اخواتى حبايبى فى احلى منتدى فى الدنيا كلامكم شجعنى كتير ان ابدأ هذا المشوار الصعب من اجل ان اكون بصحة افضل و مظهر احسن

و طبعا اول ناس شجعونى اخواتى ندى مصطفى و طيف و دى حبيبة امها و bearss و يا رب ما كنش نسيت احد
انا هابدا من اليوم
وهاقولكم كل شىء عنى
اولا : انا وزنى 80 كجم
ثانيا : طولى 150 سم
الوزن الى ابغى اوصله : 55 كجم
المدة : مش عارفة
الرياضة : لا استطيع عمل رياضة لانى باعمل و باقى الوقت فى المنزل بشوف طلبات البيت
حالتى : انا هذه الايام منتظرة الدورة باقى ليها تسع ايام على ميعادها و يا رب متجيش و اكون حامل ادعولى اخواتى
اسئلة تدور فى ذهنى و اريد الاجابة عليها : 1 - هل الريجم مع الحمل خطر ؟
2 - هل المشى اثناء الحمل خطر؟
3 - استخدام جهاز الاوربت ريك ما مدى خطورته اثناء الحمل ؟
و لو افتكرت اى سؤال اكيد هاقولكم انا ماليش غيركم


رجاء : ارجوكم شجعونى و كونوا معى يوميا حتى اشعر ان هناك من يساندنى و لا تبخلوا على بنصائحكم الغالية
انا اليوم اول يوم لى و لسة ما بدأتش فى الريجيم هاروح افطر تمر و لبن و بكرة اقولكم انى اليوم عدا تمام دعواتكم و تشجيعكم يا احلى بنات

فين المشجعين لا اوعوا تسيبونى لوحدى ارجوكم

اختي الحبيبة : الماسة الذهبية
يارب تكوني حامل ويرزقك الله بالذرية الصالحة ورجاء الا تجازفي هذه الايام باستخدام اجهزة الايروبيك وعموما
الرجيم اثناء الحمل يحتاج الى دكتور متخصص ليعمل لك تحاليل وتمشي على نظام غذائي بحيث لا يحدث نقص في المواد الغذائية في جسمك ويعطي لك نظام تمارين تعيد لك وزنك الذي تريديه بعد الحمل مباشرة

اتفق مع امة الله بارك الله فيها
وانتبهي لاتكوني حامل لان ريجيم الحامل لازم تحت رعية اخصائية تغذيه
اما الرياضه اعتقد انه في الشهور الاولى ممكن تضر
ياليت تخففي اكل بدون رياضه لحد ما تتأكدي
والله يرزقك الذريه الصالحه
وكلنا راح نكون معاكي

بالتوفيق
ولازم تخففي اكل بدون حرمان
عشان لوكنت حامل مايتأثر الجنين

شكرا لكم اخواتى ردودكم الغالية و انا بدأت بس اليومين دول ريجيم التمر و اللبن بدون رياضة حتى اتاكد من موضوع الحمل و يا ريت تكونوا معايا و تابعونى علشان احس انى مش وحدى

سؤال معلش هوة ساذج بس اعمل ايه محدش هايجاوبنى غيركم
بالنسبة لرسم شريط فقدان الوزن هوة ليه مش مبين وزنى ووزنى الى ابغاه

ربنا يرزقك بالذرية الصالحة ويبارك لك
انصحك بلاش ريجيم اثناء الحمل ولكن ممكن تكترى من الفواكه والخضر والخبز الاسمر وكمان الحليب مهم ولازم تعملى تحاليل دم علشان الهيمو جلوبين وتاخدى حمض الفوليك وبلاش رياضة خصوصا فى الاشهر الاولى ونسيت اقولك البروتينات مهمة جدا زى اللحوم والبيض والسمك ونبارك للك قريب

اختي ربنا معاكي وانا ان شاء الله هدخل كل يوم وشجعك واعرف اخبارك واشوفك وصلتي لفين
وان شاء الله تكوني حامل بس نصيحه مني بلاش تعملي اي رجيم قاسي حولي الاول اعرفي نفسك حامل ولا لأ وحولي امشي على التخفيف او نظام السعرات هم اريح واصح حاجه ويارب تحققي كل اللي انت عايزاه

نسيت اقولك انا ان شاء الله هقول لكي اخباري برضوا عشان انت كمان تشجعيني لان انا كمان عايزه اخس بس انا بعمل تخفيف وماشيه براحتي مش مستعجله

مش مهم مع مين المهم انك انشاء الله هتخسى وتحققى اللى بتحلمى بيه