خواتي حبيباتي صباح الخير
اليوم قررت أبتدي رجيم ، بعد ما تعبت من الأكل وزيادة الوزن إلى رايحة تصعد وما ادري لوين باوصل :
المهم بعد ما شفت هذا الحال ومعاير ابو العيال قررت قرار لا رجعة فيه ، اني لازم انزل وزني
وقعدت أدور في أوراقي القديمة (خبركم مشواري طويل مع الرجيم)
المهم لقيت الكنز ، وهو كتاب كيف تتخلص من السمنة للدكتور عبدالرحمن مصيقر واللي سبق وطبقته لاكن لم استمر فيه
رجيمه صراحة وايد حلو ، ومو قاسي ولا كيميائي ويعتمد على تخفيض السعرات الحرارية في الأكل فهو يحتوي على أربع قوائم
القائمة الأولى : تعطي 1000 سعرة حرارية ونستمر عليها ما بين 2 - 4 أسابيع وتنزلج ما بين 4-6 كيلو
القائمة الثانية : تعطي 1200 سعرة حرارية وتستمر عليها لمدة شهر
القائمة الثالثة : لمتوسطي السمنة وتعطيك 1500 سعرة حرارية
القائمة الرابعة: تعطي 1800 سعرة حرارية وتستمر عليها إلى ان توصل للوزن المثالي:
ها بنات اشرايكم اللي تحب تشارك تكتب كل واحدة وزنها وبنية جسمها صغيرة أو متوسطة أو كبيرة وراح اعطيها الوزن اللي لازم توصل لها وباحط القوائم تباعا كل يوم راح اكتب قائمة جديدة ، ومن مزايا هذا الريجيم انه فيه بدائل كثيرة يعني ان شاء الله ماراح نتملل
ويلا بينا نبتدي أول خطوة في مشوار الرشاقة
الروابط المفضلة