السلام عليكم
اخواتى فى الله ازيكم عاملين ايه
يارب نصحى كلنا من النوم نلقى نفسنا خسينا 20 كيلو ههههههههههههه
صلوا على النبى........
انا دلوقتى نفسى اعمل رجيم واصبح رشيقهبس عندى مشكله كبيره
انا متزوجه فى بيت عيله يعنى ايه؟؟؟؟؟؟؟؟؟؟؟؟؟؟؟؟؟؟؟
يعنى حماتى وانا عايشين فى منزل واحد كل واحد فى شقه وبناكل سوى مع بعض
مينفعش اعمل رجيم قدمهم يعنى اكل توست او تونه بدون زيت على الغدا
طبعا حاجه تقرف والله نفسيتى تعبت
وكل ما النفسيه تتعب اكل زياده واتخن طبعا
وكمان التخن بيأثر على الحمل لانى لسه محملتش
لو حد عنه وصفه تقدر تفيدنى او رجيم عيله هههههه
وكمان المنشطات بتخن زياده يلا الحمد لله
ياريت تردوا عليا وجزاكم الله خيرا

بصى يا ستى

انتى ممكن تقللى من اكلك طالما الرجيم مش نافع
يعنى بدل طبق الرز خدى ملعقتين وخاى السلطه اكتر مثلا
او خلى طبق شوربه الخضار اساسى على السفره

دا اقتراحى ويا رب يفيدك

دمتـــــ بسعاده

بسكووته

بصى يا اختى فراشة اجوكى اسمعى نصيحتى لكى تستفيدى وحتى تكونى رشيقة قبل ان تحملى وتتعرضى لزيادة الوزن وانا انصحك لانى ما لقيت حد ينصحنى
انا كنت مثلك اتحجج بالظروف واظن انها العائق امام الريجيم وانه لو كانت الظروف مستقرة لعملت ريجيم مثالى واظل منتظرة استقرار الظروف حتى تمر شهور طويلة يزداد فيها وزنى ثم ظللت افكر لماذا لم اكن اخفف من الاكل طوال هذه الشهور مجرد فقط تقليل من النشويات والسكريات والدهون كان كفيلا بأن يجعلنى رشيقة على المدى الطويل
لذلك اقول لكى انسيييييييييييي الريجيم تمامافأنا جربت الوضع العائلى الذى تذكريه واحس بكى كم هو محرج
وابدأى من الان بالاكثار من شرب الماء على ان يكون بعد الوجبة بحوالى ساعتين(وهذا مهم لتخفيف الكرش)والافطار بعد الاستيقاظ بحوالى ساعة والعشاء يكون قبل النوم بثلاث ساعات
ثم قللى جدا من النشويات واكثرى السلاطة والخضاريعنى مش مهم تعملى اكل مخصوص للريجيم مجرد فقطالتقليل من الاكلات ذات السعرات العالية
ولاتاكلى الفاكهة الا بعد الغذاء بساعتين(مهم)
اشربى شاى اخضر لكن ليس على الريق
امتنعى عن الشاى والقهوة واى شئ يحتوى على الكافيين لانى سمعت انه يمنع الارداف من ان تخس
امتنعى تماما عن الاغذية المحفوظة والشيبسيات والشوكولاتة والبسكويتات والحلويات تماما تماما
الزبادى قليل الدسم
ايضا مفيد لتخسيس البطن
ولا تكثرى ابدا عن ربع رغيف فى الفطار وربع فى الغشاء
وطبعا الرياضة مهمة جدا جدا جدا ولو ربع ساعة فى اليوم وخصوصا المشى وانتى شافطة باطنك
صدقينى لو اتبعتى ذلك والله هتخسى بدون ان تشغلى بالك باتباع نظام مكتوب او تعريض نفسك لاحراج
وان شاء الله ربنا يرزقك بالذرية الصالحة قريبا

اخواتى الغالين متشكره اوى اوى على النصايح وان شاء الله هحاول انفذها ادعولى اخس واحمل ان شاء الله

اهلين اختي
انا بعطيك كم نصيحه جربتهم ونزلت بالاسبوع كيلو مع العلم انه صعب نزول وزني لانه مو زايد ^.^
النصايح : كثري المااء
وخصوصا قبل الوجبات
حاولي تبدين وجباتك داائما بالسلطات
وبكذا راح تشبعين وماراح تكثرين الاكل الباقي
واخيرا سوي رياضه لمدة 15-30 دقيقه كل يوم
وهذي افضل الطرق ^.^

يا شيخه عينى فى عينك مش عارفه تعملى ريجيم من حماتك
دى الناس الكبار دول بركه ممكن بكلمه حلوه تعملى اللى انتى عايزاه وتخليهم هما اللى يطلبوه
بصى يا ستى كل الامر انك تكلميها بالراحه انك نفسك اليومين دول فى اكل اخضار والفاكهه الكثيره
وهاتى جرجير وفجل وكرات وبراحتك وهى طبعا الفكره ح تعجبها ان لم تظل تطلب كل يوم ( اكل زمان هو فى زى اكل زمان )
وبعدين الخبز لا تزيدى عن رغيف ابدا ( طبعا وزنه اختلف كثيرا عن زمان بس كما علينا )
وكلى 3 وجبات ولا تنقصى ابدا اى وجبه ولو جعتى فى النص عندك الخضار اللى قلنا عليه من شويه

اشربى ماء كثيره والحر داخل حجتك عطشانه باعرق من الشغل وشربيها معاكى تكسبى فيها ثواب بس ماء فقط وليس اى نوع لا عصائر ولا غيره
اكلك اشترى كام برام فخار ونى فى نى ( كله مع بعض بصل وثوم وخضار وطماطم اخداها بره غلوتين فقصرت ) ومعاه اللحم نص سلق وفى الفرن وكمان اللحم و الفراخ لو تحبه مسلوق مش غلط
وكل يوم على الله فاكهه طازجه وخضار وحاولى مثلا لو تقدرى تتمشى كل يوم نص ساعه لو بتنزلى للسوق خير وبركه ما كانش عندك السلم الفاصل ما بين الشقتين اطلعى وانزلى مرتين كمان زياده
وانسى ريجيم التوست والتونه المخليه ده تعجيز مش تخسيس

بس لما تنزلى وزنك ادعيلى
وعلى فكره انتى لم تذكرى لا طولك ولا وزنك

يا قلبي اذا حماتك بتحبك حتساعدك ( صح) علشان خاطر ولدها ينبسط فيك المهم حاولي تخفيفي من اكلك وتاني حاجه لا ياكلين بين الوجبات ( مهم ) وكتري من شرب المويه واعملي رياضه كل يوم (المشي ) متلا" وبعد اسبوعين راح تلا حظين الفرق انشاء الله وتستمري على كدا وشكرا"

حبيبتي اذا انتي اللي بتطبخي حاولي تصلحي اطباق تحتوي على الخضروات واللحوم
والرز خففي الزيت وحاولي وانتي بتتغدوا انه تركزي على الخضار وكلي رز بس مو كثير
وصدقيني انتي فكري ايش تحبي تاكلي وراح تلقي طرق طبخ خفيفه
وان شاءالله يضبط معاك
انا اليوم شويت كباب بالفرن مافيه نقطة زيت وطلع طعمه طيب حتى سويت كميه تكفي العيله واكلو معاي ومو عارفين انه اكل حمية وعجبهم كثير راح احط طريقته قريب ان شاءالله
انت حاولي تتفنني
الله يسعدك وينولك اللي ببالك

اختى فراشة قلبى وحشتينى كتير انا وزنى ذاد جدا الفترة الاخيرة و انا اول مرة اعرف انه من المنشطات لكن انا بدأت الريجيم و بمارس الرياضة و بحاول اخفف الاكل بس مشكلتى انى لما بشوف الاكل عزيمتى بتهبط بقى عندى نوع من الافتراس
كل ما اتضايق اكل اكل لغاية ما بقى شكلى مقرف يا ريت نشجع بعض و نهتم بنفسنا شوية و ربنا يكتبلنا الحمل
و يا ريت تشيلى الموضوع ده من دماغك انا و الحمد لله شيلته من مخى و مش هاروح للدكتور تانى و لا هاخد منشطات
ابداى الرياضة و الريجيم و احنى مع بعض

شوفى ياست الحبايب

افطرى كل يوم مثلا رغيف سن

او نص رغيف بلدى تمام

معاه طبق سلطه ومثلا بيضه وكم ملعقة فول

او لبن وبيضه او جبنه وبيضه

او جبنه وفول

اعتقد فطور كويس


وبين الغدا والفطار ثمرة فاكهه

واتغدى مثلا ما يعادل كوب ارز مطبوخ ومثله من الخضار اللى انتى طبخاه

وطبق سلطه معاهم كمان وطبعا معاهم نوع بروتين زى اللحوم والاسماك

ولو مفيش بروتين يبقى 2 بيضه مسلوقه او علبة تونه مثلا

وبعد الغدا بكم ساعه خدى ثمرة فاكهه

والعشا زى الفطار وممكن كل اسبوع يعنى تاكلى اللى فى نفسك مره واحده

انا جربت النظام ده قبل كده ورائع والله

وبكده تكونى اكلت مع الناس عادى جدا

وانتى من اين بمصر؟

منتظرين اخبارك مع الرجيم وبلاش كسل