السلا عليكم و رحمة الله و بركاته
اولا ازيكوا يا حلوين دي اول مشاركة ليا في القسم دا
اية رأيكوا نبتدي رجيم ايا كان نوعه و نتابع سوا
اللي ماشية على اللبن و التمر اهلا بيها و اللي ماشية على رجيم السعرات اهلا بيها و اللي ماشيه زيي على رجيم 3 ايام زبادي و 3 فاكهة و تلاته بروتين برضه اهلا بيها
عايزين كل واحده تكتب هيه حاسة بايه في رجيمها بيجيب نتيجة ولا لا و لو هندخل مية مرة في اليوم نشجع بعض و نكتب على التطورات
انا عن نفسي دايما باحب انزل بسرعة و بعدين اثبت مش عارفة ليه
كنت 90 كيلو و بعدين عملت رجيم المكسرات لمدة شهر خسيت لحد 75 و بعدين جيه رمضان وقفت رجيم و حاولت اثبت نزلت تاني 5 كيلو بس انا طبعا حركتي كثيرة علشان عندي مقاريض صغيرين و طلباتهم كتيرة ربنا يخليهملي و يطلبوا كمان قولوا امين
عموما انا دلوقتي بدأت زبادي و خياااااااااار لمدة يوم و تاني يوم اناناس و تالت يوم زبادي تاني و الرابع اناناس و الخامس بروتين لحمة او فراخ او غيرها و هكذا
و طبعا مش عايزين ننسا الفيتامينات لازم حباية في اليوم
بقالي يومين دلوقتي
طولي 160
وزني 74
و اليومين اللي فاتوا نزلت 2 كيلو
وزني بقى 72
انهارده زبادي و خيار تاني طبعا مش مبسوطه قوي و عصبية شوية بس هستحمل كلها 8 اياااااااااااام
شاركوني و ساعدوني
نفسي اكون 65 دعواتك و مشاركتكم لياتسعدني

السلام عليكم روني
ان شأء الله ابدأ معاك
اهوه اونسك
لاني بجد متعقده من وزني جدا
طولي 160
وزني73
ومفيش فايده مش عارفه انزل جرام
بس استنيني ادور علي رجيم مفهوش تعب ورجعلك
يا قمر

شهيدة اهلا بيكي معايا
المشكلة يا حبيبتي ان ما في ريجيم مش فيه تعب كله متعب و مقرف هههههههههههه
المهم
ابقى قوليلي هتعملي ايه
انا مش قادرة اقولكم على الهبل الي انا فيه متابعة و بافتح الرجيمات في كل مكان هوس اظاهر
انا شربت كباية نسكافية علشان افوق من غير سكر طعمها اعععععععععععععععععع

روني انا اسمي جنه
اسهل مش كده
بصي انا بحب الاكل والمشكله الاكلات اللي ما شاء الله تزود الوزن
انا هقلل الاكل وعمل رياضه بأذن الله
وشرب شاي اخضر
ونشوف اخر الاسبوع الاخبار ايه
لو منفعش نغير النظام

ممكن سؤال
اش هوا ريجيم المكسرات ياريت تكتبيه
ومشكوره

والله يا حلم انا ما عندي فكره
بس يا ريت لو عرفتي تقوليلي احسن انا مجرمه مكسرات

السلام عليكم و رحمة الله

ازيكم جميعا , دي أول مرة ليا اشرك في اي منتدي بس انا متابعاكم من زمان , و حبيت اشترك معاكم في تحدي الريجيم ده , انا اسمي امنية , كنت قبل جوازي 75 كجم ووصلت بعد الجواز و حدوث اجهاض لي مرة ل 85 كجم , و بدأت امبارح ريجيم 30 كجم في 9 اسابيع ,,, ياؤيت تقبلوني صديقة ليكم و نتابع التحدي مع بعض و دعواتكم

السلام عليكم يا بنات
روني بالله عليكي اكتبي رجيم المكسرات اول مرة اسمع عنه
خسيتي عليه كام كيلو في قد ايه وقت؟
و مشكورة
و ليدي من مصر ايه هو رجيم 30 كيلو في 9 اسابيع لو موجود في المنتدي من فضلك ضعي لنا الرابط
و مشكورين بنات

ممكن تمشى على رجيم الدكتور فاروق شاهين يمكن متخسيش 30 كيلو بس بجد مش حتحسى انك فى رجيم

أنا جبت الريجيم ده من منتدي برضه بس مش فاكره منين بس ممكن اكتبه لك لو عايزاه ... و انا برضه هادور لك علي المنتدي اللي كنت جبته منه