السلام عليكم
ياللا نفتح الموضوع الجديد
علي بركة الله
انا هأكتب ريجيم البطاطس اللي اغلبنا هيمشي عليه الأسبوع ده

لا 90 و لا 100
لا استسلام و لا انهزامية

لا للأحباط لا لليأس
احنا هنلبس كل اللبس



الفطار ثابت يوميا
كوب شاى او نسكافية بلبن خالى الدسم +1 كوروسوان او باتية او كورن فليكس مع لبن خالى الدسم + ملعقة عسل

الغداء
اليوم الاول وجبة مفتوحة

اليوم الثانى ربع فرخة مشوية +ربع كيلو بطاطس (ممكن نعمل الفراخ مع البطاطس فى الفرن)+ سلطة

اليوم الثالث لحمة + ربع كيلو بطاطس مسلوقة +سلطة

اليوم الرابع2 سيخ شيش طاووق+ربع كيلو بطاطس مسلوقة+سلطة

اليوم الخامس 2 همبرجر مشوى+ربع كيلو بطاطس مسلوقة+سلطة

اليوم السادس علبة تونة + ربع كيلو بطاطس وممكن ناخد 1 توست

اليوم السابع 2 بيضة اومليت+سلطة + 2 توست مفيش بطاطس


العشاء

1 زبادى بالفواكة+1توست

ياللا يا بنات
اديلوووووووووووووووووووووو

عبير حبيبتى ازيك حلو اوى رجيم البطاطس انا بموت فيهاا جداا بس الربع كيلو ده اد ايه ونحط عليها زيت لانى بعملها بزيت
مع انى بحبها بالسمنه البلدى يسلام لو تعملى رجيم السمنه البلدى ياهههههههههههه
عبير انا بيكون عندى فقدان فى الشهيه صباحااا وده دائم عندى ومش بجوع الا بليل اعمل ايه فى نفسى
ويله ندي للشعار
خلاص هاكل بطاطس وهكون سمبتيك
انا اصلى بنت شاطره وبسمع الكلام
ايييييييييييييييييييييييييييييييييييييييييه
ههههههههههههه
تصبحوا على خير تهيس قبل النوم

مبروووووووووووووووووووووووووووك علينا
يارب يكون فيه الشفا

بيرو تسلم ايديكي يا قمر

مروه:؟؟؟؟انتي فيييييييييييين حمدالله عالسلامه يا جميل

انا الحمد لله يومي كان تمام في الدايت
ومشيت ساعه وربع

انتو فيييييييييييييييييين؟؟؟

صباح الخيييييييير علي احلي سمبتيك
كده يا بيرو تحرمينا امبارح من بعض متغبيش عننا تاني
وحشتوني يا قمرات بجد
دورت عليكو امبارح الصبح لاقيته مقفول وخرجت ورجعت برده مقفول اهئ اهئ
بس الحمد لله مبروك علينا الموضوع الجديد ويكون فاتحه خيييير علينا
مروه انتي فين يا سمبتيك
ندي الف مبرووووووووووووووك معرفتش اقولك امبارح يا جميل عقبال الاسبوع الجاي اكتر ان شاء اللهشجعتيني اني اعمله
سلمي وروز وايمو وايمي وام حازم انتو فييييييييييييييييين
شوشو وحشتيني اوي خلصتي ولا لسه انا قربت اخلص بس خليصت بصراحه ههههههههههههه
يلا يا بنات المفروض اللي هيدخل يقول الميزان
برافو يلا يا عسل مبروك نزولك يا جميل وفعلا عندك حق ف ان احنا هرجنا كتير ولازم نبدا صح والرياضه كمان
يلا حماااااااااااااس جامد

انا يومي امبارح كان كويس ومشيت كتتيييييييييير اوي


انهارده بقه شربت مايه دافيه
وبعدها بنصف ساعه اخدت واحده توست سن بمعلقه عسل نحل لان البريود شرفت ومبهدلاني اوي
يلا هدخل اناااام شويه ولما اصحي هدخل اطمن عليكو

صباح الموضوعات على القمرات
اخباركو ايه يا بنات والله وحشتوني اوي
انا وزنت يوم الخميس ولقيتني يا دوب خسيت 400 جم بس الحمد لله الشوال لحق نفسه على الاخر ومش هيظهر في التوقيع

بس يا بنات عايزين بجد التزام الاسبوع دة لحسن كدة مينفعش عايزين نرجع نخس كتير زي الاول

انا عشان اتشجع هقول الوزن عند بداية الرجيم زي ما اتفقنا
الوزن عند بداية الرجيم 113 كيلو
الوزن الحالي 104.7 كيلو
اجمالي النزول 8.3 كيلو
نفسي يا بنات على اخر الاسبوع يبقو 10 كيلو ............. قولو يارب
انا ان شاء الله همشي على الاسبوع الاخير من رجيم د/ بهاء
بصراحة بعد اللى عملته الاسبوع دة مستحقش رجيم البطاطس عايزة حاجة تكون قاسية شوية ويارب يكون بفايدة
انا مش هضعف ولا انهار انا راح امل المشوار

صباح الخير يا بنات
انا عندي شوية ظروف اليومين دول
عشان كده عايزة أطلب منكم لو ممكن أي واحدة تعمل لوحة الميزان الأسبوع ده بدالي؟
انا لسة ما وزنتش للاسف
سامحوني لو ما دخلتش كام يوم بس انا ان شاء الله هأكون متابعة
عايزة منكم حاجة أخيرة
الدعاء ليا

اللهم اني أشكو اليك ضعف قوتي و قلة حيلتي و هواني علي الناس
حسبي الله لا اله الا هو عليه توكلت وهو رب العرش العظيم

بيرو يا حبيبتي والله حسيت بيكي من طريقه كتابتك للموضوع ربنات معاكي يا رب وهوني ع نفسك ربنا يفك محنتك يا رب غ خير ويبعد عنك اي شر
بس متغبيش علينا يا بيرو ومش هنعمل لوحه الميزن انتي اللي هتعمليها لنا الاسبوع الجاي لما تكوني اول واحده خسيتي ان شاء الله

ايمي عامله ايييييييه وحشتيني اوي ندي عامله ايه |؟ بوسيهالي بوسه كبييييييييييييييره اوي
عندك حق عايزين نرجع زي الاول وننزل كتير انا والله زهقانه اوي علشان موزنتش الاسبوع ده وحاسه اني برميل من البيرود بيبقي عندك شك كده انك زايده علشان موزنتش بس ان شاء الله انا بدات امبارح وهوزن الاربع ان شاء الله ومش هكرر اني موزنش تاني

ايمي معلشي هتعبك معايا ممكن تحطي رابط او تحطي رجيم الاسبوع اللي فات انا فاكره انه كان حلو والف مبروك النزول والتزمي علشان يبقي نزولنا كتير الاسبوع ده ان شاء الله

صباح الخير عليكوا يا بنات ومبروك الموضوع الجديدانا امبارح زهقت كل شوية ادخل الاقى الموضوع مقفول

بس الحمد للة بيرو فتحت الموضوع الجديد بيرو حبيبتى ربنا معاكى يارب ويخفف عنك ويقويك ويعينك وابقى طمنينا عليكى علشان احنا قلقنين