السلام عليكم ورحمة الله وبركاته
صراحة حابة افهم واسالكم عن شغلة محيراني
خطيبي الله يخليه ويحميه يارب
بيحب السكريات والحلويات كتير
وماببين فيه يعني رفيع جسمو ومابيصاب بالسمنة
بس موهي القضية
القضية انو حكالي انو في تاريخ العائلة بينقسمو نصين
نص مابيحب الحلويات
ونص تاني بيحب الحلويات بشكل غريب
والنص التاني هادا ثبت انو اغلبو بيصاب بالسكر
يعني في تاريخ وراثي مرضي بالعيلة
فهالاشي انا حاطاه بالبال كوني انا راح اكون مسؤولة عن غذاؤو لمانتزوج إن شاء الله
ومع علمي بهالقصة
انا بدي احاول اخففلو الحلويات كتير
بس بنفس الوقت مابدي احرمو من الاشي الي بيحبو
يعني اناحابة استفسر منكو ::::::::::
كيف اراعي هالتاريخ المرضي بعيلتو وحبو للسكريات؟كيف اعمل على نظام غذائي بعيد عن السكريات وبنفس الوقت مااحرمو منها
هوة مش عنيد ولافجعان يعني لوماحد عملو حلويات مابياكل
بس انا موحابة احرمو
وبنفس الوقت بدي اجنبو احتمال اصابتو بهالمرض بعيد الشر عنو يارب
كيف احقق هالاشي؟شوممكن انواع طعام او كيف اعمل حلويات بس اراعي عدم تاثيرها عليه مستقبلا؟
هل سكر الموجود بالعسل والفواكه الو نفس التاثير تبع السكر الصناعي وسكر الحلويات والشاي؟
بالمختصر كيف تفتكرو انا يكون طريقة اكلنا وقصة الحلويات؟؟؟؟؟؟كيف احميه من انو يصاب بهالمرض بعيد الشر؟
فيه انواع سكر ماتضر؟ماتاثر؟الفاكهة شوتاثيرها؟
معلش طولت وشرحت كتير بس انا بدي تفهمو قصدي
فاتمنى الي الو خبرة بهالمجال او دكتور او تخصصو قريب من هالاشي يحكيلي ويساعدني
والي مثلا كان الو حالة مشابهة وكيف تعامل معها؟
بالنهاية انا لو احتاج الامر ماياكل سكر ابدا ماراح اخليه ياكلو لانو الاهم صحتو وسعادتو وراحتو
اتمنى ماتقصرو معي ارجوكو ساعدوني
كل الشكر والتقدير والاحترام والدعوات للي راح يساعدني

تعالي يا حلوه انخطبتي وما عرفت وين الحلوان ههههههههه انا اذا مش غلطانه مش انتي سوسو اللي من غزه صح
اذا هي ياعيني بعرفك بس انتي ما بتعرفيني شوفي توقيعي وبتعرفي اسمي
طيبي شوفي يا حلوه انا في في عيه زوجي وعليه اهلي مرض السكري وهو مرض بعتبرع عادي بس الواحد يهتم باكله وما يكثر حلو ونشويات
شوفي اعملي كل اشي بيحبه خطيبك بس الاكل باعتدال يعني قطعه اثنين وممكن تخففي نسبه الحلو في الاكل
مثلا الكيك بدل ما تحطي لكل كوبين دقيق كوبين سكر حطي كوب ورح تطلع نفس الطعم انا هيك بعمل
مثلا القطايف والعوامه والكنافه وهالحلى اللي بيكون معبى قطر بدل ما تغرقيه بالقطر ممكن تصبي عليه شويه قطر
والاشياء النشويه البطاطا والمعجنات ممكن نخفف منهن او نعمل المعجنات بدقيق اسمر
والشاي والقهوه تكون سكر خفيف
وبتعرفي اللي ادهى من الحلويات هي العصبيه هي اللي بترفع السكري في الدم
وسلامات يا حلوه وياويلك لو ما عرفتيني

اسمعي اختي تكدرين تعملي كل الي يحبه عن طريق نوع السكر الدايت الي متوفر بكل الاسواق وهذا يستخدمه اصحاب الرجيم وامراض السكري والوالده الله يديمها نعمل لها الحلوى ونضع لها من هذا السكر بدل السكر الصناعي وقلت الك انو متوفر اسمو سكر دايت لاهل المرض والرجيم بالاضافة الى وجود انواع من الشكولا موجودة بالاسواق وهي ايضا يكتب عليها دايت لاهل المرض السكري وفي علكة كمان من الدايت وفي بلدي ايس كريم ونساتل وغير اكلات كلها دايت الي يكون سكرها غير الصنااعي وهو يكون على سعرات حرارية واطيه جدا جدا وحلو المذاق ايضا وطعمة ما راح يفرقة الشخص عن الصناعي وكمان في رز دايت بس شوي غالي ايضا لاهل المرض السكري لان الرز مثل ما تعرفي فيه نشويات وتتحول الى سكريات بعدين بالجسم يعني ايضا مضر الرز لاهل السكر والله يشفي كل المرضى

بتقدري حبيبتي تعملي له حلويات من سكر اسمر
او تشتري له حلويات وسكاكر خاصه بمرضي السكري والحميه

وكمان الاهم لازم ينتبهه للاكله

خصوصا انه عندهم استعداد للسكري لاسمح الله

بتعرفي النفس مابتطاوع بكل شي هي بتحبه لازم نعمل كونترول