المدارس قربت وما باقي عليها إلى شهر ونصف وأبغي بنتي تنزل على الأقل 20 كيلو وزنها 70 وطولها 146
أرجو المساعدة وعلى فكرة رجيم التمر والبن لاأحد يقولي خليها تسويه لأن ما يصلحلها

خليها تلعب رياضه واقطعي عنها النشويات والحلويات وزوديلها السلطه والخضار والالبان في نظامها
افضل رياضه ركوب العجله والسباحه

السمكه الفضيه يبدو بنتك صغيره بالسن لاتعملين لها هالريجيمات اللي تقتصر وتعتمد على نوع واحد من الغذاء

الحمدلله عند رب العالمين سعه

حاولي انك على الغداء انتي اللي تحددين كمية الاكل لها ..... الرز تتركه ولاتقرب له

طبق خضار مسلوقه مع ربع خبز بر او ابيض اذا كانت تحب الخبز .....وكاس لبن .....سلطه ضروووووووري
قطعة دجاج محمر او مشوي او قطعة لحم او سمك اهم شي لازم بروتييييييين......واتركي وابعديها عن المقالي بانواعها (بطاطس دجاج مقلي سمك مقلي .....الخ)
في فترة العصر حاولي انك تنتبهين لها مو تاكل شيبس وشوكولاته او مشروبات غازيه

اذا كنت تقدر تصبر لحد العشاء وهي صايمه ماتكل شي كويس
اما اذا كانت ماتقدر بامكانك تشترين لها عصير والله نسيت اسمه بس تلاقينه بالسوبرماركات الكبيره خاص بالريجيم او الناس اللي عندهم سكر اتذكر انه طعمه كان كويس .....ممكن تاخذ لها حبه كل يوم العصر او تشرب عصير طبيعي ...........بالاضافه الى انها لازم تلعب بوقت العصر تنط الحبل او تلعب بالسيكل او تسبح تمارس اي رياضه تحبها او تمشي

اذا جا وقت العشاء افضل شي انها تتعشى قبل ماتنام بساعتين تاكل فواكه .... ومافيه مانع تحددين لها يوم بالاسبوع تاكل من اللي تشتهيه لكن بدون ماتخربط او تفرط ....بس عشان الروتين والملل

الفطور ممكن تاخلينه كاسة حليب طبيعي وشريحتين توست مع جبنة شيدر قليلة الدسم(شرائح)...ترى سعراتها قليله ولذييييييذه

شوفي اختي هالريجيم اختي الصغيره عملته والحمدلله نزلت 10 كيلو وغذائها صحي والخدود مورده ماشاءالله

اهم شي لاتعلبين فيها بريجيمات ناقصه قيمتها الغذائيه

اتمنى اكون افدتك

انا راي متل راي الاخت روح الورد