هلا بيكم خواتي

اليوم رحت لخيبر بالبحرين وشريت جهاز السونا بيلت ب25 دينار وقال لي انه نتايجة مضمونة بحرق الدهون يعني كل استعمال راح ينقص من خصري او ارافي انش واحد(((شكله قص عليي))


لحين ما استعملته صراحة اطالعة واقول مافي فايدة شكلة بس قلت اكيد خواتي بنات المنتدى يعرفون عنه شي

يللا بسرعة ردوا علي لاني ودي استعمله الحين وان شاء الله ماراحت الفلوس خسارة

وسلامتكم

قوة حبيبتي

واللة ماابي اضيق خلقج
بس امي جربتة ومتفادها بالمرة وخطر لان لازم تجطين جل بعدين تستخدمينة (ديري بالج يمكن تلسعج الكهربا)
واللة اعلم

يمكن اخواتي يفيدونك لأني ما أعرف عنه شيء والله يوفقك وينزل وزنك

السلام كنت راح اضيق خلقك واقولك انه ما راح ينفعج بشى بس لما شفت الصورة شكلها نفس الجهاز الى انا جربتة بس انا مو ساونا لا ذبذبات تسوى مساج للمنطقة الى تبينها تخس واهو الى قالت عنةالاخت (الحلاوالطرا )انه لازم احط جل على المنطقة قبل استعماله لانة يلسع .... عموما ابدا ما رد على باي فايدة... هذا الى حبيت اقوله عشان ما تتخربطيين لان شكلهم متشابه وان شاء الله كلنا نصيير رشيقات

كنت اتمنى اني افيدك

اعذريني اختي

بس يمكن اخواتي يفيدونك

للاسف ما عندي فكرة
بس
ان شاء الله البنات يفيدوك
دمتي بود

يا ريتك سألتي من قبل عزيزتي، هم اخترعوا الكثير من الأحزمة وحتى الآن ما سمعت أنه أحد استفاد، وأنا نفسي اشتريت واحد وما عمل شيء. السونا بلت مغري بعد الدعاية ولكن بعد التفكير، بيطلع كلام فاضي. هو مش أكثر من حزام نايلون بيسبب العرق، مثله مثل لف كيس نايلون على الخصر.

أني مقرودة المفروض اسأل قبل ما اشتري بس صاحب المحل أغراني وقال لي انش واحد بكل خمسين دقيقة وخبركم أني اصدق كل شي ومسويه روحي فأر تجارب لكل خلطة وجهاز

يالله شسوي شريته وخلاص

بس البارحة استعملته هو صدق حار ويعرق وايد بس مثل ماتقولون ما له فايدة يعني مثل النايلون


يالله خيرها بغيرها

ومشكورين حبيباتي

وان شاء الله بنصير رشيقات((تحلم البنية))

اوك حبيبتى شدى حيلك

للاسف ماعندي فكره عنه