خواتي في المتن كيف حالكم ان شاء الله بخير وكيف حال الرجيم معاكم انا اتمني اني انظم معاكم في الرجيم بس كنت ابى اسال الاخت دبدوبه انا حامل يعني مو مشكله وبعدين انا ابى اسويها بس اسبوعين يعني مو مضرة حقي عشان عندي عرس عقب اسبويعن ابى انزل شويه وبعدين انا اتشجعت لرجيمج لانها فيها حليب ولبن ياريت اتفيديني

لا لا اشلون حامل وتسوين رجيم لا والف لا انا قبل حمالى الاخير كنت ماخذه موعد لعيادة الرجيم بس صار وحملت فقلت للطبيبة قالت مافى رجيم للحامل لانها اذا سوت يمكن الطفل تطلع مشوهه ( بعيد الشر ) لا تفكرين بالرجيم الا بعد الولادة

بس اسبوعين شو اسوي وزني وايد ايزيد وعقب مااربى وايد اتعب لين ماانزل هذا الوزن شو اسوي

حرام عليك عمرى ما سمعت حامل تسوى رجيم تعوذى من ابليس ولا لا للرجيم انا احب الحمل والسبه انى ما اسوى رجيم

اول شئ اسفة جداً على التأخير يالغالية سامحيني كثير بس بالنسبة لسؤالك عزيزتي تراني مو خبيرة لهالدرجة بس بالنسبة للحامل ما اظن يصلح الرجيم حرام عليكي اول مرة على قول الاخت فطمطم اسمع حامل تبغى تصلح رجيم لا تسوينه مو شرط العرس اهم شئ صحة المولود يا عزيزتي

ونسيت اقول انه بدل ما تسوين رجيم انتي نظمي اكلك افطري على كوب حليب ولبن والاشياء المفيدة للحامل والغذاء بعد كلي عادي والعشاء لبن وحليب واجبان بس ولا تأكلين بين الوجبات شئ بس علشان لا تزيدين كثير وانتي حامل