السلام عليكم ورحمة الله وبركاته

اترددت كتير جدا قبل مااطلب منكم الطلب ده بس انا بحبكم اوى ولانى حاسه انى قريبه منكم مكنتش هطلب طلبى ده وبجد لولا كمان انى محتاجه ليه فعلا مكنتش بردو هطلبه ومع ان حيائى دايما بيمنعنى انى اطلبه من حد لكن بجد انا نفسى حد يدعيلى بيه وهو انى اتخطب لانسان يكونلى زوج صالح بجد انا جربت كل حاجه ممكن تساعدنى انى اخرج من موود الاكتئاب اللى عايشاه بس مفيش شىء نجح معايا وكتير قالولى انتى محتاجه حد يهتم بيكى اوى ويحبك اوى وانا مش هنكر احتياجى ده واللى زاد حاليا جدا بعد مالقيت كل اللى حواليا ليهم اللى بيهتموا بيهم وانا زى مانا عايشه فى وحده ومحدش مفكر فيا وبقيت حاسه انى مش عايزه اعيش ماهو مفيش شىء يخلينى اعيش عشانه كل شىء ممل وبوحده قاتله وبجد انا بقيت متاثره جدا بوفاة بابا وماما حاليا اكتر بكتير اوى من الاول يمكن لانى كنت دايما ارمى نفسى فى اى حاجه مذاكره او دموع لكن حاليا مبقاش معايا غير الدموع والضيق والاكتئاب حتى الحياه نفسها بقيت حاسه انى مش قادره اعيشها وكان نفسى الاقى حضن اترمى فيه لكن الحمدلله على كل حال
بجد انا الفتره دى اصبحت مدمره بجد خاصة بعد وفاة خالى الله يرحمه لان طوال سنين وفاة بابا وماما الله يرحمهم كنت بروح عند خالى الله يرحمه اغير جو لكن حاليا مبقاش فى بيت خالى فكل ماافتكر انى هفضل عايشه كده وكل اللى حواليا اما متجوزين او خاطبين وكل واحد وواحده لاقيين اللى يهتموا بيهم وانا محدش مهتم بيا وكل اللى عليا انى اعمل شغل البيت واطبخ وخلاص بحس انى بموت اكتر انا عارفه ان النت مسلينى بس بجد زهقت وتعبت النت مجرد هروب من الحياه لكن انا فين فى حياتى.. للاسف مفيش .. مجرد بقايا انسان بيحاول انه يفضل صامد بس بجد تعبت ومبقيتش قادره صمدت سنين طويله حاليا مش قادره بجد ..
انا معرفش كتبتلكم كل ده ليه بس لقيت دموعى نازله وايديا بتكتب وحسيت انى بجد محتاجه حد يدعيلى ومحتاجه اتكلم الكلام اللى مش قادره اقوله لحد ومحدش حاسس بالتعب اللى جوايا ولاشايف دموعى اللى ماليه عينيه ودايما بهرب باابتسامه عشان مااتسالش مالك عشان عارفه انى مش هقدر اقول مالى

على فكره انا كتبت فى الساحه دى عشان مفيش غيرها هيا اللى متعوده عليها فى المنتدى وعشان بحبكم كلكم فى الله وبحسكم انكم ممكن تساعدونى بجد

وكمان عشان اقولكم انى فعلا عمرى ماهقدر اعمل ريجيم طول ماانا بحالتى دى اللى الله اعلم هتتغير للافضل امتى

ياريت بجد تدعولى.. قال رسول الله صلى الله عليه وسلم.. دعوة المسلم لاخيه بظهر الغيب مستجابه وله ملك موكل به كلما دعا قال امين ولك بمثله.. صدق رسول الله صلى الله عليه وسلم..جزاكم الله خيرا

حبيبة قلبي ارجوكى ان تجففى دموعك
وارفعى شعار لا دموع بعد اليوم
احنا كلنل هنا اخواتك وتحت امرك في اي وقت
انا حاسة بيكى جدا الوحدة دة شعور فظيع ربنا يعينك
بس انصحك بكثرة الدعاء والتقرب من الله
وان شاء الله يفك كربتك
لو عاوزةاي حاجة لو انتى من مصر انا تحت امرك انا من المنصورة
وربنا يوفقك ان شاء الله

حبيبتى ده احساس طبيعى بعد فقد عزيز لدينا بس انتى بالراحه كده فكرى لو ان ماما وبابا وخالك الله يرحمهم كلهم عايشين كان ح يعجبهم حالك مش ممكن
اقولك الحزن زى ما بيقولوا الشىء الوحيد اللى بيتولد كبير و ويصغر لينتهى مع الايام
دلوقتى كل اللى تقدرى تعمليه انك تدعى لهم بالرحمه والمغفره
وبعدين تعالى هنا انتى ازاى ليس لكى دور فكرتى تتطوعى فى اى عمل خيرى الجوامع فيها كتير ممكن تعمليه عندك دور الايتام عندك مراكز المكفوفين المهم لا تتركى نفسك للفراغ لان الفراغ قاتل
سجلى دراسات عليا
اشتغلى اى شغله ممكن تكون اعمال يدويه عندك ركن الاشغال فيه حاجات روعه
سجلى فى معهد الدعاه ما شاء الله بنت خالتى مسجله فيه حاجه ايه روعه
اشتركى فى حلقه تحفيظ قران
اعملى اى حاجه تريحك المهم ما تكونش فيها غير ساعه او اتنين فراغ تطمنينا عليكى عبر النيت وتخرجى
والافضل تعملى جدول للاعمال اللى ممكن تعمليها وابحثى عنها واحد واحد

ومن جهه اننا ندعى لكى ندعى احلى دعوه وان شاء الله تلاقى ساعه اجابه
يارب يا حى ياقيوم ارزق اختنا - - - المعروفه بهدفى الفردوس بالزوج الصالح الذى يخاف الله وارزقها بالذريه الصالحه التى تقر بها عينها اللهم امين انتى واختى وكل بنات المسلمين

اختي هدفي الفردوس0000

الله يسعدك دنيا واخرة واعرفي بأن الله يريد بالانسان خيراً في كل الاحوال وبقائك بدون زواج فيه

خير كثير الى ان تتزوجي وانتي حالك احسن من حال كثير غيرك انتي بصحه وعافيه وبكامل حواسك

وتامة العقل والمنطق وتخيلي انك متزوجة الان وزوجك انسان سئ لاي سبب كان (مش تشاؤم) اكيد

راح تتمني انك ماتزوجتي ففي كل الاحوال الله يريد بالانسان خير واعرف وحدة كانت تبغى تتزوج لنفس

ظروفك ولاستعجالها لم تحسن الاختيار وتزوجت وتطلقت 3 مرات وهي الى الان ماكملت 28 سنه

وجميلة وما ينقصها شئ وخلي دعائك دائما(اللهم ارزقني الزوج الصالح واغنني بحلالك عن حرامك)

وتكون نيتك بالدعاء العفة وتيقني ان الله بيستجيب لك ولا تششككي بعدم الاستجابة لان الله عند حسن

ظن عبده به00000000


ياسامع كل صوت وبارئ النفوس بعد الموت يامن لاتخشاه الظلمات ولا يشغله شئ عن شئ اللهم ارزق هدفي الفردوس زوجا صالحا مباركا وارزقها الذرية الصالحه اللهم امين يا رب العالميـــــــن

اختى وحبيبتى

احيانا تفكرى ان مثلا الزواج هو الحل اللى هيسبب لك السعاده مثلا او هيغير حياتك

احيانا بيكون العكس وتتمنى تعيشى لوحدك احسن

واحيانا تعيشى مع الناس وناس كتير بس تكونى وحيده وتحسى انك بطولك فى الدنيا

يا حبيبتى مفيش حد عارف الخير فين

وعموما بالله عليكى ما تبكى ولا تزعلى نفسك احنا اهلك وحواليكى وتحت امرك وهندعى لك

وعموما انا كمان من المنصوره ولو تحبى نتعرف اكتر انا اتشرف بيكى يا قمر

يارب ارزقها زوج صالح وذريه طيبه مباركه
امين يارب

يا حي يا قيوم اللهم ارزق هدفي الفردوس الزوج الصالح الذي يتقي الله فيها و يرزقها الذريه الصالحه التي تقر بها عينها هي و اختي و كل مسلمه يارب تقبل امييييييييييييين

قال تعالى : ( وعسى أن تكرهوا شيئا وهو خير لكم , وعسى أن تحبوا شيئا وهو شر لكم )
بعد كلام ربنا مافي كلام ياهدفي والله سبحانه وتعالى أحن علينا من نفسنا والله يحب المؤمن القوي
كوني قوية واعلمي أن الحياة أعطتك كما أخذت منك وأخذت من أناس تعتقدين أنهم أحسن منك حالا ما أعطتك , لا تتركي نفسك للفراغ فهو قاتل والرسول صلى الله عليه وسلم كان يستعيذ من الفراغ , تستطيعين أن تبحثي على عمل يغير لك حياتك ولا تستطيعي أن تبحثي على زوج يحبك لذلك غيري في حياتك حتى يظهر الزوج الصالح الذي يستحقك ويعوضك محبة وحنان والله وحده أعلم متى سيأتي !!!
وآسفة لاقتباس الأدعية من الراجية وأم فلوة لأنها ماشاء الله أدعية شاملة

يارب يا حى ياقيوم ارزق اختنا - - - المعروفه بهدفى الفردوس بالزوج الصالح الذى يخاف الله وارزقها بالذريه الصالحه التى تقر بها عينها اللهم امين انتى واختى وكل بنات المسلمين

ياسامع كل صوت وبارئ النفوس بعد الموت يامن لاتخشاه الظلمات ولا يشغله شئ عن شئ اللهم ارزق هدفي الفردوس زوجا صالحا مباركا وارزقها الذرية الصالحه اللهم امين يا رب العالميـــــــن

ربي يوفقك ويفرج همك غاليتي
ومن قلبي ادعي لك ربي يرزقك الزوج الصالح وجمعنا الله واياك بالفردووس الاعلى..


غاليتي لاتيأسي فلاحياة مع اليأس فكافحي من اجل الحياه
واعلمي انك مادمتي بصحه وعافيه فاانت بااحسن حال وانظري دائما" الى من فقد شي
ومازال لديك والحمد لله على كل حال..


رحم الله منم فقدتي وجمعك معهم في جنات النعيم..


اختك/اطياف عمري

اختى العزيزة هدفى الفردوس بجد انتى بنوتة رقيقة اوى وحساسة وانا مقدرة موقفك ده جدا خاصة لان انا كمان خالى اتوفى قريب وهو كان قريب منى جدا جدا لكن متسيبيش نفسك للحزن ومتستسلميش ليه
اكيد كل بنت نفسها فى الشخص اليهتم بيها ويقدرها بس محدش عارف امتى ده هيحصل
لازم تبصى للمستقبل بنظرة تفاؤل وتكونى واثقة ان ربنا مرتبلك الخير ان شاء اللة
وحاولى تشغلى نفسك باى حاجة انافهمت من كلامك انك خلصتى دراسة ليه متدوريش على شغل؟
وتكون فرصة انك تخرجى وتغيرى جو وتحسى انك بتعملى حاجة مفيدة وفى نفس الوقت علاقاتك الاجتماعية تزيد وتقابلى ناس اكتر ممكن تلاقى وسطهم الشخص البتحلمى بيه
لان قعدة البيت مملة جدا وهى البتجيب اكتئاب
اما موضوع انك متقدريش تعملى ريجيم لا طبعا عيشى حياتك الطبيعية وتفاؤلى بالعكس لما تحطى لنفسك هدف وتلاقى نفسك يوم ورا يوم بتحققيه اكيد ده هيغير من حالتك النفسية
وتاكدى ان مع الوقت كل حاجة هتتغير وانتى انسانة كويسة وربنا ان شاء اللة هيرزقك الزوج الصالح اليستاهلك