كتبت بواسطة didy

انا اكلت شوية العيد ده يالا شدو حيلكم
rony_alx بالنسبة للموز و اللبن بحس انه تقيل وبيتشرب بصعوبة ايه رايك
ممكن نجيب حبوب الخميرة و نخدها و لو انى اخدت علبتين قبل كده و معملتش حاجة بس ممكن تكون عامل مساعد و خلاص
وانتى طيبة يا احلى بنت

السلام عليكم ازيكم يابنات كلكم ديدي روني واهلا charming منورانا والله بصو يابنات هيكون في شيء اساسي بينا هو اننا نلتزم ونوعد بعض اننا هناكل كويس ونلتزم بالكلام اللي هنقوله لبعض انا عايزه يكون عصير الموز باللبن شيء اساسي قبل النوم او لبن وكاكاو او لبن وعسل زي ماكل واحده تحب انا عن نفسي هستخدم موز بلبن ولو مفيش موز هيكون كاكاو ولبن وملعقه لبن بودره وكمان ياروني حكايه الخميره قصدك حبوب الخميره ولا الخميره العاديه هي فعلا تاخميره جميله جدا انا دايما جدتي كانت تقولي كلي خميره وانتي تتخني وسمعت كمان في منتدي ان الخميره مع الزبادي بتخن يعني نجيب كوب زبادي ونحط عليه خميره وملعقه سكر او عسل وناكل انا عايزه في النظام يكون موز بلبن خميره وزبادي ده هيكون شيء اساسي في نظامنا ايه رايكم وزي ما charmingبتقول عايزين نتفق علي نظام غزائي ايه رايكم لو موافقين ناخد نظام ديدي اللي كتبته عرفوني بسرعه عشان نبدا مع بعض وانا في الانتظار

انا سوف ادك على العلاج يا رشا اولا باستمرار خذى معلقتين من العسل الابيض يوميا قبل الافطار وايضا كترى االوجبات ولو عرفتى تعثرى على المفتقة (الحلاوة السودة) يكون احسن وايضا النحافة لها امراض نفسية لوعملتى هذه النصائح لا يكو نلها تاثير الا عندما تتعالج حالتك النفسية والسلام عليكم ورحمة الله وبركاته

charming girl اهلا بكى معنا فى رحلة الكفاح وفكرتك حلوة (وافضل لو وحده منكم تحط نظام غذائي نمشي عليه كلنا احسن من الحبوب ونسأل بعض كل يوم اتبعتي النظام ولا لا واذا فاتك شي عوضيه بكره وبكذا نحمس بعضوبنهاية الشهر كل وحده تقولنا كم زادت كيلو واذا ما زدنا بنهاية الشهر غيرنا النظام الغذائي لنظام ثاني) وكنت عايزة اقول كده برضه وياريت تقوليلنا سنك ايه
رشا انا عندى نظام كمان خاص بمعهد التغذية و هو كويس وايضا امثلة للوجبات البينية(بين الوجبات الرئيسية)وارشادات
وهنزلها دلوقت وبعدين نختار افضل العناصر ونكون نظام خاص بينا اوكيه

النظام الخاص بمعهد التغذية:


بعد كل وجبة تناولى:
نصف معلقة من الخميرة النشطة الجافة على ربع كوب لبن

قبل الافطار:
كوب من الكراوية المحلى بالسكر(مهدئ للمعدة وبيساعد كتيرفى رأيى)

الافطار:
كوب من اللبن المحلى+بيضة اومليت
مثلث جبن او مربع
بطاطس مقلية طبق صغير
رغيف بلدى
شرائح من الطماطم

الساعة 11 :
كوب من الزبادى بالفواكه او اللبن بالفاكهة فى الخلاط(مكون من كوب لبن+موزتين)+كيك او بسكويت

الغداء:
طبق من الارز او الفريك المفلفل بالسمن
طبق من الخضروات المطبوخ
طبق من سلطة الطحينة او البابا غنوج
قطعة كبيرة من اللحم او السمك
رغيف عيش بلدى

الفاكهة بعد ساعة:
موز-عنب-مانجو-بلح-خوخ-بطيخ-اناناس-كنتالوب

الساعة 6:
كوب من الحلبة بالعسل الاسود
او كوب من المغات+كيك او بسكويت

العشاء:
كوب من الزبادى+اربعة شرائح من الجبن الرومى+2 عيش فينو+10 وحدات من الزيتون الاسود

قبل النوم:
ملعقتين من العسل النحل على زهور حبة البركة

الوجبات البينية الخفيفة:


اللبن الحليب يشرب:
1-لوحده مع عسل النحل او العسل الاسود
2-مع الموز-فراولة-جوافة-كنتالوبمع اضافة السكر
3-مع الكاكاو ساخن او بارد(مع اضافة السكر)

الجبن:
الشيدر-الرومى-المربعات-المثلثات بدون عيش او بعيش طازج

الفواكه الطازجة:
1-تشرب عصائرها الطازجة بعد تحليتها(عسل نحل-سكر)
2-تؤكل مقطعة كسلطة فواكه مشكلة

الفواكه المجففة:
البلح او العجوة بالسمسم او اللوز او السودانى
المشمشية-التين البرشومى(اللى بقولكم عليه)-القرصيا-قمر الدين-الزبيب
تؤكل جافة لسهولة الحمل او منقوعة فى الماء و السكر


المكسرات:
الفول السودانى ثمن كيلو كل 3 ايام-الحمص الاصفر-الحمص الملبس

المخبوزات:
الباتيه-الدنش-الكرواسان-كيك بسمسم-بسكويت بالزبدة-بسكويت بجوز الهند-كعك بالسمسم-كعك بالملبن-كعك بعجوة

الزبادى:بالفواكه او بالعسل النحل

الحلويات:
الشيكولاته-البسكويتات-الايس كريم-ارز باللبن-كريم كراميل-وجميع الحلويات الشرقية من كنافة و بقلاوة و بسبوسة0000الخ-جاتوه-كيك-كيك بشربات وجوز هند

ارشادات علاج النحافة:

1-الاستيقاظ المبكر و بدء تناول الطعام مبكرا يشجع العصارات و الهضم و الامتصاص الجيد

2-الانتظام فى تناول الوجبات بحيث:
وجبة الافطار انتهى منها على اقصى تقدير على الساعة العاشرة
وجبة الغداء انتهى منها على اقصى تقدير على الساعة الرابعة
وجبة العشاء انتهى منها على اقصى تقدير على الساعة العاشرة

3-يجب عدم تناول السوائل قبل او اثناء الوجبات حتى لا يقلل من تناول الطعام و يسمح بالشرب فقط بعد الوجبات

4-عدم زيادة المواد الدهنية(القشدة-الزبدة)اثر من اللازم لانها تؤدى الى حدوث اسهال كذلك تناولها فى بداية الوجبات لانها تقلل من الشهية للطعام

5-تناول الفاكهة يكون افضل بعد حوالى 3 ساعات من الوجبات الرئيسية

6-تعتبر الراحة هامة جدا وينصح بالاسترخاء مدة 1-2 ساعة فى منتصف النهار يوميا(نوم القيلولة)

7-ممارسة الرياضة البدنية الخفيفة بانتظام(مشى لمدة نصف ساعة يوميا)لانها تساعد على فتح الشهية

8-عدم تناول المنبهات(الشاى والقهوة)وضرورة التوقف عن التدخين

9-تناول الطعام ببطئ لانه يساعد على الهضم و الامتصاص الجيد

مشروبات تساعد على فتح الشهية:

النعناع-الكراوية-الحلبة-الشيح البابونج-القرفة
كوبين من المشروب دافئ او بارد يوميا

العلاج بالالوان:
1-اللون البرتقالى هو احسن الالوان لتنبيه الشهية و تخفيف التعب

2-استخدام مفارش الطعام باللون البرتقالى

3-تناول مشروب برتقالى اللون مثل:البرتقال-مشروب قمر الدين-مشروب الجزر

4-تناول السلطة المضاف لها بشر الجزر

5-تناول اطباق مهلبية قمر الدين

6-اللون الاحمر يساعد على تنبيه براعم الذوق فى اللسان

7-تجمل اطباق السلطة بالفجل الاحمر0جربى سلطة البنجر0

ارجو الدعاء لى

السلام عليكماشكرك ياديدي والله جميل مجهودك انا عارفه اكيد ايدك وجعتك من الكتابه حلو النظام بتاع معهد التغذيه انا واكيد كل البنات هنعمله وننفزه وربنا يقدرنا يالا يابنات شدوا حيلكم كلكم روني charming وكل البنات وهنبدا من اول بكره انا عن نفسي هبدا واوعدكم اني هحاول علي قد ماقدر اني انفز كل الخطوات وربنا يعينا ويوفقنا وبشكرك تاني ياديدي اوي علي جهودك ويااااارب يحقق لنا كل منتمناه خلاص يابنات من اول بكره انشاء الله مش عايزين كسل ومش عايزين حد ياجل وكل واحده تدخل وتكتب هي عملت ايه يارب نفسي يكون فيه امل المره دي

السلام عليكم ورحمة الله وبركاته

ازيكم يا احلى بنات يارب تكونه كلكم بخير وان شاء الله تكونه تخنتم شويه

ازيك يا احلى رشا فعلن يا قمر انا اقصد الخميره العاديه اللى من عند الفرن العديه

مش الحبوب

وازيك يا ديدى مرسى جداااااااااا جدااااااااا على مسعدتك لينا جزاكى الله كل خير انا

ححاول امشى على النظام بتاعك يارب قدرنى اكل كل ده

بس ده اكل كتير جدااااا يارب اقدر اكل

وعيزه اسالك حاجه لو ينفع ابد كل العيش البلدى بعيش فينو لانى مش بحب العيش البلدى خالص

وانا بحب مع الفطار والعشاء اشرب شاى بلبن فينفع اشرب شاى بلبن وبعد شويه ابقى اشرب العصير


واهلن بيكى charming اخت جديده معنا

وخلاص يا رشا يا بنات انا ححاول امشى على النظام ونشجع بعض وححاول اقوم بدرى

وانا كتبت اجدول

كتبت بواسطة رشا المصريه11

السلام عليكماشكرك ياديدي والله جميل مجهودك انا عارفه اكيد ايدك وجعتك من الكتابه حلو النظام بتاع معهد التغذيه انا واكيد كل البنات هنعمله وننفزه وربنا يقدرنا يالا يابنات شدوا حيلكم كلكم روني charming وكل البنات وهنبدا من اول بكره انا عن نفسي هبدا واوعدكم اني هحاول علي قد ماقدر اني انفز كل الخطوات وربنا يعينا ويوفقنا وبشكرك تاني ياديدي اوي علي جهودك ويااااارب يحقق لنا كل منتمناه خلاص يابنات من اول بكره انشاء الله مش عايزين كسل ومش عايزين حد ياجل وكل واحده تدخل وتكتب هي عملت ايه يارب نفسي يكون فيه امل المره دي

ميرسى ربنا يخليكى و اى تعب يهون فى سبيل موضوعنا و استفادة الجميع
وانا هبدا كمان من بكرة علشان نمشى مع بعض
سلام

rony_alx ياريت تحاولى تاكل العيش البلدى لانه مفيد جدا اكتر من الفينو
وبالنسبة للشاى باللبن وبعدين عصير تمام
يالا ابدئى معانا من بكرة