يعتمد هذا الرجيم4 مراحل اساسيه ومده كل مرحله مابين اسبوعين الى اربع اسابيع ويعتمد على الاكل بمعني متى ماحسيتوا بالجوع اكلوا عادي وحتى مسموح لنا ناكل المقليات وتصورا كل مااكلتم راح ينقص وزنكم ( وهذا المطلوب )2" class="inlineimg" />
كتاب الدكتور مقسم لفصول واول فصل يتكلم عن تجربة اللي طبقوا الرجيم
والله يابنات في دكاتره وكبار وجراحين مشوا على هذا الرجيم ونزل وزنهم بدرجه كبيره وكلهم يشكرون الدكتور حسين دشتي لانه ساعدهم بانزال وزنهم
وفي شي للي فيهم مرض السكري : واحد يقول كان ياخذ علاج الانسولين مرتين باليوم ولمده 15 سنه ومن اول ماطبق هذا الرجيم صار مايستخدم الانسولين تدروين ليش؟؟ لان هذا الرجيم ضبط نسبة السكر بالجسم وماصار يحتاج لاخذ جرعات الانسولين ( والله يابنات هذا الشي صحيح واختي جاها سكر الحمل وثبت عندها وتقول الحين ماتاخذ الابر كلش لان السكر طبيعي مثلناوحتى امي فيها السكر قبل لاتمشي على هذا الرجيم كان عندها بين 450 ولا 400 واذا نزل كلش يعني بعد ماتاخذ الانسولين يصير 350 والحين الحمدلله صار 93 تصوروا واهي ماصار لها اسبوع من بدت بالرجيم )
في ملاحظه قال الدكتور عنها واهي مانصدق كل شي مكتوب على الاكل الجاهز مثل اذا كتبوا لو فات مو صج لازم نتاكد وشلون نتاكد؟؟نقرا النشره للمكونات اذا فيها كربوهيدرات ولا نشويات ولا سكريات طبعا هذي المواد ممنوعه برجيمنا.
انا ببدي اتكلم عن المرحلة الاولى لاني للحين ماخلصتها واذا حبيتوا تعرفون باقي المراحل خبروني...
اولا الممنوعات :
لازم نمتنع عن اكل بعض الاشياءمثل:
1 : منتجات الالبان والحليب (ماعدا الاجبان والكوفي ميت للنسكافيه).
2 :كل انواع الكربوهيدرات مثل المكرونه والخبز والرز والنخاله والبرغل
3 :السكريات والحلويات بكل انواعها.
4 : الحبوب والبقوليات مثل الفول والحمص وغيرها ...
5 : ممنوع اكل الجزر والبطاطس والشبس والكاتشب .
6 : الفواكه بكل انواعها ( لانها تتحول لسكريات بالجسم).

الدكتور شرح بكتابه عن اضرار هذي المواد وانها تسبب السمنه وهي ان هذي المواد تتحول بالجسم لشحوم ودهون والمشكله انها تتراكم باماكن مثل الارداف والبطن واهني صعب الجسم يحرقها بسهوله الا لما نقوم بمجهودكبير مثل الرياضه هذا عكس المواد الدهنيه اللي الجسم يحرقها بسهوله وبمجرد الاكل تتحول لطاقه وتصوروا حتى واحنا نايمين الجسم يحرق هذي الدهون يعني اجسامنا تكون شغاله واحنا نايمين.

ثانيا المسموح اكله :

مسموح باكل كل شي تقريبا ماعدا اللي كتبتهم بقائمه الممنوعات مثلا :
1 :مسموح اكل اللحوم( دجاج ولحم) بكل انواعهامثل الكفته والبرجر والكبه بدون برغل والستيك والكباب سواء كانت مقليه ( وهي الافضل ) او كانت مشويه ولا مسلوقه.
2 : مسموح اكل البيض بكل طرقه المقلي والمسلوق(الاومليت والشكشوكه ).
3 : مسموح اكل شرائح اللحم الباردمثل المرتدلا والديك الرومي والهوت دوج .
4 : مسموح باكل الاجبان بكل انواعها مثل الجبن السائل ( كرافت وبوك) وجبنة الشرائح وجبنة المزرولا والجبن المالح مثل فيتا وجبن البقرات الثلاث .
5 : مسموح باكل زبدة الفول السوداني باي وقت .
6 : الخضراوات بانواعها ماعدا الجزر ( لان فيه نسبة سكريات ) والبطاطا ( لان فيها نسبة كربوهيدرات ) يعني مسموح بالخس والجرجير والخيار والطماط والفلفل الرومي ( البارد ) والبقدونس والملفوف والزهره والمشروم ..
7 : ممكن شرب النسكافيه بس بشرط يكون بدون كافيين ( اقصداللي بالقهوه ) ونضيف الحليب الكوفي ميت عادي مسموح .
8 : مسموح شرب الشاي( بدون حليب )والاعشاب الشعبيه مثل المريميه والبابونج والزعتر وغيرها...
9 : استخدام السكرين كبديل للسكر .
10 : مسموح باكل المايونيز .
11 : مسموح استخدام زيت الزيتون والزيت العادي والزبده .
والحين بقولكم عن تجربتي انا واهلى للرجيم هذي :
مثل ماانتوا شايفين الرجيم منوع اللهم ماعدا بعض المواد اللي ممكن نستغني عنها .
انا الحين صار لى تقريبا 13 يوم من بديت بالرجيم وبصراحه احس غير من حياتي باشياء كثيره ونزلت بالايام هذي تقريبا 5 كيلو وطول الوقت احس بالشبع يعني مااشتهي اكل . مرات لما نسوي اي رجيم مع ان وزنا ينزل بس بالشكل مانكون ضعفنا ولا احد لاحظ علينا شي بس بالرجيم هذا اذا نزلتي كيلو عباره عن كيلوين والاهم مو بالوزن الاهم بالشكل والقياس بالمتر والكل لاحظ على هذا الضعف بشكل كبير ..
هذا الرجيم للي يحبون الاكل وخصوصا اكل اللحوم لان مسموح لهم باكل الكميه اللي تكفيهم يعني ماقيدني هذا الرجيم بكميه معينه .
وعني انا كنت احب ابتكر بالوجبه عشان ماامل وازهق مثلا كنت اسوي الاومليت مع الجبن ، وكنت بوجبه ثانيه اقلي المشروم واحط معاه اشوي مايونيز ، وبعد كنت اخذ الهوت دوج بعد مااقطه واطبخه مع البيض ، اما عن الدجاج واللحم اكثر شي مشوي بالنسبه للدجاج ومرات مقلي وبالنسبه للحم طبعا يكون ستيك ومقلي

جزاكى الله كل خير

هجربه واقولك على النتيجه

تسلمى حبيبتى هجربة واقلك النتائج

أهلين حبيبتي...

صراحة الرجيم شكله حلو وسهل...

يعطيك العافية ...وان شاء الله أجربه...

أسمحي لي بنقل الموضوع لركن الرجيم..

ياااااااااااااااااااااااه لو كل الريجيمات كدة ما كنش حد غلب هجربة واقولك لكن خدى بالك الريجيم دة فيه حاجات كتير ممنوعة مفيدة للجسم وصحته يغنى مش المفروض تستمرى عليه فترة طويلة

أنا رح أستنا و أشوف النتائج لانوا بصراحه و بشكل منطقي المسموحات هي فعلا من الأغذيه الي بتساعد الجسم على تخرين الدهون و تحويل كتير من الأغذيه المسموحه الي طبقات دهون بس برضه أنا حابه أشوف سو رح يصير مع الأخوات......يلا لا تنسوا تخبرونا سو بصير معكم good luck for everybody inshallah

بنت عويص..
جزاك الله خير على الرجيم الحلو ....

نفسي أجربه بسسسسسسسس أحس أنو في أشياء كثيره تزيد الوزن وأولها الزيت..


ممكن تحطي المرحل الباقية بسرعة؟

بنت عويص..


يعطيكي العافيه الف شكر لكي


ونشالله راح اجربه


يسلمووووو

شكرا على جهودك الرئعه .. الي تجربه تقولنا وش صار معهااا بليزز..

بصراحة بصراحة دى حاجة حلوة خالص تاكلى كل دة وبده تخسى والله انا ماشيه على نظام تركيبة بمعنى اخذ من كل ريجيم حاجة وامشى عايها وشى اساسى الرياضة