بسم الله الرحمن الرحيم
السلام عليكم ورحمة الله وبركاته
والله احلى شيئ لما تدخلي محل ملابس وتطلبي أصغر مقاس ! شعور رائع جدا !!
كان وزني 78 كيلوجرام ثم أصبح 50 كيلو جرام !!!
أهلا حبيبات قلبي ، حبيت أقولكم على تجربتي الشخصية واللي غيرت حياتي للأبد ، الحصول على جسد رشيق وقوام
ممشوق كان من أحلى الأشياء اللي حصلت بحياتي ، أنا أقولك كيف....
أنا واعوذ بالله من انا جربت ريجيمات كثيرة وقرأت الكثير من الكتب وكل دكتور ومؤلف يجي يتفلسف ويحط كتاب
والناس مساكين بيشتروا ، انا ماأحط من قيمة الكتب ولا قيمة المؤلفين ولكن انا اقولك فتشي في عقلك عن الكتاب
المفقود اللي انت ناسيته قبل اي شيئ ، الوحدة مننا تتبع ريجيم معين او انها سمعت عن طريقة معينة فتروح تتبعها املا في الحل السريع ، انا ماسبت ريجيم الا وجربته وانا اقولك تجربتي بصراحة حتى لا تيأسي وتقعي في نفس الأخطاء وتمرضي نفسك ويجيلك احباط ، كثير مارسوا انواع مختلفة من الريجيمات ووصلوا لحالة تسمى بحالة ثبات الوزن وماصار ينقص وصارلهم احباط ووقفوا ، كثير ملوا من روتين الريجيم وطفشوا ، انا اقولهم مش بالضرورة انكم تتعبوا نفسكم بجدول معين.
راح أذكر لك ريجيمات كثيرة منها الريجيم الكيميائي وريجيم الماء والسوائل والريجيم حسب نوع الجسم وريجيم الفواكه وريجيم رمضان وووووالخ .... وكلها وبدون زعل ( كلام فاضي ) وبعدين مش كل الناس زي بعض ولا جسمك يشبه جسمي صح ولا لآ؟
بعد تجارب عدة ومئات المحاولات وصلت للهدف اللذي طالما تمنيته وانا اعطيكي الخطوات هذي اللي اتبعتها وماراح
تكلفك الكثير ، الكل بإمكانه يعملها وسهلة جدا !!!
الخطوة الأولى
أولا : شيئ تزرعيه بداخلك هو الإرادة والهدف ، حطيه في دماغك واكتبي ورقة وعلقيها قدامك كل يوم تقرأيها ، اعملي لنفسك غسيل دماغ بأنو لازم تنحفي واذا أكلتي كثير حتمرضي وحتتعبي وتفاءلي دائما لأنو لما تشعري بالإرتياح نحو جسمك جسمك سيتفاعل معاكي .
ثانيا : اجلسي جلسة تأمل وتأملي جسمك وعاتبي نفسك انتي السبب في الحالة اللي وصلتي لها الآن ، فكري انك لما ولدت في هذه الدنيا ربنا خلقك في أحسن صورة وانتي اللي تسببتي في هذي الحالة فلا تشتكي لأنك المسبب وليس السبب !
ثالثا : هذي الشحوم اللي تكومت سنين مستحيل تروح في يوم وليلة او اسبوع او حتى شهر، لازم تستمري فترة لا بأس بها ( طويلة نسبيا )حتى ترين النتيجة بإذن الله والوزن كل مانقص ببطء أحسن من إنه ينقص بسرعة وابعدي تماما عن أدوية التخسيس والكلام الفارغ هذا ، مافي زي الرياضة والتمارين الرياضية أحسن دواء ولمعلوماتك هناك ادوية خطيرة جدا تتسبب بفقدان سوائل مهمة من الجسم وتتسبب بذوبان شحوم مهمة حول الكلى والكبد فتسقط وتصير مشاكل لا تحمد عقباها.
رابعا : كثير بيمارسوا الرياضة عشان ينحفوا وبعد ماينحفوا يبطلوها ، انا اقولك لازم تمارسي الرياضة طول حياتك وماتبطليها أبدا حتى لو نقصتي فالحركة بركة ، خلي الرياضة موضوع حياتك وشغلك الشاغل ، اذا عندك اكتئاب قومي تحركي وما تروحي تفشي غلك في الأكل ، قومي بأعمالك المنزلية بنفسك لا تنتظري الشغالة !!!
خلي حركتك اكثر من أكلك .
الخطوة الثانية
مارسي حياتك ونشاطاتك بشكل عادي وكلي الأكل العادي اللي انتي متعودة عليه ولكن :
- لا تاكلي الا لما تحسي جوع يعصرك ، ولا تشربي الا لما تحسي عطش يلسعك ! ( لا افراط ولا تفريط ) .
- أعطي لنفسك ولمعدتك الوقت لإتمام العمل ، يعني بين كل وجبة وأخرى ساعتين على الأقل لتهضم معدتك الطعام. يعني احنا تعبانين طول الوقت لأن معداتنا شغالة تهضم طول الوقت ماترتاح !
-ابعدي عن السكر والملح للأبد والغي هذي السموم من حياتك . ( نفسك في حلى حلي بفواكه ) .
-حاولي بقدر الإمكان انك تقومي من الأكل قبل ماتشبعي تماما وخذي البديل الصحي اذا كان متوفر يعني مثلا كلي
خبز كامل بدل الخبز الأبيض والأرز البني الكامل بدل الأرز الأبيض المقشور .
-ماأوصيكي في السلطات ، كلي لما تشبعي منها .
-ابتعدي عن طعام الأسواق والمطاعم قدر الإمكان .
- استبدلي المقليات بالمشويات .
- حاولي انك تطبخي انواع الحساء المختلفة بالبيت وياحبذا لو كانت بالخضار فهي مفيدة جدا .
- اذا كنت معزومة لحفلة او مناسبة ماأقولك لا تاكلي ، انا أقولك ( تذوقي ) وعندما تتذوقين شيئا ليس معناه ان تأكليه كله !! انتبهي ! يعني تاكلي شي بسيط عشان ماتحرمي نفسك بالمرة خصوصا لو كانت معجنات او نشويات دسمة او حلويات .
-في وقت العصرية او بين الوجبات اذا حسيتي جوع ممكن تاكلي سلطة فواكه انتي تعمليها بالبيت او بعض المكسرات
- بعد صلاة المغرب لا تتعشي ، نامي بدون أكل ( اذا حبيتي ممكن كوب موية او زبادي قليل الدسم او كوب حليب
دافئ او عصير طازج معصور بالبيت ) ريحي معدتك 12 ساعة على الأقل .
استيقظي واصحي !
ابدأي بسم الله ايش تنتظرين ؟؟ ، خلال 6 شهور من الإنتظام بالشكل الطبيعي السلس حسب حياتك سترين النتيجة الباهرة والوزن اللي نقصتيه ماراح يرجع بسرعة زي أول ! صححي حياتك ! ولا تتأففي ولا تقلقي ولا غيره أسهل من كذا مافي !
واعلمي انه 6 شهور حتعدي حتعدي فإيش أحسن تعدي وانتي زي ماإنت ولا تعدي وإنت عملت شي وتغيرت عشان نفسك أولا وأخيرا ؟!؟ اسألي نفسك بصراحة؟
يقولون اسأل مجرب ولا تسأل طبيب !
أخيرا على قول وحدة الله يذكرها بالخير :
افطري فطور أمراء ، وتغدي غداء فقراء ، والعشاء اهديه لعدوك !
تمنياتي لكن بالصحة والعافية ، آمين !
الروابط المفضلة