انا امشي بالخطوة الاخيرة
ودائما اكل من صحن زوجي
عجبوني هل النقاط هههههههه
الف شكر الك عزيزتي ايمان

الأكل من صحن غيري ليس به سعرات... كلام سليم مية في المية ياست إيمان
ومين السبب وراء سمنتي مش كنت استخسر اكب بواقي الأكل في صحون اولادي فكنت اخبيه في بطني.. والنتيجة.. ليس به سعرات حرارية.

هههههههههههه
اتخيلت شكلي ماشيه بوسط بنات سمان مرررررة وانا صايرة زي العود في الوسط

يا هلا يا هلا بالحبيبات
سنووايت، بتعرفي لما تروحي مثلاً مطعم، كل واحد بيطلب طلب شكل، بتاكلي من كل صحن شوي حتى تعرفي كيف طعمه وبهيك بتطلبيه المرة القادمة، وهذا طبعاً ما عليه حساب، ولهذا ما بيزيد الوزن
وعلى رأي ماما، ما بدي ساندويشة كاملة، بدي من كل واحد لقمة ... بتعرفي كم واحد ما شاء الله احنا؟ ههههههههههههههههههه


بعرف يا وعود قصدك، ماما بتقول دائماً: وجع البطن ولا كب الطبيخ ههههههههههه وأنا تعلمت أعمل العكس، لأنه وجع البطن وراه زيادة وزن وحمل أرداف بتقعدي سنين تتخلصي منها وهي قاعدة ومسترخية!


عسولة، صراحة هي فعلاً نفسياً بتفرق، لما تكوني قاعدة ما بين ناس شايفين حالهم سمان، أو هم فعلاً سمان، بتحسي نفسك رشيقة ونحيفة وكأنك مانيكان

صح أمون كلامك صح ..
من يومين طلعت بسيارة اجرة وكنت في المقعد الخلفي بين تنتين ما شاء الله حسيت حالى عود قصب بينهم..
بس انا كمان بطلت الرمرمة واكل الصحون صرت صارمة معهم وخاصة الصغيرة حطي بصحنك شوية ولما تخلصي حطي غيرهم . بكفي الوزن اللي انا حاملاه..

أمون من كعكات ام سامر صرت تقريبا آكلة اربع أو خمسة ولسه البارحة عملتهم.. يللا سمعين كلمتني لأني ما بآجي غير بالعين الحمرا...

حللللللوه..
والله انك صادقة..
لك تحياااتي..

هلا بيكِ رجاء

بعدين معك يا وعود... شو ما بتيجي غير بالتخويف؟! طيب شوفي لأقولك.. أنا مبارح أصبت بصدمة.. صارلي زمان ما توزنت.. ومبارح تذكرت.. توزنت لقيت حالي نازلة كم باوند، طار عقلي من الفرح.. وأنا ما منتبهة.. فقعدت أقيس ملابسي اللي ما بتدخل فيي... شو لبست؟ ملابسي وأنا مخطوبة!!!!!!!!!!!!!! والله بدلات خطبتي كانوا مريحين.. وفيه فستان أهدتني إياه زوجة أخي من كذا سنة، وما حطيته علي، لأنه ضيق بس من كثر ما هو حلو احتفظت فيه وقلت لازم يصير على مقاسي.. وفعلاً قسته مبارح وطلع رائع وعلى مقاسي.. وهذا لأنه مع الرياضة ما كنت آكل أكثر من قطعة حلو في اليوم، ومرات لما يكون فعلاً نفسي بالحلو، آكل تمر بداله..
عزيزتي، بدك نتائج؟ بدك تشتغلي.. نفسك بالحلو؟ كلي، بس باعتدال.. الأرقام هذه: 5 و 6 ما بتخدم هدفنا.. انت شايفة أنه فيه تحسن، وهذا بسبب الرياضة والتخفيف.. وأهم شيء تخفيف الحلو لأنه عزيزتي، هو أكبر مصيبة من كثر ما فيه بلاوي، كلي واحدة باليوم، وما تزيدي، خاصة أنه في العيد كل الناس ما بتمد إيديها إلا لتضيفك حلو.. فانتبهي وكوني حذرة، ما تخربي كل اللي بنيناه بيومين!

حتضر يا أمونة.. اصلي حسدت حالي أو مرة ما بيزيد وزني في رمضان..
قمت أعوض على العيد...
بس خلاص قررت ارمي الكعكعة يللي بايدي وارجع للرياضة ...
1 2 3 هوب .. بس احتياط خلي العصاية معاك ..
البس بدلة خطبتي .. آههههههه قل للزمان ارجع يا زمان..
أمون من شي عشرين سنة كنت 52 مش ... والا بلاش فضايح احسن العصاية تشتغل.
كل عام وانت بخير.. ووعد بعد اسبوع ارجع احكي تاني عن الرياضة والالتزام.

بانتظارك وعود، ارمي الحلوى من إيديك، كلي قطعة صغيرة لو كان لا بد منه في اليوم، واشربي القهوة والشاي بسكر محلي وكلي كما وصانا النبي عليه الصلاة والسلام.
بتعرفي، زوجي عمل ريجيم لما لاحظ أنه بدأ يكرش
شو الريجيم؟ وصية نبينا الكريم، كان يشرب ماء قبل الأكل، وياكل وما يشبع.. نزل في رمضان بلا جوع أو تعب 12 باوند

هلاااااااااااااااااااااااااا
مين عندنا إيمي أتاريه الركن منور
أخبارك إيه والله لكي وحشة
حللللللوة ورحنا في خبر كان