يومياتي مع الرجيم,,,النتائج المبهره بإذن الله آخر الشهر..مفاجأه ^_^ ..ادعولي وتابعوني
السلام عليكم ورحمة الله حبيباتي
انا بعرف...الموضوع غريب....
بس القضية قضية اصرار وهدف حاطو ببالي لازم بإذن الله أحققه...
وما راح أتنازل عنو....
وبإذن الله....راح تشوفو نتائج مبهره....
أنا خلص مليت تأجيل...
مليت تاخير الرجيم كل مره ..خلص من بكره...وطبعا ما يلحق هذا التسويف من الإسراف في الطعام على اساس "عادي" مو بكره رجيم من جد...
كلو حكي...والله كلو حكي...
أنا على وجه مناسبه آخر الشهر...
ولازم انحف العشره كيلو بسرعة...
والله يا حبيباتي انو التاجيل هو الي جاب المصايب النا وبالأول والأخير نحنا الخسرانين...
انا عندي ملابس كتير حلوة...
بس للأسف...بضل طل عليهم لاني كنت بلبسهم وانا نحيفه
طيب...وبعدين؟؟؟؟؟
لمتى هيك بدنا نضل؟؟؟
مين الخسران....
اكيد ما في خسران غيرنا...
انا قبل هيك عملت رجيم وكان عندي اصرار وعزيمة قوووووووووية
وفعلا نحفتهم....
ع شان تعرفو يا صبايا ما في شي مستحيل ابدا ابدا...
بالاصرار والعزيمة كل شي بصير...
وبالتوكل على ربنا ونطلب منو انو يمدنا بالعزيمة والقوة والله ما ببخل على عبادو بأي شي...
حتى بطلب متل هيك ما تستغربو...
ربنا اقرب منا الى نفسنا...فليه ما نطلب منو العون؟؟؟
حبيباتي بدي قلكن شي اول شي...
راح اكتبلكم اشياء هي الي راح ابلش عليها....
وكتابات حلوة انا راح اخليها عنوان رحلتي مع العشرة كيلو ....
والله ازا كان عندك عزيمة ممكن تنحفي اكتر...
ما بدنا نخلي الرجيم هوى الي شاغلنا بس
1- وهاد اهم شي...
يعني بمعنى اخر..
"ما تخلي الأكل هوى الي شاغلك بس"
وهاد الي راح اعملو
2- الجمله التانية..
"راح أنحف لاجل الله"!!!!!
ايوه لاجل الله...
انا بالنسبة الي لما اكون نحيفه او كلمة تانية "راضية عن جسمي"
راح البس متل ما بدي يعني راح كون سعيدة وقبله على ربنا حتى بالطاعات اكتر...
يعني خسران الجسم الزائد سبب سعادة الي فاكيد راح اكون متفائلة وسعيدة وبالتالي نفسيتي منيحح ولا شو رايكم؟؟
4- " راح اخاصم الاكل "يعني راح ازاعلو"بس هادا الشهر..."
آه...
بس خلينا اعداء للأكل هاد الشهر
واحكيلكم شي...شو رأيكم نضحك شوي ع حالنا
نتخيل انو الاكل الي بنصح..عدو إلنا ..."او كائن حي" ازا اكلناه راح يضل بجسمنا ومن اضرار هادا الكائن.،،،،انو يتكاثر بالمناطق الغير مرغوبه....
بالبطن والأرداف واماكن اخرى...
ولازم نحنا نوكل الأكل الي مو عدو...
او بمعنى تاني نلتزم بالرجيم وما ندخل اي جسم غريب علينا
5- صار لازم هادي الكتله الي ارهقتنا ..وهاد الوزن الزائد الي مرمر عيشتنا وحاملينو على ضهرنا...نتخلص منو ..للأبد ما بدنا يضل ترهقنا هادي الكتل الزايده
كلها ستذهب الى "الجحيم" باذن الله وراح تشوفو على القمامه[]
6- ازا نحفنا بإزن الله...
بدنا نستمر بالمحافظه على هادي الهمة...
او المحافظه على الوزن...
بمعنى اخر انا راح اتابع اخصائية تغذية....
انا كنت بدي روح بس الاخصائيات لانن بعملو رجيم صح بطول والمناسبة باقي الها بحدود الشهر
فانا مضطر اعمل رجيم قاسي...هوى صح غلط بس مضطر لحتى خس عالسريع
وبعدين بزبطو لما تخلص المناسبة وبروح عالاخصائية بإزن الله...
7- " بدنا نحط الوزن هدف النا وما نستسلم ابدا ابدا"
8- وراح احلف بربي انو ما راح اوكل شي خارج الرجيم وهلا راح أكتب القسم..
إلا طبعا اذا تحقق الهدف المطلوب او صار شي طارئ لا سمح الله متل مرض او شي...:::اشي خارج عن ارادتي:::: بس طالما انا بظرفي ما راح اتنازل ابدا
::::أقسم بالله العظيم ...أقسم بالله العظيم....أقسم بالله العظيم...
ان ألتزم بالرجيم الذي وضعته...وان لا اتنازل عن شيء منه مهما صار ومهما ضعفت وجعت...وأن التزم بالرياضه طالما كانت هناك القوة...وأن التزم بالذهاب الى النادي مهما حصل لي من فتور....حتى اقبل عليك يا ربي ولم يشغلني عنك شيء من اردان الدنيا....وانت على ما اقول شهيد....:::
عجبني هاد القسم...حاسو قسم المحاماه او الطب...هههه
المهم ...خلصنا حكي تشجيع...
نيجي للجد والتفاصيل...
((نوع الرجيم))
"رجيم التمر والحليب" او التمر والماء...انا طبعا التمر والماء...
ما راح اطول عليه....
بس بإذن الله راح تشوفو نتائجه المبهره اخر الشهر بإذن الله...وكل اسبوع باسبوعه
بدكو الصراحه يا حبيبات قلبي بعد التجربه هاد انجح رجيم للمستعجل والي بدو يخلص بسرعه
طبعا ازا كان فيه اي نوع فواكه
حبه فاكهه واحده تغني عن وجبة .
من 5-7 حبات تمر لوجبة الغداء والفطور
وسلطة خضار كبيرة للعشاء
مع فنجان قهوة مع كل وجبة لسد الشهية
بما اني بشتغل وبرجع متاخره عالبيت وبرضو بعدي ما تزوجت ما في وراي هم الا الشغلبس انا مو كبيرة ما يروح فكركن لبعيد ادعولي بالزوج الصالح
الرياضة :
أيام النادي اي احد -تلاتاء- خميس-
رياضة نصف ساعة صباحا وساعة مساء
+ ساعتين مدة النادي
المجموع= 3 ساعات ونصف
الإثنين والأربعاء
نص ساعه الصبح
وساعة المسا
بس لانو بكون تعبان واصلا ما في وقت لانو بحضر للشغل...
المجموع : ساعه ونص بس
الجمعه والسبت
نص ساعة الفجر
ساعة ونص الصبح
وساعه المغرب
وساعة بالليل
واااو هدول مناح..
المجموع :4 ساعات
طبعا انا بعمل الرياضه بحط السماعات ع ادني وبرقص مو لعب ع آله في دكتور حكالي هادي احسن من كل شي لانو بتحركي كل جسمك وصراحه نحفت عالرقص...
بس وراح اشرب مي كتيييييييييييييييييييير اد ما بئدر....
وبس
ازا بدكم تابعوني...
وراح تشوفو النتائج..
وازا نحفت
في للمنتدى مفاجاه بتجنننننننننننن
بحبكم...
ازا بدكم توخدو اجر تابعوني وادعولي
وراح اكتب اليوميات يوم بيوم....
والتوزين" اخر الاسبوع"
سلام حبيبات قلبي
رد مع الاستدلال
كتبت بواسطة - بنت الأحرار -
الروابط المفضلة