ده جروب للمرضعات لاننا لازم يكون اكلنا زياده شويه عن الغير مرضعات

اللللي نفسها تخس تكتب معلوماتها ونفسها تخس كام كيلو وهيا كام كيلو ونشجع بعض

ملالاحظات
1/هنوزن اسبوعيا وليس يوميا
2/اللي هتخرف اكتر من يووووم هتطرد
3/هيكون السباق بين اول 10 يدخلوا عشان نقدر نتابع بعض

موافقين؟؟؟؟؟؟؟؟
اللي عندها اعتراض او اي اضافه متبخلش علينا


وانا هبدا
انا طولي152
وزني قبل الحمل 48
وبعد الحمل67
وحاليا 55
ونفسي اخس 10كيلو


يلا في انتظاار ردودكم

بسم الله الرحمن الرحيم ممكن اشترك اسمي جاسي طولي 160 وزنى قبل الحمل 59 وبعد الحمل 87 وحاليا 68 وعوزه اخس 10 كيلو

اوك يا جاسي

تحبي نبدا من بكره ولا لما يكمل الجروب؟؟؟؟؟؟

بسم الله الرحمن الرحيم ياريت نبدا من بكره بس هنعمل رجيم اه

الافطار والعشاء
a
1 كوب حليب +1/4رغيف خبز +قطعة جبن او1-2 بيضه
b
1كوب حليب +7 -10 تمرات
c
1كوب حليب+ 1/4 رغيف خبز +ملعقه مربى او عسل

المهم الا يزيد الافطار عن ربع رغيف ممكن زيادة الخيار والطماطم والجزر واكلهم عند الجوع

الغداء
1/4 فرخه او قطعة لحم او1-2سمكه
+
1رغيف خبز او طبق صغير ارز او طبق صغير مكرونه
+
طبق سلطه او خضار


ملالالاحظات
يجب شرب 3 اكواب ماء قبل تجهيز الافطار وكمية الماء في اليوم لاتقل عن 8 اكواب
عند شرب الشاي ضيفي ملعقه ص سكر فقط
ممنوع شرب الغازيات
وانصح بشرب الزنجبيل

لو اخدتي قطعة حلوي او كيك استبدليها بوجبه افطار او عشاء

وياااااااااااااااارب نخس

بسم الله الرحمن الرحيم هاجر بينزل كام كيلوعو في الاسبوع

السلام عليكم اريد المشاركة معكن :
-الطول السلام 1,67
-الوزن قبل الولادة:64
-الوزن بعد الولادة: 74
-الوزن المراد تنزيله:10
ان شاء الله يا رب

واللهي يا جاسي على حسب الاراده والعزيمه
يعني تهيألي لو مشينا مظبوط بدون تخريف هنخس ال10كيلوا في الشهر ده ونخلص انشاء الله
بس تعالي بكره وسجلي عملتي ايه عشان نتابع بعض

اهلا بيكي يا شيما هنبدا من بكره انشاء الله خليكي مستعده

طبعا تاكلي في اليوم بعد وجبة الافطار بساعتين برتقاله او تفاحه او موزه

بسم الله الرحمن الرحيم اه الاخبار يابنات ان شاء الله عوزين نخس بجد نستحمل شويه علشان نوصل لوزن رشيق في اسرع وقت انا اكلت تفاح وان شاء الله تغدا ربع فرخه وسلطه بس المفروض نقل العيش في الغدا يعني ربع بس او 3 معالق ارز او مكرونه لانه كده كتير اوي لانه دي الحجات الي بتخن انا كنت بقلل العيش مالرز ونزلت 5 كيلو في اسبوعين