السلام عليكم ورحمة اللــه وبركاته
اهلين..تسييييف الحال؟!
إن شاء الله تمام...الحمدلله.......
هذا أول موضوع لي في المنتدى وأبي تفاعل يا حلوييييين
أنا ناوية أسوي اكبر تجمع لبنات المتوسطة والثانوي....تدرون ليييييش؟؟؟
*
*
*
لأني طفشتتت..خلاص بأنحف أبي انحف أبي انحف
قسم بالله ملييييييت..معاناة انك دبة عايشة بين عصاااااقيل
خصوصا فترة المتوسطة والثانوي...واااااي عالمأسااااة
تخيلوا أنا البنت الوحيدة السمينة بين بنات عماتي..وبين صديقاااتي..وبين بنات خالاتي
اللهم وحدة بس نفس شكلي ...
يوووه حتى أي لبس سنع حلو ما يجي مقاسي قهرررررر
وكرهت العزايم بسبب جسمي..استغفر الله
شكلكم بتقولون سوي رجيم..
وهذي البلوة...تصدقون من سادس ابتدائي وأنا وهالرجيمات حرب ضروس
وكالعادة اطلع منهاخلال يومين,,, أسبوع إلا يوم بالكثير..بعدين أقول عاادي أعوض بعدين
وكل ماانحف ارجع دبل قهرررر ..((ماعندي اراااادة أبدا أبدا أبدا))
يعني امشي عالرجيم اوكي بعدين أهلي يا يطلبون مطعمولا يشرون حلويات وايسكريمات وخراااابيطخصوصا عشان البزارين اللي عندي
يااااي وتبوني ما أكل مستحيييييل ما عندي احد يربطني ..أنا أول من يقعد عالسفرة وآخر من يقوم منها ....
هذي معاناتي باختصار واللي إن شاء الله اقضي عليهابمساعدتكم وتشجيعكم بعد الله:
والله يا بناااات عيوني غاصت ..وطلعت لي مخداااات تحت رقبتي خخخ
بعدين انزلوا شوي وتزحلقوا على زنودي الله لايوريكم ههه
والكرش عااااد...هذا حدث ولا حرج ..مايحتاج اتكلم اعتقد الكل يعرف
وياربيييه على فخوذي ,,التنورة تدخل من تحت وتعلق عند فخوذي آآآآآآآآآه
ملييييييييييييييت قسم بالله مليييييييييييت
إحنا لازم نوقف بوجه الشحوم المترجرجة ونشفطها عدل
والدهون ونسيحها اوكي
والترهلات ونشدها زيييين مازيييين ...خلاص يا دبدوبات؟
وانا حددت هالفئة عشاننا نعرف المعاناة اللي تعيشها البنت في فترة المراهقة,صحيح انه في موضوعات
وتجمعات حاطينها العضوات في المنتدى للوصول إلى الرشاقة بس كلها مشكّل الأم مع المتزوجة حديثا مع البنت كلهم كوكتيل
أنا قلت لو نصير قروبات أحسن ونركز عالمعاناة اكثر والتشجيع يكون اكبر
فانا أقول المتزوجات اللي عالينهم رجالهم عالنحافة يصيرون مجموعة وحدة أفضل....وهكذا (اعتقد فهمتوا قصدي)
عشان كذا أبي أي وحدة في هالمرحلتين..تدخل وأهم شئ تكون ((دبة)) >>>لاوالله؟
ونشجع بعض اليييين ننحف..وكل وحدة تكتب وزنها وعمرها ولا تستحي هذا اللي ناقص بعد
وعلى جية الصيف إن شاء الله ما أشوفكم إلا غزلان تناقزون على شواطئ هاواي
ههههههههاي.وكل من شافكم تخبل عليكم.ما نبي المعصقل يضحكون عليكم
وأي وحدة تتوحم على شي ولا شيات تدخل وتقرى الموضوع من أوله إلى آخر رد وتكسر الشر
وتسد حلقها ...ولا تنسون الله لايهينكم المطامر في البيت وسباق الماراثون في الحوش والعبوا مع إخوانكم البزارين ترى وراهم فايدة
*&* كل وحدة تكتب اللي ودها تنحفه مع يومياتها وجهادها ضد اليم يم*&*
يلا أنا أولكم أنا عمري 15 ووزني 64وان شاء الله يصير وزني 50 كلغ ,,مع انه ودي يكون
47-45 بس منيب طامعة الله يسهل هالعشرة كيلو ولاحقين إن شاء الله عالباقي
واللي كانت دبة ونحفت الله يخليها تدخل عشان تفيدنا بتجربتها وتشجعنا
وبالنسبة للنظام الغذائي أفضل يكون مجرد تخفيف ننحف فيه خلال أسبوع من كيلو-2كيلو, لأن الرجيم القاسي صدقوني وعن تجربة بعد ماراح تنجحون فيه إلا للي إرادتها حديييد ولا وترجعون اللي نحفتوه بعد..أنا ودي هالنظام يكون كله صحي ونأكل من كل شئ بس بحدود يعني ذواقة عشان مانمل ونخليه منوع وإذا صارت فيه عزايم يكون الوضع عااادي بالنسبة لك لأنك راح تتعودين عالاكل الحتاحيت خخخ
وفي نظام مررره حلو وحدة كاتبته هنا في المنتدى تقول اختها نحفت عليه هو نظام زي الاشارة الضوئية روحوا القوا نظرة عليييه..لايفوتكم
.واللي بتحس إنها يتخربها تدخل المنتدى وتطلب من الأخوات يعطونها حبة شجاعة لمقاومة المغريات وتحط في بالها إن الأكل عدو لها سواء لشكلها الجمالي أو صحتها
عاد تصدقون من فترة سمعت إن المياه الغازية تزيد الوزن خلال سنة ((((10كيلو))))
ياحوووول وش هالبلوة اثاري وزني ينقز بسبة البباسي الله يعين عاد هي عشقي الأول والأخير امممم
خلاص يابنوتاااات يا رشييييقات يا حتة من الأمر...مستعدين تغيرون حياتكم نحو الأفضل والاجمل ؟؟؟
وبالنسبة متى نبتدي الرجيم...أنا أقول نخليه بكرة وش رايكم؟؟
يلا يا بنات الله الله بالردود السنعة....
الروابط المفضلة