طريقة عمل شريط الوزن وبالصور...تفضلوا
مرحبا يا صبايا
كيفكم وشو اخباركم ان شالله تكونوا بخير مع التخفيف والدايت والرياضة
لاحظت انه كتير من الصبايا سألوني عن شريط الوزن وكيف بينعمل وكيف بيتعدل عليه
فنزلت هالموضوع وحاولت قدر المستطاع اشرح الطريقة وان شالله تكون سهلة وبسيطة
واليكم الطريقة
في البداية نتجه الى الصفحة الربئيسية للموقع وهي
http://www.tickerfactory.com/ezticke...r_designer.php
وهاد هو شكل الصفحة الرئيسية للموقع
وهلا بنشوف انه في عدة خيارات لعمل اشرطة مختلفة منها الحمل والمناسبات واعياد الميلاد وخسارة الوزن وهاد الي بهمنا
فبنختار زي ما هو موضح بالصورة weight loss
هلا بعد ما اخترنا طلعت هادي الصفحة ومنها رح نختار شكل الشريط الي بنحبه وزي ما ملاحظين بالصورة في ارقام للصفحات وكلها بتحتوي على اشرطة باشكال والوان مختلفة
كل وحدة بتختار على زوقها الشريط الي بيعجبها
انا اخترت الصفحة الثالثة وعجبني الشريط الاول
وبعد ما اخترت الشريط فورا بكبس على next
هلا رح نختار شكل المؤشر ونفس الشي في عنا عدد من الصفحات فيها اشكال مؤشرات مختلفة
انا اخترت من الصفحة الخامسة المؤشر الاول
وبعد ما اخترت المؤشر بختار next كما هو واضح بالصورة
هلا بدنا نعبي المعلومات الكاملة عن الوزن بهادي الصفحة
1) نختار كلمة سر مناسبة وبنحفظها لانه رح نحتاجها بتعديل المعلومات
2)weight change
ما بيظهر بالشريط النهائي الوزن بيظهر عدد الكيلو غرامات الي خسرناها وعدد الكيلو غرامات الباقية
weight
بيظهر الوزن الاصلي والوزن الي حابين نوصله مع عدد الكيلوغرامات الي خسرناها و عدد الباقية
انا رح اعمل الشريطين للتوضيح وكل وحدة بتختار الي بيعجبها
3)بنختار وحدة الوزن وهي الكيلوغرامات
4)بنكتب الوزن الي حاطينه هدف بالنسبة النا
انا في مثالي اخترت الوزن 90 كيلو غرام
5)بنكتب الوزن الي ابتدانا منه الريجيم
وانا بحالتي كان 108 كيلوغرام
6)المربع الاول بنختار الوزن الحالي
المربع التاني بنختار التاريخ الي توزنا فيه
والخانتين هدول هم الي رح يتغيروا كل ما نعدل الشريط
7)بنختار وحدة الطول وهي النظام المتري
8)بنكتب الطول كما هو موضح في عنا خانتين
وحدة رح تكون للامتار والاخرى للسانتيمترات
وبس نكمل ادخال المعلومات بنضغط على next
ورح تطلع الصفحة التالية
وزي ما انتم شايفين طلع عنا شكل الشريط
وهو الشريط الي بيظهر في حال اخترنا weight change
وبيوضح فقط عدد الكيلوغرامات الي خسرناها والباقية بدون ما يظهر الوزن
وطلع عنا رابط الشريط
بننسخ الرابط وبنعمله لصق بالتوقيع
فقط نسخ ولصف بدون اي اضافة او حذف
وهاد هو الشريط بشكل اوضح
وفي حال اخترنا weight
رح يوضح الشريط الوزن وعدد الكيلوغرامات
ورح يكون عنا الرابط الموضح بالصورة فقط بنعمله نسخ ولصق بالتوقيع بدون اي اضافات او حذف
وهاد هو الشريط بشكل اوضح
هلا صار الشريط موجود عنا جاهز بالتوقيع
ونزل الوزن وحبينا نعدل على الشريط وننزل الوزن الجديد
بنضغط على شريط الوزن الموجود بتوقيعنا
ورح تفتح معنا الصفحة التالية
في عدة خيارات متل ما ملاحظين وهادي الخيارات معناها
1)التعديل على الوزن<< وهاد هو الخيار الي بهمنا
2)جميع هذه الخيارات تؤدي الى انشاء شريط جديد للوزن
3)تعديل ستايل الشريط يعني تغيير شكل الشريط وشكل المؤشر بدون تغيير البيانات المخزنة
4)ارشيف الوزن وكل تعديل قمنا به في السابق وفي تحته خيارات لحذف الارشيف بس الافضل نتركها ما نحذفها لانه حلو نرجع للنتائج السابقة ونشوف كبف نزلنا
هلا بعد التوضيح رح نختار الخيار الاول ورح تفتح معنا الصفحة الآتية
طبعا ملاحظين انه انا فتحت الشريط الي عملته فوق واخترت اعدل على بياناته عشان هيك في ارقام مخزتة موجودة عنا
1)كلمة السر الي انشاناها بالاول هلا لازم نكتبها لنقدر نعدل الشريط
2)بنكتب الوزن الي وصلناله سواء خسرنا او كسبنا وزن
3)بنكتب التاريخ لليوم الي عدلنا فيه الوزن
والتاريخ بكون بالصيغه الآتية
السنة/اليوم/الشهر
2007/29/03 وهاد تاريخ اليوم
وبعد ما ننهي الخيارات التلاتة هدول بنضغط على next
وهيك بنكون عدلنا الشريط
ورح طبعا يتعدل الشريط بتوقيعكم اتوماتيكيا فما في داعي تعملوا اي شي او ترجعوا تنزلوا الشريط مرة اخرى على التوقيع
النهاية
ان شالله تستفيدوا من الشرح ويكون واضح وبسيط
رد مع الاستدلال
كتبت بواسطة ملكه بطيبتي
الروابط المفضلة