السلام عليكم ورحمة الله وبركاته اخواتى فى الله

اختى العزيزة الغالية ام مريم وزياد اللى فتحت بيت العائلة والحمد الله
وباقى اخواتى الاعزاء اللى فعلا بقول عليهم اخواتى من كل قلبى بغم اننا كل منا فى بلد مختلفة ودولة مختلفة واختلاف فى بعض اللغات الا اننا الحمد الله اعتبرنا انفسنا عائلة واحدة
اخواتى الاعزاء الذين سوف تنضمون الينا ان شاء الله تعالى فى بيت عائلتنا وفية اهم شىء الصراحة
ثم الصراحة والصراحة ولا نخجل من اى شىء فنحن دائما مع بعضنا البعض نشد من أزر بعض فى كل المشاكل ولا نعتبر الموضوع مجرد تسلية او دخول على موضوع للرد فة ولا اية يا اخواتى

احب ارحب باختى ام عبد الرحمن نرجو منكى المتابعة دائما يارب معانا

احب ان اسال على اخواتى نهنونه عاملة اية يا ام البنات اية اخبارك واخبار البنات معاكى اية يارب تفرحوا بيهم وتدخلوا بيهم الجنة ان شاء الله يارب

ملوكة عاملة اية اخباركو اية كويسين واخبار يوسف باشا اية يارب تكونوا فى احسن صحة واتم حال يارب وطنينا عليكى دائما يا ملكة

نهاد عاملة اية يا قمر واخبار الامتحانات شدى حيللك عاوزيين نشرب الشربات ياستى ماشى معندناش بنات تتهاون فى المذاكرة ماشى مع اننا كل شى ء يحلا اثناء المذاكرة النونم والاكل والخروج الحجج الواهية ولا اية مش معايا بردة.....................

بسكوتة انتى فيين مستخبية فيين ياقمر واخبار حظر التجول اللى عندكو يارب يكون خلص ولا اية واخف شوية وطمنينا على ماما وعليكى ياقمرية يا احلى بنوتة ياست البنات.................


مبروك على الطابق التانى وعقابل المائة واحنا مع بعض

بمنتهى الصدق والامانة ام مريم وزياد/نهنونه/نهاد
بسكوتة/ الملاك العطوف/دىحبيةامها

لللووووووووووووووووووووولى

يا الف مليووووووووون مبروووووووك على الدور التانى وان شاء الله يكون عماره يا رب

ويتلم فيها الحبايب وحبايب الحبايب

وان شاء الله نوصل كلنا للى احنا عايزينه

عندى ليكوا خبر يمكن تضربونى عليه

انا حاسه انى تخنت شويه ودا للقلق والنفسيه من يوم الخميس باكل شيكولاته وبيتى فور
مش كتير بس لقطت كام واحده كداااااااا

بس ان شاء الله برجع تانى للى انا كنت ماشيه عليه من تخفيف وتنطيط

ام مريم

نهنووهه

نهووده

ملووكه

حبيبه امها

وحشتونى كلكوا يا بنات مبرووووووووووك علينا اللى وصلنا له

ام عبد الرحمن اهلا بيكى معانا وان شاء الله توصلى للى انتى عايزاه

واهلا بيكى معانا يا قمر

اسيبكم فى رعايه الرحمن

بسكووته

اهلا باحلى بنات ازيكم اخباركم ايه
منورين بيت العيله (بيت العز يا بتنا)
ام مريم اخبارك ايه ياست الكل وازى القطقيط مريم وزياد
واخبار رجيمك ايه
نهوده ازيك واخبار امتحاناتك ايه ابتديتى ولا لسه وربنا معاكى وتقدرى تروحى الجيم انا كمان نفسى اروح جيم بس ماينفعش هنا عموما ربنا يسهل
انا بصراحه من امبارح وانا مش مبسوطه من نفسى مع انى طول النهار صايمه لكن باجى بالليل وبلخبط
يعنى امبارح مثلا فطرت طبق سلطه وحطيت عليه معلقتين تونه وليوم وخبز الرجيم واكلت
بعدها بحوالى ساعه جوزى جاب بلح الشام فبصراحه اكلت منه شويه مش كتير بس اكلت وحوالى الساعه 3 باليل شربت عصير اناناس بدون سكر معاه شويه كورن فليكس
ملخبطه معلش
وانهارده صايمه بردوه وان شاء الله هافطر ربع فرخه مشويه مع 3 معالق رز
وربنا يسهل ومالخبطش
ووزنى شويه يبقى 70 وشويه يبقى 72 مش عارفه ليه
بس انا شكلى بان عليه انى خسيت
يعنى بصراحه الملابس وسعت
وكنت جايبه 2 جيب قبل الرجيم وكانوا ضيقين شويه بس دلوقتى حسيتهم بقوا واسعين والحمد لله
بسكوته مش عايزين لخبطه بقى انا وانت عايزينى نمشى تمام على الرجيم علشان مايروحش تعابنا على الارض
وربنا يقوينا ان شاء الله
حبيبه امها اخبارك ايه واخبار رقيه ايه ربنا يخليهالك ويجعلها من البارين ان شاء الله
ملوكه ازيك وازى يوسف عامله ايه وازى الرجيم معاكى
والله يا بنات انا بحبكم كلكم كلكم حاسه انى عارفاكم من زمان وهونتوا عليا موضوع الرجيم دا جدا
ربنا يخليكوا ليا يارب
اختى ام عبد الرحمن ربنا معاكى ان شاء الله وتابعينا واكتبى يومياتك زينا كده ونشجع بعض

سلام يا احلى صحبه

السلام عليكم ورحمه الله

نهنووهه ان شاء الله مش حلخبط تانى

وان شاء الله بصوم من بكره اتنين وخميس زى الاول

ادعولى يا بنات انى ارجع زى ما كنت مواظبه على الصوم والصلاه لانى مدايقه من نفسى جدااا

ادعولى ربنا يهدينى ويهدى بنات المسلمين اجمعين

اه ان شاء الله انا اتسحرت نص رغيف عليه هامبورجرايه وحشرب شاى اخضر قبل ما نام

يلا تصبحوا على خير وان شاء الله بشوفكوا بكره واقول لكوا انا فطرت ايه

دمتـــــــــم فى حفظ الرحمن

بسكووته

اخت راجية الف شكر ليكى ربنا ما يحرمنا من تشجيعك و نصايحك الغالية و لو ان ان احنا احيانا بنكون مستعجلين النتايج فبنضر نفسنا جزاكى الله كل خير



نهودة يا عسل وحشتينى عاملة اية ربنا معاكى فى امتحناتك يا رب و يتممهالك على خير قادر يا كريم
اوعى تزعلى من اللخبطة يا نهودة انت اليومين دول سماح لغاية الامتحانات ما تخلص بس بعد الامتحانات فية شد ودان و عض كمان لو ما رجعتيش زى الاول شدى حيلك المهم دلوقتى تركزى فى الامتحانات و تاكلى كويس


اخت ام عبد الرحمن و اخت اصالة اهلا بيكوا معانا افراد فى الاسرة و مستنيين تحكولنا عنكوا


ملوكة ازيك يا اجمل ملاك شدى حيلك يا قمر و قوليلنا بكرة انت ماشية على اى نظام بالظبط


نهنوهة بسم الله ما شاء الله عليكى انا بجد فرحانة بيكى اوى ربنا يزيد و يبارك يا رب لا مش فى الوزن فى النزول طبعا
و ما تزعليش من الخبة يا نهنوهة اصل احنا طبعا مش ممكن منطقيا نفضل على طول فى حرمان من كل الاكل لاء لازم ندوق من نفسنا برضة بس خلينا متفقين على مبداء ان احنا بضة لما نلخبط نلخبط بنظام مش بانتقام صح و لا اية ؟


حبيبة امها ازيك يا اغلى حبيبة عاملة اية و اخبار النزول اية و تعليقات جوزك المشجعة اخبارها اية
و صلتى لغاية فين دلوقتى


اما بالنسبة ليكى يا بسكوتة انت و نهاد سعات بحس ان انتوا بناتى الصغيرين نهاد بروحها العالية و عدم ياسها ماشاء اله عليها و انت يا بسكوتة بخفة دمك و قدرتك على رسم البسمة بروحك المرحة
ربنا معاكوا يا رب و انت يا بسكوتة حتى لو زدتى اوعى تزعلى لان الزعل هيخليكى نفسيا مش كويسة و تاكلى اكتر لسة الوقت ما رحش عشان تبدائ من جديد

اما انا مهما جرى هفضل اصون عهد الرجيم بس انا اليومين دول ماشية على التخفيف على اد ما اقدر و اليومين دول الظروف مش مساعدة على المشى داخل المنزل هحاول انزل امشى شوية برة البيت ربنا يسهل
بحبكوا فى الله

السلام عليكم
كيفكم صديقاتي
ام مريم انا ماشية على نظام ينزل 5 او 4 كيلو في الاسبوع

السلام عليكم ورحمة الله وبركاته
حبيباتي انا معجبة جدا بكل التجمعات او المجاميع اللي بتآزر بعضها البعض وانا نفسي تتقبلوني كعضوة في عيلتكم وفقنا الله جميعا لما يحب ويرضى وييسر امر نزولنا بالاوزان.
اخواتي انا عمري 47 سنة متزوجة وعندي صبي في الجامعة وبنت خريجة جامعة وزني كان 97 كغم قبل الثالث من شباط الماضي حيث بدات ريجيم منذ ذلك اليوم والان وزني 82 كغم طولي 154سم وقد اشتركت بجيم منذ اسبوعين بمعدل ثلاثة ايام في الاسبوع ولكن المشكلة ان نزولي منذ شهر بالضبط لم يتعدى الكيلوين لحد الان ولا اعرف ما السبب علما انني ما بخبص وماشية على نفس طريقة الغذاء وبالعكس زاد عندي اشتراكي بالجم والريجيم كان معتمد على الامتناع عن الدهون والرز والخبز الابيض والسكر وبالطبع الحلويات وكل غذائي عبارة عن توست اسمر خاص بمرضى السكري ودجاج مسلوخ من الجلد مشوي او مسلوق اوسمك مشوي او لحم عجل مشوي او مسلوق وخضر متنوعة اما بهيئة سلطة او طبق خضر طازجة وطبعا فاكهة من نوع واحد في اليوم الواحد مثلا تفاحتين او برتقالة او بطيخ وبكميات محددة بالاضافة الى الحليب الخالي الدسمواخذ خل التفاح ملعقتي طعام على الغدا وفي اول شهر كنت صايمة لشهر متتالي كان علي نذر
ولمدة ال 23 يوم الاولى كنت اخذ عصير الملفوف كاس على الريق وما قدرت ازيد الفترة لان عمري 47 كما ذكرت لكم والملفوف الطازج (غير المطبوخ )يؤثر على الغدة الدرقية وافرازاتها طبعا . الفطور اما جبنة بلدية (بيضة) او بيضة مسلوقة مع التوست مع شاي محلى بالسكرين
والعشا تقريبا ملغي الا خلال ايام الدورة لاني احس بجوع بطريقة غريبة ويكون حليب خالي الدسم بارد او ساخن محلى بالسكرين مع حبة توست النخالة ارجو منكم قبولي ومساعدتي وتوجيه النصيحة لان وزني ما ينزل ولكنني بفضل الله مصرة على الاستمرار لغاية ال60 كيلو هذا مبدئيا واذا الله شاء اكمل الى ال55 كيلو باذنه عز وجل لان وزني كان 55 كيلو لغاية عمر 33 سنة بس المشكلة انا كنت مهندسة عاملة في مصنع وبعدين انتقلت الى وظيفة اخرى مكتبية كمصممة وحدات انتاجية في احدى المنشات في العراق بالتسعينات وبلش الوزن يزيد والان انا مقيمة في الاردن منذ 1998 وربة بيت ممتازة والحمد لله الا في شغلة المحافظة على الوزن فانا خائبة .
اشكركم واتمنى الموفقية للجميع لبناتي واخواتي من عيلتكم

السلام عليكم ورحمه الله وبركاته

يا اهلا وسهلا بكل اللى انضموا معانا جديد

بس مش عايزين ان انتو تيجوا زياره بس احنا هنا اهل كرم وبنحب اللى يجى معانا ويفضل وبردوا بنحب اللى بيزورنا

اختى صبيحه

يا اهلا بيكى وباهل العراق وان شاء الله ترتاحى فى بيتك زى ما احنا مرتاحين مع بعض ومنقدرش نستغنى عن بعضينا

بصى يا ستى الوزن فى الاول بيبتدى فى النزول سريع وبعد كدا بيبقى النزول بطئ ودا شئ طبيعى يعنى ما تخافى واستمرى على النظام اللى ماشيه عليه ويا ريت تقوليه لنا عشان غيرك يستفيد
ان شاء الله توصلى للى انتى عايزاه بفضل الله اولا ثم ارادتك طبعاثم تشجيعنا لبعضنا
واهم شئ عدم الاستسلام والياس
اه بيجى علينا ايام بنلخبط لكن بنرجع تانى نظبط الامور

اهلا بيكى مره تانيه

ام مريم يا عسل انتى بقى انا بنوتك
بس بنوته اكبر منك شويه ههههههههههه
ربنا يكرمك يا رب وتوصلى للى انتى عايزاه ويخليلك مريم وزياد

نهنووهه مش حلخبط يا قمر وحقوم دلوقتى انط شويه عشان نعوض اللايام اللى فاتت بنوتاتك عاملين ايه بوسيهوملى كتير ربنا يخليهوملك

حبيه امها يا بنت عمى اخبار رقيه ايه والباش مهندس

ملوكه يا قمر اخبارك ايه حبيبتى واخبار جو ايه ربنا يخلى هولك يا رب

نهووده ربنا معاكى فى الامتحانات وان شاء الله امتياز

دمتـــــــم فى حفظ الرحمن

بسكووته

شكرا لك اختي ولا بنتي بسكوتة سررت جدا برؤية ردك على فكرة انا بموت في الشعب المصري المهم بالنسبة للي ععملتو انا شرحتو ليكو في الرد اعلاه
بس انا حاكتبو ليكو بكرة باذن الله بالتفصيل لاني الان ساصلي المغرب وبعدها اتابع مسلسل القرار الاخير على دبي فالى اللقاء غدا باذنه تعالى

اهلا بيكى معانا
بجد والله منورانا
واحكيلنا اكتر عن نفسك
انا هحكيلك بس بكرة (",)

بسكوتى انتى هتعملى ريجيم ايه
انا رابع يوم ليا النهارده ومش جعانة بالعكس انا شبعانة الحمد لله
يالا تعالول كلكوا وانا هذاكر شوية واجيلكم يا حبايب قلبى من جوا