الخلالالالالالالالالالالالالالالالاصه
السلام عليكم ورحمه الله وبركاته
ازيكم يابنات والله بحبكم في الله وحبيت ادردش معاكم
بصراحه بعد ولادتي التانيه وانا بايته ليل نهار في القسم ده ابحث عن اي شيء يرجعني زي ما كنت
وبعد التمحيص والتدقيق توصلت الي
ان كل الوصفات والمشروبات والاعشاب تعتمد في المقام الاول والاخير على حاله القرف وسد النفس عشان نبطل اكل لكن مفيش حاجه فعلا بتحرق وتخسس زي ما احنا فاكرين وغالبا بيبقى ايحا نفسى
وفي النهايه توصلت الى ان :
1- الدعاء اطلبي من ربنا وخصوصا اذا كان هدفك نبيل يعني عايزه تخسي عشان تعفي زوجك من النظر الى المحرمات
2- الاكل القليل والصحي المعتدل مش الرجيمات القاسيه هيه الاصل (حسب ابن ادم لقيمات يقمن صلبه) لقيمات مش فته ولحمه ومحشي مش بنقول نحرم نفسنا بس المعقول معقول
3- الرياضه لازم لازم لازم وخصوصا للي زيي قاعدين في البيت مش بيتحركوا وكل ما تلاقي نفسها فاضيه تدور على حاجه تكلها لازم حرق
واخيرا كل حاجه حلوه بيبقى صعب الحصول عليها ولازم نتعب عشان نلاقيها هيه دي الدنيا
وان شاء الله نتقابل في الجنه بس مش عشان نعمل رجيم لا عشان كنا بنحب بعض في الله
ايه رايكم ياريت تردوا عليا وشكرا
رد مع الاستدلال
الروابط المفضلة