كتبت بواسطة ام لولووزيزو

ممكن اقولك لو لم تذيلى كتابك مع انى بأرضع فى حال الرضاع انتى محتاجه 500 سعر بس عشان تكوين اللبن

داخل الثدى بس

غير السوائل والله وانا بأرضع كنت بأكل الاخضر واليابس

ولكن محلوله ارسلى لى غذاء 24 ساعه بدون ما تكونى فى الريجيم وكمان انت بترضعى من قد ايه ومبدئيا

ممكن تلعبى رياضه دى حاجه امنه

وبعدين دموع ورضاعه والله ان الزعل بيسبب متاعب للطفل عارفه والله ادعى ربنا يروق لكى الحال واستعيذى من الشيطان

السلام عليكم ورحمة الله وبركاته
اختي شكرا على ردك السريع واهتمامك
بس انا مش فاهمه يعني انا محتاجه في اليوم 500 سعره ولو 500 سعره اخس في الاسبوع كام كيلو
اما بالنسبه للاكل لليوم انا اكلي عادي جدا بس مفيش عشاء
انا المشكله عندي الحلويات لو ابعد عنها ممكن اخس
وبالنسبه للرياضه بلعب بسيط جدا لان ظهري فيه مشكله في الفقرات
ياريت ان كان يناسبني 500 سعره تكتبي لي نموزج لاكل يوم عشان اعرف امشي عليه
ومشكوره

اختي ام لولو
ليه استفسار بس مش لي
عندي واحده جارتي عندها مشكله
عندها حليب في صدرها وبتقول مش عايزه تاخذ علاج عشان الحليب في الصدر بيعمل مانع للحمل
هل هذا صحيح ؟
ولو ما اخذت علاج في ضرر؟
الصراحه هي سالتني وطبعا انا معنديش فكره قولت لها باسئلك اختني في المنتدي
فلو عندك فكره افيديني وجزاكي الله خير يا عسل

كتبت بواسطة (دموع العين)

السلام عليكم ورحمة الله وبركاته
اختي شكرا على ردك السريع واهتمامك
بس انا مش فاهمه يعني انا محتاجه في اليوم 500 سعره ولو 500 سعره اخس في الاسبوع كام كيلو
اما بالنسبه للاكل لليوم انا اكلي عادي جدا بس مفيش عشاء
انا المشكله عندي الحلويات لو ابعد عنها ممكن اخس
وبالنسبه للرياضه بلعب بسيط جدا لان ظهري فيه مشكله في الفقرات
ياريت ان كان يناسبني 500 سعره تكتبي لي نموزج لاكل يوم عشان اعرف امشي عليه
ومشكوره

لأ لأ اسفه كلامى مش واضح انت عايزه فوق سعراتك 500 سعر عشان تكونى لبن وما فيش حد يضحك عليكى ويقول ان ال500 سعر دول بيعيشوا بنى ادم اقل من 850 و فى المستشفى يعنى نحاليل وفحوصات يوميه وغالبا بيكون مصاحب لحالات مرضيه ربنا يبعد عننا الوحش
وبعدين الحلويات مشكله حاولى تقلللا منها وكلى بدالها فاكهه انا وجهه نظرى ان لا بد فى حياه زائد وزن نقطه ضعف وانتى جبت الحل الحلويات الفاكهه برضه طعمها حلو لكن فوايدها احسن من الحلويات شرقيه كانت او غربيه على الاقل الفاكهه فيها الياف
وبعدين بالنسبه لمشكله الفقرات انا مره كنت جبت كتاب اسمه تمارين لسلامه ظهرك والله اغلب تمارينه وانتى نايمه على ظهرك ولعلمك الوزن الزائد بيفاقم مشكله الفقرات وبعدين ايه اخبار المشى برضه متعب معاكى ول لأ
وبعدين اسمعى نصيحتى اللبن ده رزق بنى ادم اياكى تتسببى فى قطعه عنه والله ربنا يحاسبنا انتى ابعتى لى يوم 24 ساعه اكلك كميات تقريبيه بدون ريجيم العادى بتاعك يعنى وان شاء الله نصل لحل وسط ينفعك وينزل رزق !!! انا ما اعرفش ولد ولا بنت
عموما ربنا يبارك فيه ويرزقك بره
واسفه مره اخرى كلامى كان غير واضح والله لا اقصد

كلمة رائــــع قليله فيه بارك الله لك فيما أعطاكِ وجعل الجنه مبتغالكِ وجزاكِ الله عنا خير الجزاء,,

كتبت بواسطة لـــمـــووو

كلمة رائــــع قليله فيه بارك الله لك فيما أعطاكِ وجعل الجنه مبتغالكِ وجزاكِ الله عنا خير الجزاء,,

ربنا يبارك فيك والله انا كفايه دعوه زى دى تخلينى قاعده فى المنتدى طول النهار والليل

جزاك الله خيرا ولك مثل ما قلتى

كتبت بواسطة (دموع العين)

اختي ام لولو
ليه استفسار بس مش لي
عندي واحده جارتي عندها مشكله
عندها حليب في صدرها وبتقول مش عايزه تاخذ علاج عشان الحليب في الصدر بيعمل مانع للحمل
هل هذا صحيح ؟
ولو ما اخذت علاج في ضرر؟
الصراحه هي سالتني وطبعا انا معنديش فكره قولت لها باسئلك اختني في المنتدي
فلو عندك فكره افيديني وجزاكي الله خير يا عسل

لييييييييه مردتيش عليه السؤال ده مهم جدا
وجزاك الله خير
وان شاء الله بكتب لكي يوم كامل لاكلي وهو
الفطار واحد صمون مع جبنه بيضاء وزيتون وكوب شاي بالبن محلى معلقة سكر
بين الوجبات اكلت موزه وكحك مع بسكويت كام واحده كده يعني
الغداء كان طبق ارز وقطعة لحمه وباميه
ولسه مش عارفه اتعشى او اكل فواكه ابقى اقول لك

ما شاء الله تقسيم جميل ومفيد ..بارك الله فيك ..
أنا أفقد وجبة الالبان وقت الحمل وهذه مشكلة خاصة أخسر فيها أسناني .
حاليا حامل ومن المستحيل أقدر أتناول حليب او لبن يمكن شوية لبنه من حين الى أخر وجربت الاجبان هم مانفع .
مشكورة ..

السلام عليكم يا ام لولو و زيزو
الف مبروك على التثبيت .. الموضوع حلو فعلا
يا ريت تتابعينى
انا بعمل رجيم السعرات اللى رورو كانت كاتباه
و يا ريت لو عندك تعليق عليه
ووزنى 93 و طول 157 و الدكتور اللى كنت متابعه معاه قالى وزنى المثالى 59 بعد ما عمل فحوصات غريبه
مش فاهماها ........ هههههه اكيد انتى عارفه

وكمان عاوزه اسأل
ممكن ابدل ربع رغيف من الرجيم ده ب3 ملاعق رز ولا كده هيبوظ النظام؟؟؟
لانهم قالو ان النظام ده بيخسس 2 كيلو فى الاسبوع!!
و اكون شاكره لو رديتى عليا
و جزاك الله عنا كل الخير

الرجيم بتاعى اهو
http://www.lakii.com/vb/showthread.php?t=234625&page=1
حاولى تتابعينى بكتب يومياتى هناك
هوة النظام ده كام سعره تقريبا فى اليوم؟؟
شكرا لكى

كتبت بواسطة BlueAngle

السلام عليكم يا ام لولو و زيزو
الف مبروك على التثبيت .. الموضوع حلو فعلا
يا ريت تتابعينى
انا بعمل رجيم السعرات اللى رورو كانت كاتباه
و يا ريت لو عندك تعليق عليه
ووزنى 93 و طول 157 و الدكتور اللى كنت متابعه معاه قالى وزنى المثالى 59 بعد ما عمل فحوصات غريبه
مش فاهماها ........ هههههه اكيد انتى عارفه

وكمان عاوزه اسأل
ممكن ابدل ربع رغيف من الرجيم ده ب3 ملاعق رز ولا كده هيبوظ النظام؟؟؟
لانهم قالو ان النظام ده بيخسس 2 كيلو فى الاسبوع!!
و اكون شاكره لو رديتى عليا
و جزاك الله عنا كل الخير

اولا الربع رغيف = 2 ملعقه ارز مش 3 وهنا تقصد ملعقه الاكل (ملعقه الشوربه ) وليس ملعقه غرف الطعام


والصفحه اللى ارسلتيها ريجيمها مش غلط لكن يلخبط اللى غير متخصص


وجبات حوالى 1200 سعر (ولا بد من تناول 2 لتر ماء يوميا مابين الوجبات مقسمه على اليوم كله )

الافطار

1\2 كوب حليب (شاى باللبن )محلى ب 2 ملعقه سكر

بيضه او جبن او 2 ملعقه فول مدمس بزيت خفيف

1\4 رغيف خبز يفضل اسمر



الساعه 10
وحده فاكهه او كوب عصير

الغذاء

1\2 كوب خضار مشكل مطهى

طبق سلاطه اى حجم بدون اى اضافات لا ملح لازيت لا مسترده

وحده لحوم 100 جم لحم ( يقطع الكيلو على 10 قطع من الاول ) او ربع فرخه يستحسن منزوعه الجلد ويفضل مسلوقه او مشويه (بالنسبه لمشويه تشوى بجلدها ثم لا نأكله )او سمكه وسط مشويه او فى الفرن بدون مواد دهنيه

4 ملاعق ارز مطهى عادى بس نقلل السمن معمول حسابها فى السعرات

وحده فاكهه

الساعه 5
خضار سلاطه

العشاء
كوب حليب

جبن او بيض او اى بقول

سلاطه خضراء او خضار مطهى

1\4 رغيف خبز


قبل النوم وجبه خفيفه

كوب زبادى او ثمره فاكهه او خضار طازج اى شىء بس عشان لا ننام ونحن جوعى



البدئل كسعرات وليس كمواد غذائيه

1/4 رغيف =

2 ملعقه ارز او مكرونه او اى حبوب

2 ملعقه بطاطس او بطاطا اوبسله او جزر او قلقاس

نصف وحده لحوم او سمك او دجاج

2 ملعقه فول او عدس او حمص او اى بقول

قطعه حلاوه فى حجم علبه الكبريت

10 حبات عنب

وحده فاكهه حجم وسط برتقاله يوسفى او خوخ او كمثرى

التين واحده

الموز واحده

نصف سلطانيه صغيره كورن فليكس

شريحه بيتزا

1\2 مقدار حفنه من المكسرات

ويكون الاستبدال بين اصناف المجموعه الواحده ولا يفضل استبعاد اى صنف نشويات ابد ا لانها مهمه للحسم


الاطعمه الممنوعه

الدايت بأنواعه اين كان سعره او الدعايه له او مجرب من قبل الغير كله ضحك على الدقون وكذلك المشروبات الغازيه لضررها على الجسم
تقلل دهون المضافه للطهى ولا تستبدل بزيت ابدا السمن ايضا هام للجسم


عايزه تفصليه على مقاسك غيرى فيه براحتك ولكن داخل نفس المجموعه يعنى مثلا شيلى الخبز وضعى مكرونه او ارز او كورن فليكس او بطاطس او بطاطا او بسله او جزر او قلقاس ( نعم ليس كلها حبوب ولكن نظرا لمحتواها من النشويات تعتبر مجازا كلها حبوب



اما الاختبارات اللى اجريت لكى فهى كالاتى
الطول
الوزن
مقياس سمك طبقه الدهن تحت الجلد وده لاله عجيبه مثل المكلب من خلف الذراع

محيط الذراع ونطلع منه سمك عضله الذراع

وكمان معادله للوزن مع الطول عشان نطلع كتله الجسم او body mass index (BMI)
المفروض من 20 الى 25 الاكتر زياده وزن والاقل نحافه

والاختبارات دى تسمى المقاييس الجسميه
Anthropometric Measurments

وده للعلم بالشىء عشان تبقى عارفه قاسوا لكى ايه