السلام عليكم كلكم

انا شروق من الكويت عمري 23 سنه وزني 88 و طولي 150 يعتي تقريبا يبي لي اقل شي 30 كيلو

حاسة اني كاره نفسي مو وايد يعني نص و نص ودي اضعف ادري كلنا جذي

لي قصة و سوالف مع الرجييم
في البداية قبل جم سنه كان وزني 80 نزلته مع دكتور لي 69 بعديين مو عاجبني و خليت الرجييم
اسوي اسبوع ارد مرة ثانية و هلم جرا لين زاد وزني الدرجة اللي حدي كرهت شي اسمة مراية
و كرهت شي اسمة سوق كرهت التصوير
لدرجة حتى تخرجي من الثانوية ما حضرت الحفله و السبب مو عاجبني شكلي
و المشكله بعد سنه حفلة تخرجي من الجامعه
و ودي احضرها بأبهى صصورة


عشان جذي قررت اني انزل وزني اقل شي 20 كيلو خلال هالسنه يا لييت احد يبلش معاي و انا راح احط
النظام الغذائي اللي يعطيني اياه دكتور التغذية اسبوعيا
للي حاب يبتدي معاي

( اراجع عند دكتور محمد ربيع )
االاسبوع الاول : ( الخميس 29/6/2006 )

الافطار 1 تفاحة او 2 كيوي + شاي حليب

الضحي عصير

الغداء
1. 1/2 – 1/2 دجاج + طبق شوربة خضار
2. علبة تونة بالزيت كبيرة + سلاطة
3. 6-8 قطع شيش طاووق + سلاطة

المغرب 3 تمرات مع القهوه او فاكهه

العشاء
1) 2 شريحة توست + (قطعه صغيره جبن او معلقة لبنه )+ سلاطة + عصير أناناس + كيوي
2) روب مع خيار و نعناع + عصير أناناس و كيوي
3) روب مع خيار و نعناع + 2-3 كيوي

ملاحظات :
• الاكل ببطئ
• شرب الماء باستمرار
• الحركة
• ممنوع النوم مباشرة بعد الاكل

----------------
اي احد يبي يبتدي معاي يقول لي جم نزل وزنه

ولا يهمك شروق ولا تضايقى حالك وان شاء الله توصلى للوزن الى بتريديه
انا بالنسبه لى اريد ان انزل 20 كيلو وانا من اول الاسبوع وانا ماشيه على ريجيم التمر واللبن وكتير نتايجه ممتازه بس ان شاء الله الاسبوع القادم سوف ابدأ هالريجيم لانه كتير حلو ومتنوع
وخليكى دايما معانا وادخلى كل يوم اكتبى يومياتك وان شاء الله نشجع بعض حبيبتى

مشكورة على الرد
ان شاء الله

و باجر ابتدي اليوميات

شروق ما قريتى مسابقة الرابح الاكبر فيكى تشتركى معانا وريدى روز معانا بردة
وتكتبى يويماتك هناك وكلنا بنشجع بعض
مش حقولك غير انك تيجى المسابقة وتشوفى ولو معجبتكيش خلاص

متقلقيش

اهم حاجه الاراده وبعد كده كل شىء يهوون انتى بس انوى وادخلى اقرى اليوميات بجد بجد دى كفايه للتشجيع

وناس يامه فقدوا وزنهم وناس اكتر بتفقد

ارمى توكالك على ربك

وياريت تبدأى معانا

اتمنى للجميع الرشلقه

ربنا يوفقك المهم تصبرى على النظام وان شاء الله توصلى للى انتى عايزاه

شروقه

مشاءالله اسمك غالي كتير علي

بعدين حبيبتي مشاءالله متابعه مع ربيع مممتاز

كم صرتي نازله لهلاء.؟
انا ربيع كنت اتابع عنده رائع بمعنى الكلمه
بس حاليا عم بعمل رياضه فقط

يالغالية
بقولك حاجه انا من السعوديه ووطولي 170 ووزني 132
بس نصيحه لاتسوين رجيم قاسي وينزلك بسرعه وبكره تطلعينه بسهوله
انا سويت رجيم والحمدالله نزلت تقريبا 27 كيلو وصار وزني الحين 105 ومستمره ان شاء الله لحد مااوصل لوزني المثالي
وراح اقولك رجيمي واستمري عليه وان شاء الله راح تنحفين صحيح بطئ بس انه صحي
اول شي لازم قبل ماتفطرين تشربين علبه مويه اللي بريال وبعدها افطري بربع ساعه خذي ساندويش بر مره معاها يا ملعقتين لبنه او ملعقتين جبن او 4 ملاعق عدس او 4 ملاعق فول او 8 ملاعق كرون فلكس او 4 حبات شابوره مع حبه
مع حبه فاكهه او انك نصف عصير طازج او حبتين تمر
بعدها بساعتين تاخذين وجبه خفيفه ياانك تاخذين فاكهه او انك تأخذين كوب زبادي مع 3 حبات بسكوت غير محلى
والغداء تاخذين نفس الشي ساندويش او حبتين بريد مع ربع دجاج او حبتين صغار سمك او 7 حبات ربيان او تونه مصفيه من الزيت فاكهه او نصف عصير طازج
واذا ماتبين خبز تاخذين بدله 8 حبات رز
وبعدها بساعين او ثلاث تاخذين وجبه خفيفه حبتين فاكهه
والعشاء نف الفطور بيكون
وبعدها تاخذين وجبه خفيفه يافاكهه او كوب زبادي او كوب لبن
واستمري وربي راح يوفقك وراح ينزل وزنك وان شاء الله مراح ترجعينهم لانه رجيم صحي ولانه مو سريع
وياليت لو تمشين ساعه كل يوم وهذا شي اكيد يساعد على تخفيف الوزن وان قدرتي رحتي نادي يكون مره تمام
وتمنياتي لك بالتوفيق وعقبال ماتوصلين للوزن المثالي
اختك اهاااات مجتمع