لأصحاب الوزن الزائد،، هذه قصتي
[/CENTER][CENTER]أخــواتي الحبيبـــــــــــات
أصحـاب الوزن الزائد ،،، الصراحه ،،،
انا لما بلشت الرجيم كان وزني فوق الميه ويمكن 105 او 107 لإني ما رضيت اوزن الا بعدعشر ايام
من الرجيم ويوميتها قالتلي وزنك 103 وعنجد احبطت...
المهم انا لاني طويله ما ببين كان على التخن وكان كل جسمي يتخن مع بعض
يعني انا كانت مبدأي في الحياه (لأيش الرجيم طول ما انوا في ملابس على قياسي)
وحياتي كلها شيبس وشوكلا وبسكوت يعني كانت قمة اللذه عندي اني اكول الجلاكسي على الريق مع النسكافيه ،،، واتعشى كنتاكي يوم ماكدونالدز ويوم بيتز
هاي الأكلات الي تستهويني ،،، ماي ما اشرب بالمره
كان غرامي اكل سندويشة الزبده مع السمون
وعملت الرجيم لاني عنجد صرت اروح اشتري اواعي ما الاقي على قياسي ،،، وفي يوم كنت اشوف غنية
كارول سماحه (الي شو بدو يصيير) وكنت كتير حابه الحركات الي عم تعملا وحابه اعمل متلاا،،،
وكنت مفكره انا ما عندي اراده بالمره لاني دائماً كنت ارفض اني اعمل رجيم حتى اخواتي كانو يقولوي ولك بس
انزلي عشره كيلوا وبصير جسمك كتير حلو لانك طويله واناا اسمع من هون واطلع هالحكي من الجهه التانيه،،،
اتمصخر على اختي كيف كانت تحسب السعرات الحراريه لما بدا تيجي تاكل او كيف لما بتعمل رجيم تمنع حالها من اشياء ،، اظلني اقولا انتي هبله
ولاني مش متزوجه يقولي مين بدوا ياخدك هيك انت دبه ،، ارد اقولهم والله لو ما بدوا اياني علشان جسمي بلاش ما يجي لاني انا كمان ما بدي اياه...
ويظلوا اخوي واهلي في البيت يتمصخروا علي يقولي حرام عليك وكان اخوي يقولي انت زي الترين ما بنقدر نعرف وجهك من افااااااااااكي،،،
ويــــــــــــــوم
ما بعرف كتير احبطت من وزني وقررت اعمل رجيم واسجل بنادي الرياضه حتى لما سجلت كنت كتيرخايفه اني ما اداوم وهيك تروح فلوس هيك لاني قبل سجلت وما دوامت من الشهر غير 3 ايام... لاني بكره الرياضه بشكل مش معقوووووووووووووول اموت منها ما احبها....
طبعاً كل شي ممنوع لاغيتوا من حياتي
شوكلا لأ ما في ،،، شيبس لأ ما في ،،،، بسكوت لأ ما في
خاصة في بداية الفتره لما كنت اروح على الجمعيه واشوف هالأشيـــــــــــــــــــــاء اموت
طبعاً انا غرامي نسكافيه مع كاففيمت
كمان لاغيتوا صرت اشرب حليب خالي الدسم مع نسكافيه ومن غير سكر وفنجان واحد باليوم واذا كانت
الامور كتير مستعصيه اشرب 2 بس
مع العلم انا قبل كنت اشرب باليوم من 5-6 فنجــاين تصدقوا يا بنات
منعت حالي من كتير اشياااااء متل العشا او الغدا كان رجيمي كتير بسيط حتى في بداية الامر كنت اكون على تفاحه او خسه طوووووووووووووول اليوم بس لما شفت المنتدى صرت اخد منو انواع رجيم،،،
وانا عندي مشكله هي الإمسـاك يعني بقولولي لو ما عندك امساك كنت انزلتي اسرع من هيك بس يلى الحمد الله على كل شي وانا ناويه يوصل جسمي لـ 78 كيلو او 75 بعدين اوقف واصير احافظ على جسمي
صرت الرياضه لو بموت لازم اروح عليها مره ما رحتا هي لما كانت جايتني الدوره ،،، وهلأ لاني بشتغل دوامين بروح الساعه وحده الظهر وبروح على الرياضه ساعه 2 وبروح على البيت 3.30 بتحمم وبرجع اطلع على شغلي مره تانيه ،،،
وازيدكم من الشعر بيت هلأ عندي امتحانات يعني عم اروح على الشغل الصبح وبعد الظهر اروح على امتحاني ولما اخلص امتحاني اروح على الرياضيه بس لاني بدي اضعف والحمد الله بظرف شهر ونص انزلت تقريباً 15 كيلوا وهياني عم اكفي المشوار
والحمد الله بفضل الله وبعدين بفضل ارادتي صرت انوع برجيماتي
انا من النوع ما احب اتقيد اكون كل اسبوع شكل وانا هلأ صار وزني شي 87 والاواعي صارت كتير كبيره علي
ومبسوطه وراح استمر انشالله لآخر سبعه لانوا انا اجازتي اخر سبعه
رد مع الاستدلال
الروابط المفضلة