السلام عليكم ارجو ان لا تهملي موضوعي عني كم سؤال لو سمحت1-في احد المواضيع لكي قلت ان حرق الدهون يبدا بعد 10 او 15 دقيقه من التمارين الرياضيه او المشي هل هذا يعني ان هذا الوقت لا نحرق فيه شي لاني انا امشي نصف ساعه فقط في اليوم وبعدذلك على طول العب بعض التمارين اللي علمتينا اياها الخاصه بالارداف تقريبا ربع ساعه والتمدد شو رايك بالنسبه لهذا الشيء هل يكفي هذا 2- كم وزن الاثقال الي مستعمله في التمارين علشان الايدي والصدر ارجو التوضيح بالنسبه لوزن يعني كل يد كم الثقل فيها 3- انا اكل قبل الوجبه بربع ساعه صحن لبن مع ملعقتين نخاله ما هو رايك بالموضوع4- كيف اميز تمارين الشد عن تمارين التقويه للعضلاتاسفه اني طولت عليكي ارجو انك تردي

حبيبتى انا اعرف ان الجسم التقيل

اللى فوق 100 بلاش له الرياضه

صعبه عليه وعلى الفقرات

ان شاءالله اختي قوية الاراده تجي تساعدك

ان شاء الله الأخت قوية تجاوبك على تساؤلاتك

هلا حبيبتي
شوفي مدام ان بتحكي انك بتمشي نصف ساعه وراها ربع ساعه تمارين رياضيه
يعني كله 45 دقيقه طيب حبيبتي كتير حلو هاك
ماهيه الرياضه ساعه مش راح اتاثر ب5 دقائق الي نقصات
وبعدين الجسم بحرق الدهون بعد 20 دقيقه في الجسم بعدين بداء يطلعها بر الجسم عن طريق العرق
وبنسبه لوزن الاثقال 2 - 3 كيلو مش اكتر

وامل ان اكون افدتك

شكرا لكم جميعا على مروركم الكريم و للنصائح كلكم ذوق ما تقصرون

كتبت بواسطة ام هنود الحلو

السلام عليكم
وعليكم السلام ورحمة الله وبركاته

ارجو ان لا تهملي موضوعي

اعذريني ام هنود شفت موضوعك بس كنت كتير مشغولة تركته لافضى واجاوب عليكي
واكيد ما رح اهمله واذا فيني اساعدك رح اساعدك


عني كم سؤال لو سمحت

نبدا بالاجابة

1-في احد المواضيع لكي قلت ان حرق الدهون يبدا بعد 10 او 15 دقيقه من
التمارين الرياضيه او المشي
هل هذا يعني ان هذا الوقت لا نحرق فيه شي
لاني انا امشي نصف ساعه فقط في اليوم
وبعد ذلك على طول العب بعض التمارين اللي علمتينا اياها الخاصه بالارداف تقريبا ربع ساعه والتمدد
شو رايك بالنسبه لهذا الشيء هل يكفي هذا

اول شي انا ما بتذكر انه هيك حكيت باحد المواضيع وممكن اكون حكيت مو متاكدة
بس انا بعرف انه اول 45 دقيقة الجسم بيحرق سكر وبعدها بيبدا يحرق الدهن
ومو معناه اذا لعبتِ اقل من 45 دقيقة انك ما رح تنحفي لا على العكس رح تحرقي السكر ورح جسمك يصير ياخد من المخزون لاجل انه يحرقه ويعطيكي الطاقة اللازمة يوميا
بس كلنا بنعرف انه اذا زادت الرياضة بتحرقي اكتر وبتخسري وزن بوقت اقل
وبالنسبة لنظامك الرياضي بكفي وكتير منيح
بس لاحظي انه انا حكيتلكم قبل التمارين انه اذا بدك تمرني اي عضلة لازم تمرني العضلة الي مقابلها
يعني اذا بدك تمرني البطن لازم تمرني الظهر لاجل تقوي العضلتين وهيك بخف الضغط على العمود الفقري
وبالنسبة للارداف لتحصلي على نتيجة رائعه بينصحوا انك تمرني الارداف مع تمارين خفيفة للافخاذ اذا ما عندك اي سمنة بالافخاذ

2- كم وزن الاثقال الي مستعمله في التمارين علشان الايدي والصدر ارجو التوضيح بالنسبه لوزن يعني كل يد كم الثقل فيها

كمان هادي النقطة انا شرحتها بالشرح المفصل الي نزلته عن آلية عمل حملة وداعا للسمنة واهلا بالصحة
بس رح اعيدلك اياه تكرمي
طبعا وزن الثقل بيختلف من شخص لآخر حسب عدة متغيرات
الافضل انك تروحي على المحل وتجربي الثقل بايديك
لازم تمسكي الثقل وترفعيه وتنزلي ايدك 12 مرة متتالية بسرعة بطيئة نوعا ما
وبعدها ما رح تقدري ترفعيه بالمرة يعني فقط 12 مرة
اذا رفعتيه 12 مرة وكنتِ قادرة انك ترفعي كمان(يعني العضلة لسا ما شعرت بالاعياء) بكون الثقل خفيف لازم تختاري وزن اعلى
اما اذا ما قدرتي توصاي للــ 12 مرة فبكون الوزن عالي لازم تخففيه
انا بالنسبة الي بستعمل وزن مقداره 2 كيلو انتِ ممكن يكون بيفرق عندك ممكن اقل او اكتر


3- انا اكل قبل الوجبه بربع ساعه صحن لبن مع ملعقتين نخاله ما هو رايك بالموضوع

في حدا سالني قبل هالمرة هاد الشي ما بعرف يمكن انتِ
شي كتير حلووو
هاد بقلل من الشهية على الوجبة الرئيسية وما بتاكلي كتير
انا بفضله قبل العشا عشان ما تاكاي كتير
وقبل الغدا كمان
بس على الفطور كلي منيح وابداي يومك بنشاط

4- كيف اميز تمارين الشد عن تمارين التقويه للعضلات

العضلات المشدودة بتكون قوية
الوعضلات القوية هي العضلات المشدودة
وتمارين التقوية هي تمارين الشد نفسها
كل تمرين لاي عضلة بقويها وبشدها
وهاد مو معناه انه عضلاتك رح يصيروا متل عضلات الرجال
لا عضلاتك رح يشدوا بطريقة حلوة وما رح ينفخوا متل الرجال
اهم شي تلتزمي بكل الملاحظات الي ذكرتلكم اياها قبل وبعد التمارين ومدة تادية التمارين ووقتها
بالعضلات المهم تلعبي صح مش المهم الكمية والتكرار
يعني العبي مرة بالاسبوع صح احسن من كل يوم
والافضل 3 مرات اسبوعيا

اسفه اني طولت عليكي ارجو انك تردي

ما في داعي للاسف ولو نحنا هون لبعض
ان شالله اكون افدتك وقدرت اجاوبلك على استفساراتك

جزاك الله اختى قويه الاراده