مقارنة من الواقع (الرجيم الكيميائى ورجيم السعرات)
السلام عليكم جميعا
مين فينا ماقابلتهاش المشكلة دى
عندك مناسبة قريبة ولازم تنزل عشرين كيلو فى 10 ايام يبقى مافيش غير الريجيم الكيميائى بغض النظر عن اى حاجة تانية المهم نلحق المناسبة
مش هاطول عليكم كتير هانقللكم تجربة من احد المواقع وتجربة شخصية
التجربة من احد المواقع على لسان صاحبتها بتتكلم عن الريجيم الكيميائى كالتالى
*****
بدايتي مع الكيميائي من سنه كان وزني 96 ونزلت الي 90 في اسبوعين ولكن الاسيبوع الثالث والرابع لم انزل شئ فخرجت من هذه التجربه انه لابد من عمل يوم free ما بين كل اسبوع المهم رجعت للاكل طبعا بشرلهه فظيعه وزدت الي 104 نعم نعم 104 عملت الرجيم تاني من 4 شهور بس السبوع الاول كررته اربع مرات نزلت الي 90 ولكن السبوع الثالث نزلت 2كيلو والرابع لا شئ رجعت للاكل تاني رجعت الي 100 وطبعا كل لما ارجع للاكل برجع بشراهه غريبه عملت رجيم الاناناس نزلت 4 كيلو في يوم الي 96 واليوم اللي بعده اكلت اصبحت 97 عملت الاناناس تاني نزلت الي 96 فحسيت اني حثبت ( زهقتوا بس علشان تستفيدوا)المهم اكلت يومين رجعت الي 98 وبدات الكيميائي مره اخري نزلت في اسبوع الي 94 واكلت 3 ايام وصلت الي 97 عملت اسبوع اخر نزلت الي 93 الذي هو الان اشتريت ميزان جديد زهقت من القديم لقيت وزني عليه 92 فقط مش حطول الخلاصه اللي عايزه تعمل الكيميائي تعمل الاسبوع الاول وبعده راحه يوم وتكرره تاني وثالث الي ان تصل للوزن المطلوب ولازم لما تخلصه تاكل بجد اكل صحي (تغير العادات الغلط بتاعتنا دي ) المهم انا حسيت اني زهقت فقررت اعمل الاتي لمن تريد ان تشاركني اليوم الاول اكل او اشرب طول اليوم اناناس وفي اخر اليوم موز واليوم التاني الفطار والغذاء اكل اي شئ ولكن بحساب وفي العشاء نشرب الوصفه العجيبه اناناس وكيوي وهكذا اللي حتبدا معايا لازم تعمل حاجه واحده تدخل كل يوم تقول ايه اللي حصل في وزنها نشجع بعض ولازم نستمر فتره مين تبدأ معايا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
*****
كل ده وصاحبتنا لسة ما اخدتش درس انا مش مصدقة
وتجربتى الشخصية فى ريجيم السعرات بتقول ان ممكن الوزن ينزل فيه من 3 كيلو ل 1 كيلو أسبوعيا على حسب الجسم ومدة الرجيم المتبعة
يعنى لو صاحبتنا من الاول اختارت نظام السعرات كانت فى المدة دى كسبت حاجات كتير زى صحتها وجسمها انه مايبقاش منهك وحاجات تانية كتير واكيد كانت خسرت حاجة واحد
وزنــــــــــــــــــــهــــــــــــــا
لان بحسبة بسيطة لو عدينا الاسابيع اللى هى بتتكلم فيها دى هنلاقيهم من سنة يعنى على الاقل كان ممكن تنزل 25 كيلو ده لو بتنزل فى الاسبوع نص كيلو بس
وكانت وصلت 70 بدل ماهى لسة فى التسعينات
عموما ماحدش يتعلم ببلاش يارب تستفيدوا من تجربة الغير
ياجماعة بجد ماتبصوش تحت رجليكوا زى مابيقولوا بصوا لقدام وماتفرحوش بالوزن اللى بينزل فى اول اسبوعين فى الكيمائى بصوا لاهدار صحتكوا وكمان بيبقى صعب فى تنفيذه والمجهود كله تقريبا بيروح على الفاضى
اتمنى انى اكون افدتكم
رد مع الاستدلال
الروابط المفضلة