يعني انتي ياطيووووف
ما تجيبي مواضيع الا تيجي على الجرح
واللي يقولك مشكلة اعظم وانأح من هاي
انا مقاس قدمي تقريباً 43
لاتضحكوا هاااه اموتكم
المشكلة اني ما اجد مقاساتي في السعودية
الأول كنت اروح الإجازات امريكا >>>>>>>>لاتفرحون .. لأن اخوي هناك يدرس
طبعاً اجيب لي تموين لسنة او سنتين
ونفس الشي اذا نزل اخوي يجيب لي كم جزمة
رجع اخوي وابتدأ العذاب >>>>>>>>>>>> قصة فلم هندي جديد
طبعاً عندنا في السعودية المقاسات مش متوفرة
اللي انتي تتغلين عليهم اتمنى احصل واحد منهم
انا طلبي الصنادل الطبي المريحة
لأني فوق المقاس الكبير اعاني من فلات فووت اي الرجل المسطحة
اعاني من مشاكل عديدة من هذا الموضوع ناهيكِ عن التعب عند الوقوف والمشي
الشكل الإجتماعي اللي نائح عليه .
يعني اتصوري البريستيج اللي عندي متشرشح خالص
اقعد بالجزمة سنين وما احصل الا بطلعة الروح
احمدي ربك انك بالكويت والمقاسات الكبيرة متوفرة
مرة رحت العالي اللي في البحرين وكانت مصادفة ان دخلت محل عنده تنزيلات 50% اخذت صندل بـ150 ريال
و اسعار جزمي لا تقل عن 300 ريال وانا مستعدة للدفع هذا اذا لقيت
بالرغم والله الشاهد لست من النوع المبذر وليس من سعادتي ان اتفاخر اني اشتري بهالسعر او بهالسعر
ولكن شقول هذا الموجود
مرة اخوي راح الكويت وصيته يجيب لي جزم وصنادل
جاب لي صندل ونعال ( اعزكم الله ) من شوول
اتصدقي ان احجام اللي في الكويت مش موجودة في السعودية وهذا اللي يقهر
فياريت احصل حجم وهذا مطلبي
انتي تقولين عن زميلاتك وانا بعد زميلاتي مساكين
من يشوفون محل جوني ترى شفنا محل كذا وكذا
واقوم آخذ ابو العيال ومشحططتنه من هالوادي لهالوادي
ونرجع بخفي حنين
بتقولي لي زين لقيتي خفي حنين
اقول لج
ان حتى خفي حنين طلعوا ضيقين علي
هذي معاناتي
فيا بنات الشرقية ابحثوا لي عن محل يبيع احذية واسعة من 43 لفوق >>>>>>>> حشــــــــــــــــــــى ما صارت
وبارك الله في طيووووف اللي فتحت هالموضوع
وياريت تلقون لي ولها حل بأســـــــــــــــــــرع مايمكن
الروابط المفضلة