله + نصف كوب سلطة الخضروات الورقيه (إللي في أول يوم) +كوب مياه صحيه .
وجبه خفيفه : حبة فاكهه أو ربع حبة خربز (شمام).
العشاء : 3ملاعق أكل فول مدمس + ملعقه صغيره زيت زيتون +ملعقه صغيره بقدونس أو كزبرة خضراء+ملعقه صغيره ثوم مطحون +عصير ليمونه +نصف ملعقه صغيره كمون ) +ثمن تميزه بدون الحافه أو ربع رغيف حب صغير + حبة فاكهه .
اليوم الثالث :
الفطور: كوب حليب أو لبن خالي الدسم + حبة شابوره صوابع بالسمسم وحبة البركه واليانسون (تباع في المخابز ) + حبة فاكهه (تفاحه أو كمثرى ) .
وجبه خفيفه : شريحة توست بر مع شريحة جبن قليلة الدسم + خياره .
الغداء : كوب شربة خضارمكونه من عيدان الكرفس بأوراقها وأوراق الكرنب بدون إضافة ملح + ربع دجاجه مسلوقه أو مشويه + نصف كوب سلطه زبادي بالخيار والثوم والبقدونس + كوب مياه .
وجبه خفيفه : حبة فاكهه .
العشاء :2 حبة بياض البيض مسلوقه (بدون الصفار) +ربع رغيف نخاله +نصف كوب سلطه +كوب حليب خالي الدسم .
اليوم الرابع :
الفطور: قطعة شريك بالسمسم في حجم راحة اليد + كوب زبادي خالي الدسم +خياره +حبة فاكهه .
وجبه خفيفه : شاي بالحليب مع2-3حبات بسكويت شاي.
الغداء : 2 قطعة فيليه سمك مشوي أو مطهي في الفرن مع حبة بطاطس +حبة جزر + حبة بصل +عصير ليمونه +ملعقه صغيره ثوم مطحون + ملعقه صغيره كمون مع كزبره بدون إضافة ملح) +كوب سلطه تبوله مضاف اليها ملغقة صغيره زيت زيتون +كوب عصير ليمون محلى بسكر الذره .
وجبه خفيفه : حبة فاكهه .
العشاء : قطعة جبن أبيض قليل الدسم أو جبن قريش في حجم الإصبعين +حلقات من الفلفل الأخضر والطماطم والخيار +ربع رغيف نخاله + شريحة حبحب أو ربع حبة خربز .
اليوم الخامس :
الفطور : نصف كوب كورن فليكس + كوب حليب خالي الدسم +5 حبات فراوله أو كرز أو 3 حبات تمر أو رطب .
وجبه خفيفه : حبة شابوره بر مع كوب حليب بالشاي .
الغداء : كوب شوربه لسان العصفور مع صدر دجاجه مسلوقه مع الشوربه + نصف كوب مكرونه اسباكتي مطهيه بصلصة الطماطم +كوب سلطه فتوش مضاف اليها ملعقة صغيره زيت زيتون .
وجبه خفيفه : حبة فاكهه مع مشروب الميراميه أو اليانسون .
العشاء : شريحة خبز بر + شريحة جبن أصفر قليل الدسامه +حبة خيار +كوب زبادي خالي الدسم مع ملعقه صغيره عسل .
اليوم السادس :
الفطور: 2 ملعقه أكل لبنه قليلة الدسم +2 حبة شابوره بر اصباع +كوب عصير فاكهه .
وجبه خفيفه : كوب لبن خالي الدسم مع 2-3 حبات تمر.
الغداء : كوب ملوخيه مع قطع صغيرة لحمه بدون دهن + ربع رغيف حب + نصف كوب سلطه خضراء + كوب مياه صحيه .
وجبه خفيفه : حبة فاكهه مع كوب حليب بالشاي .
العشاء : علبة صغيرة تونه بدون زيت +ربع رغيف حب +نصف كوب سلطه خضراء + كوب عصير فاكهه طبيعي .
اليوم السابع :
الفطور : 2 حبة بياض البيض مسلوقه + حبة فلفل أخضر حلقات +شريحة توست بر +حبة فاكهه .
وجبه خفيفه : كوب زبادي خالي الدسم + ملعقه صغيره عسل .
الغداء : نصف (فول مدمس )+ملعقه صغيره زيت زيتون +عصير ليمونه +ملعقه صغيره ثوم +ملعقه صغيره كزبره أو بقدونس مطحون .
أو عدس أصفر بالخضار.
+ربع رغيف حب + نصف كوب سلطه خضراء +كوب عصير فاكهه.
وجبه خفيفه : 3 حبات تمر + كوب لبن خالي الدسم .
العشاء : 2 ملعقه أكل لبنه أو جبنه قليلة الدسم +حبة خيار + حبة طماطم +ربع رغيف حب +حبة فاكهه .

ملاحضه هاااااامه جدا جدا :
الكوب = كوب البلاستيك حق الحرم
الفواكهه الممنوعه : التين ، الموز ، المانجو ، العنب .
لازم الإنضباط على الوجبات جميعا علما أن حذف إحداها يؤدي إلى
عدم إنقاص الوزن .

تحياتي الحاااااااااااااااره
ورد مديني أي استفسار أنا تحت أمركم .

كتبت بواسطة روينة

السلام عليكم
انا بديت معكم من يوم الاحد مشيت 20دقيقة وامس الاثنين مشيت 10 دقائق كبداية كويس
وزني96
وطولي164
ونظامي التخفيف

يا أهلا وسهلا بروينه .......فينك وحشتينا

والله ياروينه أنصحك تتبعي نظام غذائي زي هذا إللي كتبته وتمشي ساعه
حتى لو في البيت وراح تشوفي الخفه والرشاقه بعد كم أسبوع تقريبا ....

المهم كيف حال بنتك إن شاالله كويسه ...طمنيني عنها .....


وبعدين أقولك فينا شي مشترك أنا وإنتي وهوا




إنه طولي 164وطولك كمان

بس أنا كان وزني أكثر منك بكثير
ونزلته مع هذي الدكتوره حتى وصل إلى يومك هذا 76كيلو


ترى دكتورتي ممتازه وأنا أروح عندها كل أسبوعين أدفع مية ريال عشان آخد نظام جديد بس

وتقدري تنسخي النظام وتمشي عليه ................


بنات كيف حالكم ؟
المتفائله ................كوتو ............ايمان بنق .....سما الشارقه ..........منوره .........وكل البنات الحلوات .........


تعالوا ودعوني بسافر أسبوع وأرجعلكم إن شاالله ...........

تحياتي : ورد مديني .

مراحب أختي ورد
وملاك وكل البنات في هالصفحة الحلوة
ماشاء الله برنامجكم صحي جدا ( ريجيم سعرات ) مدروس بعناية
الله يوفقكم استمروا عليه حتى توصلوا لوزنكم المثالي
أنا ماشية على شبه هالنظام ( نظام الراجية )
وتروحي وترجعي بالسلامة حبيبتي ورد ولا تخافي الموضوع في أيدي أمينة
مادام وصيتي ملاك وكوتو ولا يهمك شي
بسسسسسسسسسسسسسسس انتبهي لنفسك في الاجازة
اوعي ترجعيلنا وزنك زااااااااايد ( بزعل منك )

الســـــــــــــــلام عــــــــــــليكم ورحــــــــــمة الله

والله اني داخله ومن قلبي اسلم عــــــــــليكم

واقووووول مبروووك عليكم اجتماعنا من جديد والله يوفقك ورد الي جمعتنا قولوووو آآآمين

ورد عيوني تبين مني فزعه انظف معك والا ارتب معك والا اسوي شي علشان منزلنا الجديد

والا خلاص خلصتوا ونفضتوا غبار الصفحه الجديده

يالله معليه اسوي لكم القهوه والحلى حلى آآآه الله يذكره بالخير هههههههههه

حبيباتي ياحلوووووووات انا جيتكم و بعيد وبقول من جديد الهمه والنشاط ونسيان الاكتئأب والكسل والانكسار عند الاكل

يالله ياحلووووات وشهو الاكل والكعك والحلى والشبس والمكسرات والمعجنات والله ماهي الا مجرد غذاء ياربي لك الحمد نعمه لاتعني في حياتنا اي اساس مثل اساس القوه الايمانيه والتعبد الى الله والصلاه والصوم

ليش نكون ضعيفات امام هالامور الدنيويه


نصيحه واعتبروها دقـــــــــه (اي تنبيه)

هل اذا اكلتي واكلتي واكلتي صرتي شخصيه قويه ولك مكانه ؟ <<<< فــكري

والا اذا تصفحتي وقراءتي ولا اهتميتي ورجعتي ونمتي بتصير لك همه وتكانه اي ثقه <<<< فــكري

ليش نجبرن انفسنا ان نهينها امام الاكل .

ليش كل وحده تقول انا مقادر وتخادع نفسها وهي تمد يدها للصحن وتزيد بالاكل .

ليش ما تناظر فيه وتقول وشهو ذا الانكسار عندي مهي تقعد تناظر لدرجة انها تبكي مهي قادره على ان تكون قويه ؟؟!!

متى تقول كل وحده لنفسها اكلت الي يسد ضعف نفسي وتذوقته وكفايه ...

ليه ماتفكر قبل الاكل فقط لثانيه قبل تمد يدها هل هي صعبه ثانيه .

والله احبكم في الله

وما يشجعني غير لما اشوف ضعفكم وافكر في نفسي واعتبر .

فا بالله مهو من حقي ان اصارحكم كي تستفيدوا مثلي

حبيباتي الي سبق وكانوا معي ابشركم وبالله اذكروا الله والله اني دائماً ما افلح بشي الا ويخرب

انا اللحين وزني 89.6 يعني 89 ونصف تقريباً

وبذكركم بشريط وزني من كنت 99

100
99
98
97
96
95
94<<<<<<<<<<<<<<<<<<كانت هذي الفتره عقده بالنسبه لي وعدت من غير ما اشعر بها الحمد لله
93<<<
92<<<<<<<
91<<<<<<<
90<<
89
88
87
86
85>>>هنا طموحي الجديد

وانا ان شاء الله على نفس نظام التوحد

محبتكم

كوتوووووو

ورد عيوني توني اقراء رسالتك انك مسافره ياااارب درب السلامه

ومن غير ماتوصين ان شاء الله في الحفظ والصون بس الخميس والجمعه هذي انا بكون في مكه وراجعه ان شاء الله يوم السبت

ولا اوصيك تنتبهين على نفسك وتحصنين كل ليله وبالسلامه ياااارب

السلام عليكم
رجعت وكلي حماس
تروحي وترجعي بالسلامه ياورودتنا

أهنئ جميع البنات على القوة والحماس
كوتو عزيزتي كلامك وااااايد جميل وشجعني زيادة
وبالنسبة لي لين الحين متبعة نظام التخفيف
رحت لأخصائية تغذية من فترة تقريبا من شهرين عشان تعطيني نظام غذائي لأني مصابة بالسكري بس للاسف ما استمريت على النظام لأني كنت أضعف جدام الاكل بسرعة ومرات أقاوم ويصيني احساس غريب وما اشتهي الاكل واصبر نفسي
والحين أنا رجعت على نظامها ولو كنت باديه بالنظام من شهرين لكنت نازله 8 كيلو بس ان شاء الله راح أبدأ من أول ويديد

يا بنات أحس ان نظامي فيه أكل اكثر منكم يمكن عشان جرعة الانسولين
بقولكم عن نظامي ( عندي كتيب من المستشفى فيه كل البدائل الغذائية إونسبة الكربوهيدرات والسعرات لكل الاطعمة والاكلات الخليجية والحلويات <<<< ياسلام >>>>
وحددتلي 180 غ كربوهيدرات في اليوم طبعا الكربوهيدرات موجودة في جميع المجموعات الغذائية ما عدا البروتينات الحيوانية والأجبان .
نظامي هو
6 حصص نشويات (خبز) الحصة= 1 سليس أو 1/2 صمون .....غلخ إذا تحبون بكتبلكم البدائل
5 فواكة
1 كوب حليب 240 مل
السلطة = الكمية مفتوحة
الزيوت = قليل جدا
طبعا ممكن آكل وجبات سريعة (وراح تشرحلي بعدين متى أتناولها وبأي كمية )
المشروبات الغازية = ممكن اشرب العادي وليس الدايت لكن أحسب الكربوهيدرات الموجودة وأطرحها من الــ 180 غ اللي حدده

وإن شاء الله راح أسألها اذا ممكن تخفضلي الأكل أو اذا ممكن أتناول 1000 سعرة حرارية تقريبا نفس نظام الدكتورة هيا
بانتظاركن

السلام عليكم
انشاء الله تروحى وترجعى بالسلامة يا ورود وانتبهى على نفسك وعلى الرجيم .
مرحبا كوتو اهلا فيك وانت اعز انسانة لدى وكلامك يعطينى بالتفائل دائما وادعيلى وانت فى مكة .
الى اللقاء

منار العسل شو أخبار الحمية معاك