السلام عليكم و رحمة الله و بركاته .... الأخوات العزيزات بداية احييكم على الروح الرائعه اللي في منتداكم حقيقي انتم لطاف جدا مع بعض و حاسه ان كلامكم احيانا طبطبه على بعض انا على فكره اول مرة اكتب في منتدى بس متبعاكم و بقرأ من الأرشيف موضوعات مختلفه كلها من ركن التغذيه عشان انا عندي مشكلة الوزن الزايد اوي ...
المهم سؤالي بدون ما اطول عليكم اكتر من كده هو هل حد عنده معلومه عن ابن البيطار و اعشاب البحر اللي بيبيعها انا اشترتها و بعدين اصابتني دوخه منها شديده و العطار اخبرني انها حتخف و انها علامه جيده و دا معناه اني بجيب نتيجه المهم الدوخه مخفتش و انا مكملتش عشان هو منعني تماما من الحلويات و مقدرتش اصبر على بعدها خصوصا ان مفيش يوم تبويظ يعني لو بدأت المفروض اني اقاطع الحلويات 3 شهور على الأقل عشان انا عاوزة اخس 30 كيلو ...ايوة 30 كيلو ياله كلها حاجات بسيطه المهم انا مش عارفه ابدأوا تاني والا لأ و انا كنت عاوزة اسأل حد سمع عنه اي حاجه او حد جربه و شكرا ليكم كلكم مقدما و ربنا يوفقكم جميعا و يباركلكم
الروابط المفضلة